Ni xi akakoo̱ 2:3 - Xo̱jo̱n eén Néná

³ kó tjiín kjo̱a̱chiyákón, kó tjíchikjoáa̱ ta̱ngatꞌanii̱ jaꞌénna, kó kjiꞌmeyájín ji.

Ni xi akakoo̱ 2:3 ပူးပေါင်းရင်းမြစ်များ

Xo̱jo̱n Salmoo̱ 37:7

Ngata̱ ndokjo̱e̱jín ji ngindyi̱ko̱n Néná, kó chiyé sakon sakòo̱n nga ko̱síko̱joo̱, ngata̱ niꞌínxchínjín ji ta̱ngatꞌanii̱ xota̱ xi tjoninkꞌaa̱ yojoo̱, ko̱jo kjo̱a̱a̱ xota̱ xi ni xi ndajín ꞌbíndaa̱.

Xo̱jo̱n Salmoo̱ 69:7

Ngatꞌa̱ ta̱ngatꞌanií ji nga chꞌo tjíꞌmína, ¡kó nde bejín an ñá kuijen an kje̱n án, ta̱ngatꞌanii̱ kui kjo̱a̱soboaá!

Markoo̱ 15:21

Kó ngo nda̱ xi ꞌmí Ximo̱ xi chji̱a̱ni na̱xi̱ńdáꞌniú Sirene̱, na̱ꞌmii̱ Rijaá ko̱jo Rufoo̱, xi kjoeꞌeni ngi̱jin jno̱o̱, kó ta̱ kuí ma ora̱ kjoaꞌa ki̱a̱a̱, kiniꞌaán kjo̱a̱ꞌniú kuí nda̱a̱ tsi̱ꞌe̱ nga asíko̱jo nga yaꞌajo̱ kroo̱ Kjisoo̱.

Rkaa̱ 14:27

Kó xi mejénjiín nga ko̱a̱ꞌa̱ kroo̱, sꞌe̱ ko̱e̱je̱tji̱ngina, ka̱májín xota̱ tsa̱ꞌa̱n ka̱ma.

Rkaa̱ 18:1

Kjisoo̱ íni̱jmi̱ì kui énkjiín xotaa̱, kjo̱a̱a̱ nga chjiéngá ku̱i̱chji̱a̱a̱ Néná ngatsjéni̱xtjin, kó nga ko̱yayàjín,

Rkaa̱ 21:19

ꞌNiú ti̱ndyiàjnú tsi̱ꞌe̱ nga kjo̱tjoꞌajnú.

Rkaa̱ 5:5

Kó bi̱ katsó Ximoo̱: –Mostro̱, nga ngo ni̱xtji̱e̱e̱n ikjienjne̱ nda̱ꞌyajne̱, kó nde ngo tji̱o̱ kjíyájínjne̱, ta̱nga tji̱e̱nga ji xi bo̱a̱ tꞌísé, kuijen an nda̱ꞌya̱a̱.

Rkaa̱ 8:15

Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

Juaa̱ 15:21

Ngayeje kui nii̱ xi sa̱ꞌínjo̱jnú xotaa̱ ta̱ngatꞌanii̱ jaꞌénna, ngatꞌa̱ bejín ꞌyání xi katsangiyana.

Xota̱ Roma̱ 12:12

Tsja ngatamajnú nga ndyi̱chiyájnú, ti̱ꞌanchíkjo̱a̱jnú ngayeje kjo̱a̱ni̱ma̱, kó ngatsjéni̱xtjin ndókjo̱a̱jnúu̱ Néná.

Xota̱ Roma̱ 16:12

Tinde bo̱a̱ tꞌínjnú na̱ Trifenaa̱ ko̱jo na̱ Trifosaa̱, xi ndyi̱tsꞌèn xaá Ndi̱a̱ná. Tinde bo̱a̱ tꞌínjnú na̱ ndichjá xi tjóná xi ꞌmí na̱ Pérsindaa̱, kui xi achichí xaá Ndi̱a̱ná jè katsꞌén.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Roma̱ 8:25

Ta̱nga tsi ngo ni xi yà jàn xí xchiyá, xchiyá sakon sakoo̱n.

