Ni xi akakoo̱ 1:9 - Xo̱jo̱n eén Néná

⁹ An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.

Ni xi akakoo̱ 1:9 ပူးပေါင်းရင်းမြစ်များ

Matioo̱ 20:23

Kó Kjisoo̱, bi̱ katsó: –Ja̱koxi̱ nga jún xchíkjo̱a̱jnú xikótsꞌèn chꞌo xꞌi̱a̱na ko̱jo kui kjo̱a̱ni̱ma̱ xi kjo̱a̱ꞌatio an, ta̱nga nga ki̱a̱ ku̱i̱ndyiontꞌajnúꞌun nga skónna ko̱jo tsi nga fojnína, ánjín tsoboána nga tsja an kjo̱a̱, Na̱ꞌmina xí je tikónndaa̱ ꞌyá xí tsja̱á kui ngi̱ndie xi je íjñanda.

Markoo̱ 10:39

Kó bi̱ katsó kui jaá: –Jo̱o̱n, kjo̱chíkjo̱a̱jne̱. Kó Kjisoo̱, bi̱ katsó: –Ja̱koxi̱ nga jún xchíkjo̱a̱jnú xikótsꞌèn chꞌo xꞌi̱a̱na ko̱jo kui kjo̱a̱ni̱ma̱ xi kjo̱a̱ꞌatio an,

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Ni xi kamá 1:15

Kui ni̱xtjin jàn, Peé jastjíe̱n ngamasiee̱n kui já ntsꞌiee̱, mara̱ tsi ta̱ úchán ko̱jo kan xi kamátikoó, kó bi̱ katsoó:

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

Xota̱ Roma̱ 8:25

Ta̱nga tsi ngo ni xi yà jàn xí xchiyá, xchiyá sakon sakoo̱n.

2 Xota̱ Korinto̱ 1:7

ꞌNiátakónjne̱ jún ngatꞌa̱ yàjne̱ nga tsi nijan ku̱i̱tja̱tió kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan sa̱kó ngaꞌniúná nga.

Xota̱ Filipo̱ 1:7

Ndakjiꞌi nga bo̱a̱ tsꞌén tjítsꞌenkjó án kjo̱a̱a̱ ngayejejnú, ngatꞌa̱ ngi̱jin ini̱ma̱na tindyiónjnú. Ngatꞌa̱ ti̱kuíní kjo̱a̱ndaa̱ Néná xi tjisákóná jún ko̱jo an. Tsi ndo̱bo̱a̱yà ko̱jo tsi ngindyi̱ko̱n xota̱xa̱á tikòn an, tsꞌénxiya an kó tsꞌénboko cha̱n cha̱n an, nga ja̱koxi̱ boá éntjatsi̱e̱e̱ Jesukristoo̱.

Xota̱ Filipo̱ 4:14

Ta̱nga jún, nda kiniꞌánjnú nga kamándasénjnú kjo̱a̱a̱ kjo̱a̱ni̱ma̱na.

2 Xota̱ Tesalónika̱ 3:5

Kó Ndi̱a̱ná ngatakoyájnú nga bo̱a̱ tsꞌén si̱ꞌantjójnú xikótsꞌèn tsꞌéntjó Néná, kó ti̱ꞌanchíkjo̱a̱jnú ni xi ndyi̱bitjajinjnú, xikótsꞌèn katsꞌénchíkjo̱a̱ Kristoo̱.

2 Timoo̱ 1:8

Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

Xota̱ Ebreo̱ 10:36

Chjiéngá kꞌuiéjnú kjo̱a̱chiyákjo̱a̱, tsi̱ꞌe̱ nga si̱ꞌánjnú ni xi mejeén Néná, kó bo̱a̱ tsꞌén nga sa̱kójnú ni xi katsóyàtjón nga tsja̱á.

1 Xo̱jo̱o̱n Peé 5:1

Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

Ni xi akakoo̱ 1:1

Kuí bí ni xi akó Jesukristoo̱, kui ni xi Néná katsjaá, tsi̱ꞌe̱ nga kui ko̱ko̱ó mosoo̱ kjo̱a̱a̱ ni xi sꞌe̱ je tsá ka̱ma, Jesukristoo̱ katsangiya ngo ndítsjiee̱ tsi̱ꞌe̱ nga akoó mosoo̱ xi ꞌmí Juaa̱ ni xi sꞌe̱ je tsá ka̱ma,

Ni xi akakoo̱ 1:2

kuí Juaa̱ xi katsóyà eén Néná, ko̱jo kuí boá xi chistikoo̱ Jesukristoo̱, ko̱jo ngayeje ni xi je kamábee̱.

