Ni xi akakoo̱ 1:4 - Xo̱jo̱n eén Néná

⁴ Juaa̱ tsꞌentínde nga yito na̱ngo̱xi̱ xi chji̱a̱ni nangi Asia̱: Chjábéjnú kjo̱a̱nda ko̱jo kjo̱a̱xió xi katsangiyajnú kui xi je kuii̱, kui xi kui kamaá, ko̱jo kui xi sꞌe̱ ndibaá, ko̱jo xi katsangiyajnú nga yito a̱siénni̱xtjin xi síndo kje̱n nínga tikón Néná xí botixómaá,

Ni xi akakoo̱ 1:4 ပူးပေါင်းရင်းမြစ်များ

Xo̱jo̱n Salmoo̱ 90:2

Ndeskande ngindiee̱ nga kiniꞌínde ji na̱xi̱i̱, ko̱jo ngindiee̱ nga katseꞌée̱ ndiꞌí tꞌanangii̱, ko̱jo nga̱sondiee̱, ndeskande koó ngasꞌe̱, ko̱jo ngatsjéni̱xtjin nga jí boá xi ji ji.

Éksondo̱ 3:14

Kósꞌe̱ Néná bi̱ katsoó Moisee̱: —Bo̱a̱ tꞌíi̱n nga Án boá kui Ne xi tikón ngatsjéni̱xtjii̱n, kó Án boá xi ꞌmína AN XI AA̱N, bo̱a̱ tꞌíi̱n ngayejee̱ nga Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b, kui xi xota̱ xi xchájnú. »Kuíni nga tꞌen ji nangi Ejipto̱, kó tꞌítikí jí ngayeje xota̱ ngito̱ko̱o̱ xota̱ Israee̱l, kó bo̱a̱ tꞌíi̱n nga an, Nee̱ kui xotaa̱, ki̱a̱ jatjokjaà ji, kó nga jè kamábe an kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱.

Juaa̱ 1:1

Nga ítsꞌi̱yanii̱ nii̱, ja̱bo̱a̱ jè tikón Eén, kó kui Eén, Néná tikónjo̱, kó kuí xí Néná.

Ni xi kamá 19:10

Kó jó nó kamaá nga ta̱ kui xá katsꞌén, kó kuíni nga bo̱a̱ tsꞌén ngayeje xota̱ xi síndo nangi Asia̱ xi jundío̱ ko̱jo xi ngriengo̱ tsintꞌié eén Ndi̱a̱ná Kjisoo̱.

Ni xi kamá 2:9

Ngatꞌa̱ kꞌi̱e̱ síndojinná xota̱ xi chji̱a̱ni Partia̱, ko̱jo xota̱ xi chji̱a̱ni Mendia̱, ko̱jo xota̱ xi chji̱a̱ni Elaa̱n, ko̱jo xota̱ xi ndokjo̱a̱ ñá Mesopotamia̱, ko̱jo xota̱ xi chji̱a̱ni Jundea̱, ko̱jo xota̱ xi chji̱a̱ni Kapandosia̱, ko̱jo xota̱ xi chji̱a̱ni Ponto̱, ko̱jo xota̱ xi chji̱a̱ni Asia̱,

Xota̱ Roma̱ 1:7

Ngayejejnú xi tindyiónjnú na̱xi̱ńdá Roma̱, tsꞌéntsangiyajnúꞌun kui xo̱jo̱o̱n, jún xi jaꞌájinjnú Néná nga xota̱ tsjiee̱ kui ka̱majnú jún. Néná xí Na̱ꞌminá ko̱jo Ndi̱a̱ná Jesukristoo̱ nga tsja̱ajnú kjo̱a̱ndaa̱ ko̱jo kjo̱a̱xioó.

1 Xota̱ Korinto̱ 1:3

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

2 Xota̱ Korinto̱ 1:2

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

Xota̱ Ebreo̱ 13:8

Jesukristoo̱ ti̱kuíní bo̱a̱ ngasꞌe̱, ko̱jo ngotꞌe̱ ꞌne̱, ko̱jo ta̱ kjiꞌání.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Ni xi akakoo̱ 1:1

Kuí bí ni xi akó Jesukristoo̱, kui ni xi Néná katsjaá, tsi̱ꞌe̱ nga kui ko̱ko̱ó mosoo̱ kjo̱a̱a̱ ni xi sꞌe̱ je tsá ka̱ma, Jesukristoo̱ katsangiya ngo ndítsjiee̱ tsi̱ꞌe̱ nga akoó mosoo̱ xi ꞌmí Juaa̱ ni xi sꞌe̱ je tsá ka̱ma,

Ni xi akakoo̱ 1:11

xi bi̱ katsóna: –Ngo xo̱jo̱n tꞌítꞌe ji kui ni xi tiye ji, kó nangíyée̱ nga yito na̱ngo̱xi̱ xi chji̱a̱ni nangi Asia̱: Kui xi Éfesoo̱, Esmirnaa̱, Pérngamoo̱, Tiatiraa̱, Sarndii̱, Filandelfiaa̱ ko̱jo Laondiseaa̱.

Ni xi akakoo̱ 1:17

Nga kamábe an, tsꞌákatójó an ngindie se xikó maá tsi kꞌien an, ta̱nga kui íjñasónna tsja kixi̱, kó bi̱ katsóna: –Ngata̱ ndakinjín ma ji, án boá xi tjón an ko̱jo xi fetꞌa an,

Ni xi akakoo̱ 1:20

Kuí bí ni xi tjiꞌmaá nga yito ńño xi je kamáyè ji ngi̱ya ndsa̱ an, ko̱jo nga yito ni xi ꞌbítíyá ndiꞌí xí tsꞌentsíjee̱n xi to̱nsinié xi je kamáyè: nga yito ńñoo kuí boá xi ndítsjiee̱ nga yito na̱ngo̱xi̱i̱, kó nga yito ni xi ꞌbítíyá ndiꞌí xí tsꞌentsíjee̱n kuí boá xi yito na̱ngo̱xi̱i̱.