1 Xota̱ Korinto̱ 13:7

Tsi tjínná kjo̱a̱tjó si̱ꞌanjetakón ngayeje ni xi ku̱i̱tjájin, si̱ꞌansꞌijin ngayeje ni xi tsi̱ꞌe̱ Néná, xchiyàa̱ ngayeje ni xi ndaa̱, si̱ꞌanchíkjo̱a̱ ngayeje ni xi ka̱mataꞌin.

1 Xota̱ Korinto̱ 16:16

ꞌNiú míꞌájnúꞌun jún, nga tasiénijónjnúu̱ kui xota̱ xi xikoó xota̱ xi̱ꞌbi̱, ko̱jo ngayeje xota̱ xi ndyi̱bosikójo kui jaá, ko̱jo xi ti̱ kuii̱ kui xaá ndyi̱tsꞌèn.

2 Xota̱ Korinto̱ 10:15

Kó jmí tsi ji̱n xi je ko̱ꞌna̱xiéjne̱ yojojne̱ kjo̱a̱a̱ xá xí katsꞌén kje̱ꞌe xota̱. Ta̱sá ndyi̱chiyájne̱ nga ꞌniú ngase sꞌi̱jinjnú Néná, tsi̱ꞌe̱ nga tsie ngase xá xí ka̱ma si̱ꞌanjne̱ ngi̱jinjnú.

2 Xota̱ Korinto̱ 11:23

A xota̱ mosoo̱ Kristoo̱ boá kui jaá. Xikoó tsi tsobéna nga chjiá án. ꞌNiú ngase je katsꞌenxá an ta̱bo̱a̱jiín kui jaá, kjín ndi̱yà je akjaꞌyana ndo̱bo̱a̱yà, ti̱ kjín ndi̱yà je akjana, kó ti̱ kjín ndi̱yà nga je mején ma niꞌánkꞌiénna.

2 Xota̱ Korinto̱ 4:1

Kó kuíni nga ta̱ngatꞌanii̱ kjo̱a̱ni̱ma̱takoón Néná nga katsjájne̱ kui xaá, kó ndyi̱niꞌankjiéjínjne̱ kjo̱a̱.

2 Xota̱ Korinto̱ 4:16

Kó kuíni nga ndyi̱niꞌankjiéjínjne̱ kjo̱a̱, ngatꞌa̱ ndatsi je kjife ngaꞌniuú yojojne̱, ta̱nga ini̱ma̱jne̱ kjimatja̱tsi̱e̱ya ndyiojón ndyiojón.

2 Xota̱ Korinto̱ 5:9

Kó kuíni nga niꞌán ngo kjo̱a̱ꞌniú nga niꞌán ni xi tsja maa̱ Ndi̱a̱ná, ndatsi kꞌi̱e̱ tindyión ngi̱jii̱n kui yojoo̱, ko̱jo tsi je akayà.

2 Xota̱ Korinto̱ 6:5

Ko̱jo nga tjifoájne̱, ko̱jo nga ndyi̱niꞌánchíkjo̱a̱jne̱ tsi tjín xi ndyi̱fíjo̱jne̱ ndo̱bo̱a̱yà, ko̱jo nga tjíbixkánjo̱jne̱, ko̱jo nga xá ꞌniú ndyi̱niꞌánjne̱, ko̱jo nga ńjñá, ko̱jo tsi kjindiá ndyi̱bitjatiójne̱.

Xota̱ Ngalasia̱ 6:2

Ja̱kꞌi̱e̱ ja̱ngaján tasíko̱jojnú xingi̱jnú xi ndyi̱foaꞌatio kjo̱a̱ni̱ma̱, kó nga bo̱a̱ si̱ꞌánjnú ndyi̱niꞌánkjatjosónjnú kjo̱a̱kitii̱ Kristoo̱.

