Ni xi akakoo̱ 11:3 - Xo̱jo̱n eén Néná

³ Kó án sangiya an jó chistiko̱ xi ko̱a̱ja̱ ńjño tokjuie, nga ka̱tso̱yà én xí án katsjáa̱ ngo mi̱ jó úchán ichítié ko̱jo tie ni̱xtjin.

Ni xi akakoo̱ 11:3 ပူးပေါင်းရင်းမြစ်များ

Jenesii̱s 37:34

Kósꞌe̱ Jakoo̱b iskjíndiyá ńjñoo̱ nga ndasen kamaá, tsajá ńjño xa̱ꞌya̱, kó achichí kjín ni̱xtjin nga askjandátjé kui ndií.

Joo̱b 16:15

»Kó tsajá an ńjño xa̱ꞌya̱, kó ni̱ma̱kjo̱a̱ tsꞌaxié an yojona ngaskande nga kisꞌietꞌa an tꞌanangi jàn.

Xo̱jo̱n Salmoo̱ 69:11

Ti̱ tsajá an ńjño xa̱ꞌya̱ nga, kó ta̱ngongá án ndyi̱mojnókiena ngotꞌe̱ ꞌne̱.

Kjo̱a̱chaꞌaá 2:10

Xota̱ xi xchaá na̱xi̱ńdáꞌniú Sioo̱n, je yíxioó tsꞌoa nga síndotie tꞌanangii̱. Je iskjitjónjón ndiso to̱ko̱, kó tsajá ńjño tokjuie. ¡Kó ínchjín xo̱ngo̱ò na̱xi̱ńdáꞌniú Jerusalee̱n, ngaskande ꞌbíndoxtien má nga soboá maá!

Jonaa̱ 3:5

Kósꞌe̱ ngayeje xota̱ xi síndo na̱xi̱ńdáꞌniú Nínibee̱ índomasien ni xi ndajín xi katsꞌén, kó katsjaá kon nga ta̱ Néná tsí xi ku̱i̱ntꞌiéꞌeén. Kó akó nga kamámejeén nga je ko̱síkjo xikótsꞌèn síndo, kuíni nga ńjño tokjuie tsajá, kó katsꞌénkjaꞌa kjindiá yojoo̱. Ngayejee̱ nga bo̱a̱ katsꞌén, ndeskande xi ꞌniú cho̱o̱n, ngaskande xi ꞌniú ni̱ma̱a̱, ngiti̱ jmí ni iskjiniejín kui ni̱xtjii̱n.

Jonaa̱ 3:8

Ngayejee̱ nga tjiín ngo kjo̱a̱ꞌniú nga ko̱a̱ja̱ ńjño tokjuie, kó cho̱o̱ manda̱ tokjuie ngatásoón. »Kó ti̱ ndyi̱chjiáꞌájne̱ jún, nga ꞌniú ndókjo̱a̱jnúu̱ Néná, kó tꞌíjñámasiénjnú ni xi ndajín xi ndyi̱niꞌánjnú, kó ngiti̱ bixkánjo̱jínjnú xingi̱jnú, ti̱nde ngata̱ ndajín niꞌánjo̱jnú ngo xota̱.

Xki̱ 11:26

Ngi̱jii̱n kui já xí ichítié ko̱jo kaa̱n, kisꞌińdojin jó já, ngo xi kiꞌmí Elndaa̱nd ko̱jo ngo xi kiꞌmí Mendaa̱nd xi kisꞌińdo ki̱a̱ nínga síndo ndiꞌaa̱. Kó nga ki̱a̱ síndo, kui a̱si̱énni̱xtjii̱n ti̱ kisꞌijñajii̱n nga, kó ítsꞌi̱yani nga tsíchji̱a̱ én xi Néná tsjá.

Matioo̱ 11:21

¡Ni̱ma̱ xò jún, xota̱ xi chji̱a̱ni Korasii̱n! ¡Ni̱ma̱ xò jún, xota̱ xi chji̱a̱ni na̱xi̱ńdáꞌniú Betsainda̱! Ngatꞌa̱ tsi ki̱a̱ na̱xi̱ńdáꞌniú Tiroo̱ ko̱jo tsi na̱xi̱ńdáꞌniú Sindo̱n nínga kamá kjo̱a̱ndikón xí kamá ngi̱jii̱n xota̱jnú, antꞌe̱ra̱na jè katsꞌénkꞌoyá yojoo̱ kui xotaa̱, kjo̱a̱a̱ ni xi ndajín xi katsꞌén, jera̱ tsajá ńjño tokjuie, kó jera̱ indyiaá ndiso to̱ko̱, tsi̱ꞌe̱ nga akó nga ngiti̱ mejénjiín sa̱ꞌínjé.