Ni xi akakoo̱ 1:8

“Án boá xi alfaa̱ ko̱jo xi omengaa̱, xi tjón ko̱jo xi fetꞌanii̱, xi kui, ko̱jo xi kui kamaá, ko̱jo xi jaskan ndibaá”, tsó Ndi̱a̱ná xí tsi̱ꞌe̱ ngayeje ngaꞌniuú.

Ni xi akakoo̱ 1:9

An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.

Ni xi akakoo̱ 16:5

Kó tsintꞌie an nga ndítsjie xi tsi̱ꞌe̱ ndáfoaa̱, bi̱ katsó: –Jí xí kixi̱ ji, jí xí jí, Ndi̱a̱, jí xí kamá ji ngasꞌe̱, jí xí tsjie ji, ngatꞌa̱ jí xí kiniꞌínjée̱ kui nii̱,

Ni xi akakoo̱ 2:12

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Pérngamo̱: “Kui nii̱ tsó xi tikoón ki̱cha̱ xi yojó nga jó ngoboaá:

Ni xi akakoo̱ 2:18

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Tiatiraa̱: “Kui nii̱ xi tsó ndií Néná, kui xi ndyi̱ko̱n xikó maá ndiꞌií, kó se xikó maá ki̱cha̱ bronse̱ xi tjíniꞌánńdaá:

Ni xi akakoo̱ 2:8

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Esmirnaa̱: “Kui nii̱ xi tsó kui xi tjoón ko̱jo kui xi fetꞌanii̱, kui xi je kꞌiee̱n, kó ti̱ jaꞌáꞌyá nginií:

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.

Ni xi akakoo̱ 22:8

Juaa̱ boá an, kó án boá xi kamábe an, kó tsintꞌie an kui nii̱. Kó ngije kamábe an ko̱jo ngije tsintꞌie an, asientꞌáa̱ tikóna tꞌa se kui ndítsjie xi akóna kui nii̱ tsi̱ꞌe̱ nga sa̱ꞌindikón án katsaki.

Ni xi akakoo̱ 3:1

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Sarndii̱: “Kuí nii̱ xi tsó kui xi tikoón nga yito A̱si̱énni̱xtjii̱n Néná, ko̱jo xi tikoón nga yito ńñoo: An jè be an ngayeje ni xi niꞌín ji, kó jè be an nga tikoón jaꞌén nga tindyin ji, ta̱nga jè kꞌien ji.

Ni xi akakoo̱ 3:14

Kó ti̱ bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Laondiseaa̱: “Bi̱ tsó kui xi ꞌmí Bo̱a̱ kjiꞌii̱, kui xi chistiko̱ xi ꞌniátakón ko̱jo xi ja̱koxi̱i̱, kui xi ta̱ngatꞌanii̱ kui nga Néná ítsꞌi̱yanii̱ nga katsꞌénda ngayeje nii̱:

Ni xi akakoo̱ 3:7

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Filandelfiaa̱: “Kui nii̱ xi tsó kui xi tsjie ko̱jo xi ja̱koxi̱i̱, kui xi tikoón yibii̱ nda̱ re Ndabii̱, kui xi kjiꞌanga tjín xi kjíxꞌá, ta̱ꞌyajín xi ka̱maa̱ ku̱i̱ꞌíchjá, kó kjiꞌanga tjín xi ꞌbíchjá, ta̱ꞌyajín xi ka̱maa̱ skjíxꞌá:

Ni xi akakoo̱ 4:5

kó nínga tikón kui xi botixómaá jatjoni nda̱, ko̱jo cho̱ꞌo̱n, ko̱jo jaꞌatꞌe, kó kje̱n kui xi botixómaá tjítí yito ndiꞌíxò, kó kuí boá xi nga yito A̱si̱énni̱xtjii̱n Néná.

Ni xi akakoo̱ 4:8

Kó nga ngo nga ngo nga nijón kui xi síndoo̱, jun nga̱ kisꞌiee̱, kó xtji̱e̱e̱n ndi̱tsen ko̱jo xtji̱e̱e̱n ngi̱yaa̱ kui nga̱a̱ kisꞌiee̱ ndyi̱ko̱n, kó nga ni̱xtjin ni̱xtji̱e̱n nga bi̱ katsó: ¡Tsjie, tsjie, tsjie Ndi̱a̱ná, kui Néná xí tjiín ngaꞌniuú, kui xi ta̱kó kui ngasꞌe̱, kui xi kui ngotꞌe̱, ko̱jo kui xi sꞌe̱ ndibaá!

Ni xi akakoo̱ 5:6

Kósꞌe̱, ngamasiee̱n nínga tikón xi botixómaá, ko̱jo nga nijón kui xi síndoo̱, ko̱jo ngamasiee̱n xota̱ xi xchaá, kamábe an ngo cho̱tsa̱nga̱ xi sikónkixi̱, xikoó tsi je kiniꞌánkꞌién, kó yito ndi̱ja̱, ko̱jo yito ndyi̱ko̱n kisꞌiee̱, kó kuí boá xi nga yito A̱si̱énni̱xtjii̱n Néná xí kanangiya ngayeje tꞌanangii̱.

Ni xi akakoo̱ 8:2

Kó kamábe an nga yito ndítsjie xi ndyi̱a̱kixi̱ kje̱n Néná, kó kuí katseꞌeé yito tjio.