Xota̱ Ngalasia̱ 6:9

Kó kuíni nga chjiénjín nga kju̱i̱e̱ndà nga si̱ꞌán ni xi ndaa̱, ngatꞌa̱ nga kjo̱chó ni̱xtjin, xꞌi̱je̱n kui cha̱a̱n ni xi ikꞌítji̱e̱.

Xota̱ Filipo̱ 2:16

nga ꞌniú kichꞌiájnú kui eén kjo̱a̱mindyioo̱n, kó bo̱a̱ tsꞌén kjiꞌanga kjo̱e̱ꞌe nginí Kristoo̱, an tsja ka̱mana kjo̱a̱a̱ jún, nga skuie an nga ta̱ kjo̱a̱ndajiín nga kistsoꞌbá an, ko̱jo nga katsꞌenxá an.

Xota̱ Filipo̱ 4:3

Kó ji ꞌniú míꞌaá, ji xi ꞌniátakoón nga nijan ndyi̱niꞌánxá, tsi̱ꞌe̱ nga ko̱si̱ke̱je ji kui ínchjiín, kui xi nijan katsꞌénxájo̱na nga ini̱jmi án éntjatsi̱e̱e̱ Néná, ko̱jo Klementee̱ ko̱jo xota̱ xi ngase xi nijan katsꞌénxájo̱na. Kui xi je kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.

Xota̱ Kolosa̱ 1:11

Ngasakó ngasejnú ngaꞌniú, xikó kjiꞌi kui ngaꞌniú xí tjiín kui Néná xí tjiín kjo̱a̱jee̱, tsi̱ꞌe̱ nga xchíkjo̱a̱jnú ta̱jmì niní, kó ngatꞌiéjnú kjo̱a̱chiyákjo̱a̱.

1 Xota̱ Tesalónika̱ 1:3

Ngindyi̱ko̱n Néná xí na̱ꞌminá nga ngatsjéni̱xtjin foaꞌátsjienjne̱ jún, xikótsꞌèn sꞌijinjnú Néná, kó niꞌánjnú ni xi mejeén kui, ko̱jo xikótsꞌèn tjójnú, kó bosíko̱jojnú xingi̱jnú, ko̱jo kjo̱a̱a̱ nga ndyi̱niꞌánchíkjo̱a̱jnú kjo̱a̱ni̱ma̱ xi ndyi̱bitjatiójnú nga ndyi̱chiyájnúu̱ nga kꞌo̱xiéꞌájnú Ndi̱a̱ná Jesukristoo̱.

1 Xota̱ Tesalónika̱ 2:9

Ngatjaꞌátsjienjnú jún já ntsꞌie, kótsꞌèn kiniꞌánxájne̱ ko̱jo jendajne̱, ngatꞌa̱ nga ni̱xtjin ko̱jo nga ni̱xtji̱e̱n kiniꞌánxájne̱, tsi̱ꞌe̱ nga jmí tsi jún ikꞌíniéjne̱ yojojne̱ nga ikꞌíni̱jmìjne̱ éntjatsi̱e̱e̱ Néná.

1 Xota̱ Tesalónika̱ 5:12

Jún ntsꞌie, ꞌniú chjiáꞌájne̱ jún, tsi̱ꞌe̱ nga ka̱makjínjnú nga kui xi ndyi̱tsꞌènxájinjnú, xaá Ndi̱a̱ná boá xi ndyi̱tsꞌèn, kó kuí xí síndotjónjnú ko̱jo xi ndyi̱bokoyájnú, bo̱a̱ ndyi̱tsꞌèn tsi̱ꞌe̱ nga nda tsꞌén ku̱i̱ndyionjnú.