Ni xi akakoo̱ 1:4

Juaa̱ tsꞌentínde nga yito na̱ngo̱xi̱ xi chji̱a̱ni nangi Asia̱: Chjábéjnú kjo̱a̱nda ko̱jo kjo̱a̱xió xi katsangiyajnú kui xi je kuii̱, kui xi kui kamaá, ko̱jo kui xi sꞌe̱ ndibaá, ko̱jo xi katsangiyajnú nga yito a̱siénni̱xtjin xi síndo kje̱n nínga tikón Néná xí botixómaá,

Ni xi akakoo̱ 1:6

kó kuí boá xi botixómáná, ko̱jo xi katsꞌénná chináꞌmi xi tsꞌén xaá Nee̱, kui xi Na̱ꞌmii̱. ¡Kjo̱a̱jee̱ Néná, ko̱jo ngaꞌniuú kui tsi̱ꞌe̱ ngatama ngatsjéni̱xtjin! Bo̱a̱ kjiꞌi.

Ni xi akakoo̱ 11:7

Ta̱nga ngije kamá xaá nga chistiko̱, kui cho̱ chꞌokjiꞌi xi kjo̱tjoni ti̱xa̱na̱nga̱a̱ tꞌanangii̱ skjánjo̱, sa̱ꞌiín, sꞌe̱ sa̱ꞌínkꞌién.

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.

Ni xi akakoo̱ 12:17

Kó ta̱ngatꞌanii̱ kui nii̱ nga kui cho̱ tamá xí yito to̱koo̱, achichí katsꞌénxchán kjo̱a̱a̱ kui xota̱chjo̱on, kó kijíkjánjo̱ ngayeje ndí xí ngasee̱ kui naa̱, kui xi ndyi̱ntꞌièꞌén nga ndyi̱tsꞌènkjátjosón kjo̱a̱botíxomaa̱ Néná ko̱jo kui xi ꞌniátakón ni xi katsꞌén Jesukristoo̱,

Ni xi akakoo̱ 13:10

Tsi tjín xi ko̱e̱je̱ ndo̱bo̱a̱yà, ndo̱bo̱a̱yà kongínjo̱, kó xi ki̱cha̱ sa̱ꞌínkꞌiénni, ti̱ chjiéngá ki̱cha̱ ko̱yàní nga. Kꞌi̱e̱ bí nga xcha̱ kjo̱a̱chiyákjo̱a̱a̱ ko̱jo kjo̱a̱sꞌijii̱n xota̱ na̱xi̱ńdá tsjiee̱.

Ni xi akakoo̱ 14:12

Kꞌi̱e̱ bí nínga xcha̱ kjo̱a̱chiyákoón xota̱ na̱xi̱ńdá tsjiee̱, kui xi tsꞌénkjátjosón kjo̱a̱botíxomaa̱ Néná, ko̱jo xi sꞌijii̱n Kjisoo̱.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.

Ni xi akakoo̱ 20:4

Kó kamábe an nínga botíxoma, kó ki̱a̱ kisꞌińdosón kui xi katseꞌeé xá tsi̱ꞌe̱ nga ko̱tíjeé, kó ti̱ kamábe an a̱si̱énni̱xtjii̱n kui xota̱ xi ikichásén to̱ko̱ ta̱ngatꞌanii̱ nga jmíni̱xtjin íjñámasien ni xi akóyá Kjisoo̱ ko̱jo eén Néná, kuí xotaa̱ xi katsꞌéndikónjín cho̱ chꞌokjiꞌii̱ ko̱jo a̱sie̱én, ti̱nde katsjandièjín nga ikꞌíjñaá chi̱bo̱a̱a̱ kui cho̱o̱ xtjien ko̱jo tsja, kó kui xotaa̱ jaꞌáꞌyá nginií, kó nijan atíxomajo̱ Kristoo̱ ngo mi̱ nó.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

Ni xi akakoo̱ 6:9

Kó kjiꞌanga cho̱tsa̱nga̱a̱ iskjíndiyá xi ma ún seyoo̱, kamábe an ngindie ṉchandikoón ngayeje xota̱ xi kiniꞌánkꞌién ta̱ngatꞌanii̱ nga tsíchji̱a̱ eén Néná, ko̱jo kjo̱a̱a̱ nga chistiko̱ kamá kjo̱a̱a̱ nii̱ Néná.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.