Ni xi akakoo̱ 13:2 - Xo̱jo̱n eén Néná

² Kui cho̱ chꞌokjiꞌi xi kamábe an, ja̱kjiꞌi xasinié má kjiꞌi, kó sé ja̱ kon se cho̱ꞌoso̱ kon, kó tsꞌoa xikó maá tsꞌoa xandi̱je̱. Kó kui cho̱ tamá xí yito to̱koo̱ katsjaá ngaꞌniuú ko̱jo nga atíxoma ko̱jo achichí tsie xá katsjaa̱.

Ni xi akakoo̱ 13:2 ပူးပေါင်းရင်းမြစ်များ

Xo̱jo̱n Salmoo̱ 22:21

¡ꞌNa̱xiéꞌéní ngi̱ya tsꞌoa kui xandi̱je̱ xi mejeén skji̱ni̱e̱na ko̱jo kui cho̱yojo toro̱ tamá xí mejeén sa̱ꞌínꞌónna! ¡Jè tiniꞌínsénní!

Énkjínkón 17:12

Ta̱sá nda ngase nga ngo cho̱ꞌoso̱ chjo̱on xí kachjeꞌéxiín ndií ku̱i̱xkánjo̱, ta̱bo̱a̱jiín tsi ngo xota̱ kitikjo̱a̱ xi mején kjo̱a̱ꞌniuú nga sa̱ꞌín ngo ni.

Énkjínkón 28:15

Xikó maá ngo xandi̱je̱ xi tsꞌénꞌbìtsjè, ko̱jo tsi xikó maá ngo cho̱ꞌoso̱ xi bojoó, bo̱a̱ má kón má ngo xota̱ xi ꞌniú ndajín xi botixómaá ngo nangi xi ni̱ma̱.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

1 Xo̱jo̱o̱n Peé 5:8

Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.

Ni xi akakoo̱ 12:13

Kó kui cho̱ tamá xí yito to̱koo̱, nga kamábe nga je akjajmisón tꞌanangii̱, tsangatji̱ngii̱ kui na̱ xi je kisꞌiee̱ ngo ndí xíꞌiín.

Ni xi akakoo̱ 12:15

Kó kui ye̱e̱ achichí ndáfoa katsꞌénkjasó, tsi̱ꞌe̱ nga ngo ndejèꞌ sa̱ꞌínda xi ko̱e̱je̱tjiboajo̱ kui naa̱.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.

Ni xi akakoo̱ 13:12

Kó kisꞌiee̱ xá xi katseꞌeé cho̱ chꞌokjiꞌi xi tjoón, ngindyi̱ko̱n kui. Kó kuí boá xi katsꞌeén kjo̱a̱ꞌniú xotaa̱ kui tꞌanangii̱ nga katsꞌéndikón kui cho̱ chꞌokjiꞌi xi tjoón, kui xi kamándaya nga oo̱n to̱ko̱.

Ni xi akakoo̱ 13:4

kó katsꞌéndikón kui cho̱ tamá xí yito to̱koo̱, ngatꞌa̱ kui xi katsjaá xá kui cho̱ chꞌokjiꞌii̱, kó ti̱ katsꞌéndikón kui cho̱ chꞌokjiꞌii̱ nga bi̱ katsó: –ꞌYá xi bo̱a̱ kon xikoó kui cho̱ chꞌokjiꞌii̱, kó ꞌyá xi sa̱ꞌiín nga skjánjo̱.

Ni xi akakoo̱ 16:10

Kó ndítsjie xi ma uún iskjitjónjón nínga botixómá kui cho̱ chꞌokjiꞌii̱ ni xi ndyi̱a̱ chi̱tse̱én, kó ngayeje nínga botixómá kamájñó, kó kui xotaa̱ ngaskande iskjinieya má na̱je̱n nga on kamaá,

Ni xi akakoo̱ 17:12

Kó nga tie ndi̱ja̱ xi je kamáyè ji, kuí boá nga tie já ree̱ xi kji̱e̱ ꞌbítsi̱yajiín nga ko̱tíxoma, ta̱nga ta̱ ngo tsi ora̱ nga sa̱ko̱ó xá nga xikoó ree̱, kui ko̱jo kui cho̱ chꞌokjiꞌii̱.

Ni xi akakoo̱ 19:20

Kó kui cho̱ chꞌokjiꞌii̱ kandobá, ko̱jo kui nda̱ chji̱ni̱e̱ꞌén ndísoó kui xi kjín kjo̱a̱ndikón katsꞌén ngindyi̱ko̱n, kui kjo̱a̱ndikón xí katsꞌénkjién, kui nda̱ chji̱ni̱e̱ꞌe̱én ndísoó nga índisojo̱ xota̱ xi katsjandiè nga ikꞌíjñaá chi̱bo̱a̱a̱ kui cho̱ chꞌokjiꞌii̱, ko̱jo nga katsꞌéndikón a̱sie̱én, kó kui cho̱ chꞌokjiꞌii̱, ko̱jo nda̱ chji̱ni̱e̱ꞌe̱én ndísoó, ikichijmijin tikón ngi̱jii̱n ndáchíkón ndiꞌí xí ta̱nisién ꞌniú je nínga tjítíngajo̱ ndso̱ko̱a̱n asufree̱.

Ni xi akakoo̱ 2:13

Jè be an nga ki̱a̱ tindyin ji nínga tikón ngi̱ndie nínga botixómá xindajín Satanaa̱, ta̱nga ta̱kó ꞌniú tiꞌmitji̱ngi ji jaꞌénna, kó jmíni̱xtjin nga sꞌijinjínna kase ji kjo̱a̱a̱ nga sꞌijii̱n an, ti̱nde bo̱a̱jín kase ni̱xtjin nga Antipaa̱, kui nda̱ xi chistiko̱ xi ꞌniátakón an kiniꞌánkꞌién ngi̱jinjnú, ki̱a̱ na̱xi̱ńdáꞌniú nínga tikón xindajín Satanaa̱.

Ni xi akakoo̱ 20:2

Kó katsoboá kui cho̱ tamá xí yito to̱koo̱, kui ye̱ xchá xi xindajín kui xi ꞌmí ndiabloo̱ ko̱jo Satanaa̱, kó ngo mi̱ nó ítꞌa ńꞌniúki̱cha̱,