2 Xota̱ Tesalónika̱ 3:13

Kó jún já ntsꞌie, ngata̱ fendajo̱jínjnú nga si̱ꞌánjnú ni xi ndaa̱.

2 Xota̱ Tesalónika̱ 3:5

Kó Ndi̱a̱ná ngatakoyájnú nga bo̱a̱ tsꞌén si̱ꞌantjójnú xikótsꞌèn tsꞌéntjó Néná, kó ti̱ꞌanchíkjo̱a̱jnú ni xi ndyi̱bitjajinjnú, xikótsꞌèn katsꞌénchíkjo̱a̱ Kristoo̱.

2 Xota̱ Tesalónika̱ 3:8

Ti̱nde jmí tsi nichiniee̱ ngo xota̱ ta̱xkiya kichiniejne̱, sꞌe̱ ikꞌíchjíjínjne̱. Ta̱sá ꞌniú kiniꞌánxájne̱ nga ni̱xtjin ko̱jo nga ni̱xtji̱e̱n, tsi̱ꞌe̱ nga jmí tsi jún ikꞌíniéjne̱ yojojne̱.

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

1 Timoo̱ 5:17

Xota̱ xi xchá xi síndotjoón na̱ngo̱xi̱i̱ xi nda tsꞌén ndyi̱fíjo̱ xaá, chjiéngá ꞌniú ngase ngatamayandikón, ngase má kui xi ndyi̱ꞌbini̱jmì, ko̱jo xi ndyi̱bokoyá eén Néná.

Xota̱ Ebreo̱ 10:36

Chjiéngá kꞌuiéjnú kjo̱a̱chiyákjo̱a̱, tsi̱ꞌe̱ nga si̱ꞌánjnú ni xi mejeén Néná, kó bo̱a̱ tsꞌén nga sa̱kójnú ni xi katsóyàtjón nga tsja̱á.

Xota̱ Ebreo̱ 12:1

Achichí má xota̱ xi síndo nga ngo foaꞌatjiyajonná xí chistiko̱ nga bokóná xikótsꞌèn kisꞌijii̱n Néná, kuíni nga ñá xín kꞌuijñá ni xi tsꞌenníꞌínná ko̱jo kui jé xí mejeén kꞌo̱jmingíná, kó si̱ꞌanngaꞌniú nga kjuínrá nínga ndyi̱mongín.

Xota̱ Ebreo̱ 13:13

Tjianchóo̱n Kjisoo̱ tsobo̱a̱ ki̱a̱ ndi̱tsee̱n kui ṉdi̱a̱a̱, kó nijan ku̱i̱tja̱tió kuí kjo̱a̱soboá xi jaꞌatio kui.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

Xota̱ Ebreo̱ 6:12

tsi̱ꞌe̱ nga tsiꞌéjín ka̱majnú, ta̱sá mejénjne̱ nga kongintjingíjnú kui chi̱bo̱a̱a̱ xota̱ xi ta̱ngatꞌanii̱ kjo̱a̱sꞌijii̱n, ko̱jo kjo̱a̱tsiekoo̱n nga tjisákoó kui ni xi katsóyàtjón nga tsja̱aná Néná.

Xota̱ Ebreo̱ 6:15

Kó Abraa̱n achichí kamátsiekon nga askoyá, kó kasakoo̱ ni xi katsóyàtjoón Néná nga tsja̱á.

2 Xo̱jo̱o̱n Peé 1:6

Kó kui kjo̱a̱kjíntakoón, tjasónjnúu̱ nga kamáꞌniújnú yojojnú. Kó kui kjo̱a̱a̱ nga maꞌniújnú yojojnú, tjasónjnúu̱ kjo̱a̱chiyákjo̱a̱. Kó kui kjo̱a̱chiyákjo̱a̱a̱, tjasónjnúu̱ nga si̱ꞌandikónjnú Néná.

Ni xi akakoo̱ 1:9

An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.