Ni xi akakoo̱ 12:3 - Xo̱jo̱n eén Néná

³ Kó kamáyà ndiꞌakꞌajmi jàn ingo chi̱bo̱a̱: Ngo cho̱ tamá xí yito to̱ko̱ xi iní, xi tie ndi̱ja̱ tjiín, kó ngo korona̱ tjiꞌá nga ngo nga ngo to̱ko̱ xi yitoo̱,

Ni xi akakoo̱ 12:3 ပူးပေါင်းရင်းမြစ်များ

Ni xi akakoo̱ 12:1

Kó kamáyà ndiꞌakꞌajmi jàn ngo chi̱bo̱a̱ xi ta̱nisién je: Ngo na̱ xi tjítsakjájón tsꞌueé xikoó tsi chi̱nga̱a̱, kó saá ngindie se kui naa̱ kisꞌijña, kó ngo korona̱ xi tjiín tiejó ńño kisꞌijñaa̱ to̱ko̱,

Ni xi akakoo̱ 12:13

Kó kui cho̱ tamá xí yito to̱koo̱, nga kamábe nga je akjajmisón tꞌanangii̱, tsangatji̱ngii̱ kui na̱ xi je kisꞌiee̱ ngo ndí xíꞌiín.

Ni xi akakoo̱ 12:17

Kó ta̱ngatꞌanii̱ kui nii̱ nga kui cho̱ tamá xí yito to̱koo̱, achichí katsꞌénxchán kjo̱a̱a̱ kui xota̱chjo̱on, kó kijíkjánjo̱ ngayeje ndí xí ngasee̱ kui naa̱, kui xi ndyi̱ntꞌièꞌén nga ndyi̱tsꞌènkjátjosón kjo̱a̱botíxomaa̱ Néná ko̱jo kui xi ꞌniátakón ni xi katsꞌén Jesukristoo̱,

Ni xi akakoo̱ 12:4

kó ńtsꞌen kui cho̱o̱ iskjiféni ngo nga ján bo̱a̱ kjiꞌi xikó kjiꞌi ma ńño xi tjín ndiꞌakꞌajmii̱, kó ki̱a̱ atítsojo nga̱soón tꞌanangii̱, kó kui cho̱ tamá xí yito to̱koo̱, ki̱a̱ kasasien kje̱n nínga tikón kui na̱ xi je stse̱n ndií, tsi̱ꞌe̱ nga skji̱ni̱e̱ kui ndií ngije katsen.

Ni xi akakoo̱ 12:7

Kó jaskan ítsꞌi̱yanii̱ ngo kjo̱a̱xchán ndiꞌakꞌajmii̱: Ndítsjie ngito̱ko̱ xi ꞌmí Miyee̱, ko̱jo ndítsjie xi tjimájo̱ askjanjo̱ kui cho̱ tamá xí yito to̱koo̱. Kó kui cho̱ tamá xí yito to̱koo̱ nijan askjan ko̱jo ndítsjiee̱,

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.

Ni xi akakoo̱ 13:1

Kó kamábe an nga jatjo ngi̱jin ndáchíkoón ngo cho̱ chꞌokjiꞌi xi tjiín yito to̱ko̱ ko̱jo tie ndi̱ja̱, kó nga ngo nga ngo ndi̱ja̱a̱ ngo korona̱ kisꞌijñaa̱, kó nga ngo nga ngo to̱ko̱ kisꞌińdoo̱ jaꞌén xi chꞌo katsoó Néná.

Ni xi akakoo̱ 13:2

Kui cho̱ chꞌokjiꞌi xi kamábe an, ja̱kjiꞌi xasinié má kjiꞌi, kó sé ja̱ kon se cho̱ꞌoso̱ kon, kó tsꞌoa xikó maá tsꞌoa xandi̱je̱. Kó kui cho̱ tamá xí yito to̱koo̱ katsjaá ngaꞌniuú ko̱jo nga atíxoma ko̱jo achichí tsie xá katsjaa̱.

Ni xi akakoo̱ 13:4

kó katsꞌéndikón kui cho̱ tamá xí yito to̱koo̱, ngatꞌa̱ kui xi katsjaá xá kui cho̱ chꞌokjiꞌii̱, kó ti̱ katsꞌéndikón kui cho̱ chꞌokjiꞌii̱ nga bi̱ katsó: –ꞌYá xi bo̱a̱ kon xikoó kui cho̱ chꞌokjiꞌii̱, kó ꞌyá xi sa̱ꞌiín nga skjánjo̱.

Ni xi akakoo̱ 15:1

Kó kamábe an ndiꞌakꞌajmi jàn ingo chi̱bo̱a̱ xi je ko̱jo xi kijíndikónna: Yito ndítsjie xi ndyi̱yaꞌa nga yito kjo̱a̱ni̱ma̱ xi fetꞌaa̱, kui xi fetꞌani kjo̱a̱xcha̱án Néná.

Ni xi akakoo̱ 16:13

Kó kamábe an nga ki̱a̱ tsꞌoa cho̱ tamá xí yito to̱koo̱, tsꞌoa cho̱ chꞌokjiꞌii̱, ko̱jo tsꞌoa nda̱ chji̱ni̱e̱ꞌén ndísoó, jatjoni ján a̱siénni̱xtjin xi ndajín xi ja̱ kon xkji̱e̱ má kón,

Ni xi akakoo̱ 17:12

Kó nga tie ndi̱ja̱ xi je kamáyè ji, kuí boá nga tie já ree̱ xi kji̱e̱ ꞌbítsi̱yajiín nga ko̱tíxoma, ta̱nga ta̱ ngo tsi ora̱ nga sa̱ko̱ó xá nga xikoó ree̱, kui ko̱jo kui cho̱ chꞌokjiꞌii̱.

Ni xi akakoo̱ 17:16

Kó nga tie kui ndi̱ja̱a̱ kui cho̱ chꞌokjiꞌi xi je kamáyè ji, kuí boá xi sa̱ꞌínchꞌó na̱ masiee̱n, kó ku̱i̱ꞌíjñámasien kó ku̱i̱ꞌíjñá kjiꞌixtí, skji̱ni̱e̱ yojoo̱, kó ngi̱jin ndiꞌí ku̱i̱ꞌítí.

Ni xi akakoo̱ 17:7

Kó kui ndítsjiee̱, bi̱ katsóna: –Míkjo̱a̱a̱ nga fíndikoón jí. Kꞌi̱e̱ xiyaá kjo̱a̱a̱ ni xi tjiꞌmaá kui naa̱, ko̱jo kui cho̱ chꞌokjiꞌi xi tikónsoón, kui xi tjiín yito to̱ko̱ ko̱jo tie ndi̱ja̱a̱.

Ni xi akakoo̱ 19:12

Ndyi̱ko̱n ꞌna̱ kamá xikoó tsi ngo ndiꞌí, kó achichí kjín korona̱ kisꞌińdoo̱ to̱ko̱, kó ngo jaꞌén kisitꞌaa̱, xi ta̱ ngototo kui xi be,

Ni xi akakoo̱ 20:2

Kó katsoboá kui cho̱ tamá xí yito to̱koo̱, kui ye̱ xchá xi xindajín kui xi ꞌmí ndiabloo̱ ko̱jo Satanaa̱, kó ngo mi̱ nó ítꞌa ńꞌniúki̱cha̱,