Matioo̱ 18:16

Ta̱nga tsi ku̱i̱ntꞌiéꞌénjiín, tꞌenchín nginíi̱, kó tꞌenje̱ ji tsi ngo ko̱jo tsi jó xota̱, tsi̱ꞌe̱ nga tsi jó ko̱jo tsi ján chistiko̱ ka̱tso̱yà ni xi ka̱maa̱,

Rkaa̱ 10:13

¡Ni̱ma̱ xò jún xota̱ xi chji̱a̱ni Korasii̱n! ¡Ni̱ma̱ xò jún xota̱ xi chji̱a̱ni Betsainda̱! Ngatꞌa̱ tsi ki̱a̱ na̱xi̱ńdáꞌniú Tiroo̱ ko̱jo Sindo̱n nínga kamá kjo̱a̱ndikón xí kamá ngi̱jii̱n xota̱jnú, antꞌe̱ra̱na jè katsꞌénkꞌoyá yojoo̱ kui xotaa̱ kjo̱a̱a̱ ni xi ndajín xi katsꞌén, jera̱ tsajá ńjño tokjuie, kó jera̱ indyiaá ndiso to̱ko̱ tsi̱ꞌe̱ nga akó nga ngiti̱ mejénjiín sa̱ꞌínjé.

Rkaa̱ 24:48

Kó jún xi chistiko̱jnú kjo̱a̱a̱ ngayeje kui nii̱.

Juaa̱ 15:27

kó ko̱jo jún ko̱ndókjo̱a̱jnú kjo̱a̱a̱ an, ngatꞌa̱ ki̱a̱ kixindyionjo̱jnúꞌun ndeskande koó nga ítsꞌi̱yanii̱ nii̱.

Juaa̱ 3:27

Sꞌe̱ bi̱ katsó Juaa̱: –Nde ngojín xota̱ xi skjíbé ngo ni, tsi ndiꞌakꞌajmii̱jín xi tsja̱á.

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 13:31

kó kjín ni̱xtjin nga Kjisoo̱ akoó yojoo̱ xota̱ xi nijan kistsoꞌbájo̱ nga jatjojo̱ nangi Ngalilea̱, kósꞌe̱ kijíjo̱ na̱xi̱ńdáꞌniú Jerusale̱n, kó ngotꞌe̱ ꞌne̱, kuí jaá xi chistiko̱ ngindyi̱ko̱n xota̱ na̱xi̱ńdaá.

Ni xi kamá 2:32

Kuí Kjiso̱ xi̱ꞌbi̱ xi Néná katsꞌénkjaꞌáꞌyaá, kó ji̱n xí chistiko̱ ji̱n.

Ni xi kamá 3:15

Kó bo̱a̱ tsꞌén kiniꞌánkꞌiénjnú xi tsjáná kjo̱a̱mindyioo̱n, kui xi Néná katsꞌénkjaꞌáꞌyaá, kó ji̱n xi chistiko̱jne̱.

1 Xota̱ Korinto̱ 12:28

Néná íjñá nga ngi̱jii̱n xota̱ na̱ngo̱xi̱i̱ tjón má já apostro̱ kꞌuié, sꞌe̱ xi ma joó, já xí chji̱a̱ én xí Néná tsjaá, sꞌe̱ xi ma jaán, já mostro̱, sꞌe̱ jaskan xota̱ xi tsꞌén kjo̱a̱ndikón, ko̱jo xi tsꞌendáyà xi oo̱n, ko̱jo xi bosikójo, ko̱jo xi ngito̱ko̱, ko̱jo xi chji̱a̱ ja̱ kje̱ꞌe ja̱ kje̱ꞌe én xí tsjá A̱siénni̱xtjin Néná.

2 Xota̱ Korinto̱ 13:1

Kuí bí xi̱ꞌbi̱, xi ma jaán ndi̱yà nga kjuínkátsijenjnúꞌun. Ngayeje ni xi ka̱mandajin chjiéngá tsi jó ko̱jo tsi ján chistiko̱ xi si̱ꞌankjién nga ku̱i̱chji̱a̱ ni xi be.

Xota̱ Éfeso̱ 4:11

Kó kuí boá xi índo nga ngotꞌe̱ tjín já xí apostro̱, ko̱jo xi chji̱ni̱e̱ꞌe̱én Néná, ko̱jo xi ꞌbini̱jmì éntjatsi̱e̱e̱ Néná, ko̱jo xi síndotjoón xota̱ na̱ngo̱xi̱i̱, ko̱jo xi mostro̱.

Ndeuteronomio̱ 17:6

»Ta̱nga jmí tsi ta̱ ngo tsí chistiko̱ xi ka̱mani tsi̱ꞌe̱ nga kꞌuiyá tsi ngo xota̱ si̱ꞌankꞌien. Ta̱ kjiꞌá tsí nga ka̱ma si̱ꞌankꞌien ngo xota̱ tsi jó, ko̱jo tsi ján má chistiko̱ xi kamábe kui ni xi kamaá.

Ndeuteronomio̱ 19:15

»Tsi̱ꞌe̱ nga kjongítaꞌin ngo xota̱ xi ini̱ma̱ katsꞌénkꞌién, chjiéngá tsi jó ko̱jo tsi ján ka̱ma chistiko̱ xi ko̱óngítaꞌii̱n. Tsi ta̱ ngo tsí ka̱ma chistikoo̱, jmí chjí ka̱májiín kui nii̱.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,

Ni xi akakoo̱ 11:2

Ta̱nga ngata̱ chꞌíchi̱bo̱e̱jín ji ndi̱tsee̱n na̱ngo̱xi̱i̱, ngatꞌa̱ kui ngi̱ndiee̱ xota̱ xi jundío̱jín boá xi je kiniꞌánkꞌasꞌiee̱n, kó kuí boá xi tsja̱nié tsja̱fe kui na̱xi̱ńdá tsjiee̱ yichán jó sá.

Ni xi akakoo̱ 11:6

Kui chistikoo̱ tjiín ngaꞌniú tsi̱ꞌe̱ nga ku̱i̱ꞌíchjá ndiꞌakꞌajmii̱, tsi̱ꞌe̱ nga ko̱a̱ꞌájín stseé kui ni̱xtjin nga ndyi̱tsóyá én xi kixiyàa̱, kó ti̱ tjiín ngaꞌniú tsi̱ꞌe̱ nga ndáfoaa̱ jín sa̱ꞌín, ko̱jo tsi̱ꞌe̱ nga sa̱ꞌínkjaꞌatio kjo̱a̱ni̱ma̱ xotaa̱ kui tꞌanangii̱ nga kji̱ndi̱bá ngayeje to̱ko̱ya ni xi ndajín, ta̱ xi kótjín ndi̱yà mejénrií.

Ni xi akakoo̱ 12:6

Kó kui naa̱ tsanga nínga tikón nangi kixií, nínga Néná íjñandaa̱ ngo ngi̱ndie tsi̱ꞌe̱ nga ki̱a̱ ko̱e̱ꞌeé ni xi skji̱ni̱e̱ ngo mi̱ jó úchán ichítié ko̱jo tie ni̱xtjin.

Ni xi akakoo̱ 13:5

Kó katseꞌéndieè kui cho̱ chꞌokjiꞌii̱ tsi̱ꞌe̱ nga nkꞌa tsíchji̱a̱ ko̱jo nga chꞌo katsoó Néná, ko̱jo nga kisꞌiee̱ xá yichán jó sá.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.

Ni xi akakoo̱ 20:4

Kó kamábe an nínga botíxoma, kó ki̱a̱ kisꞌińdosón kui xi katseꞌeé xá tsi̱ꞌe̱ nga ko̱tíjeé, kó ti̱ kamábe an a̱si̱énni̱xtjii̱n kui xota̱ xi ikichásén to̱ko̱ ta̱ngatꞌanii̱ nga jmíni̱xtjin íjñámasien ni xi akóyá Kjisoo̱ ko̱jo eén Néná, kuí xotaa̱ xi katsꞌéndikónjín cho̱ chꞌokjiꞌii̱ ko̱jo a̱sie̱én, ti̱nde katsjandièjín nga ikꞌíjñaá chi̱bo̱a̱a̱ kui cho̱o̱ xtjien ko̱jo tsja, kó kui xotaa̱ jaꞌáꞌyá nginií, kó nijan atíxomajo̱ Kristoo̱ ngo mi̱ nó.