Ni xi akakoo̱ 1:1 - Xo̱jo̱n eén Néná

¹ Kuí bí ni xi akó Jesukristoo̱, kui ni xi Néná katsjaá, tsi̱ꞌe̱ nga kui ko̱ko̱ó mosoo̱ kjo̱a̱a̱ ni xi sꞌe̱ je tsá ka̱ma, Jesukristoo̱ katsangiya ngo ndítsjiee̱ tsi̱ꞌe̱ nga akoó mosoo̱ xi ꞌmí Juaa̱ ni xi sꞌe̱ je tsá ka̱ma,

Ni xi akakoo̱ 1:1 ပူးပေါင်းရင်းမြစ်များ

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Juaa̱ 12:49

Ngatꞌa̱ jmí tsi ta̱xkiya tsíchji̱a̱ an, Na̱ꞌmina xí katsangiyana, kuí xí katsjána kui kjo̱a̱botíxoma xi tsꞌénchji̱a̱ an ko̱jo xi sꞌe̱ kuichjiá an.

Juaa̱ 15:15

Ngiti̱ moso̱jín xiánjnúꞌun, ngatꞌa̱ mosoo̱ bejín ni xi tsꞌén ndi̱a̱ xi tsi̱ꞌe̱, ta̱nga amingo̱ kixianjnúꞌun, ngatꞌa̱ ngayeje ni xi katsóyàna Na̱ꞌmina, jè kixiyajnúꞌun.

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 3:32

kó chji̱a̱ xikoó ngo chistiko̱ kjo̱a̱a̱ ni xi je kamábe, ko̱jo ni xi je tsintꞌié, kó ta̱ꞌyajín xi sꞌi̱jii̱n ni xi tsó.

Juaa̱ 8:26

Achichí ni xi tikónna xi xiyàjnúꞌun, ko̱jo nga xiyà an tsi nda ko̱jo tsi ndajín ndyi̱niꞌánjnú, ta̱nga kui xi katsangiyana, kuí boá xi ja̱koxi̱i̱, kó án ni xi je tsintꞌie an, kuí ni xi xiáa̱n xotaa̱ kui nga̱sondiee̱.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

Xota̱ Ngalasia̱ 1:12

Ngatꞌa̱ jmí tsi ngo xota̱ xi katsjána, ko̱jo tsi xi akóyána, kuí Jesukristoo̱ xi katsóyàna kui eén.

Xota̱ Éfeso̱ 3:3

Néná akóna ni xi índa xi tjiꞌmaá ngasꞌe̱, xikótsꞌèn je katsꞌénꞌindó chiboajnúꞌun.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Ni xi akakoo̱ 1:19

Ti̱ꞌinꞌindé ji ni xi je kamáyè ji: Ni xi tikón ngotꞌe̱, ko̱jo ni xi kꞌuié jaskan.

Ni xi akakoo̱ 1:9

An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.

Ni xi akakoo̱ 17:1

Kó ngo kui ndítsjie xi yitoo̱, kui xi ndyi̱yaꞌa nga yito chi̱tse̱én, kjindibákónna, kó bi̱ katsóna: –Ja̱bíꞌi̱n, tsi̱ꞌe̱ nga kokòo̱ xikótsꞌèn ka̱majeé kui na̱masien xi tikónsón nga̱són ndáfoaa̱,

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.

Ni xi akakoo̱ 19:9

Kó kui ndítsjiee̱ bi̱ katsóna: –Títꞌe ji xo̱jo̱n kui nii̱: Achichíra̱tsjaa̱ kui xi kiꞌmíyaà tsi̱ꞌe̱ nga ko̱e̱je̱ ndiꞌibixaa̱n cho̱tsa̱nga̱a̱. Kó bi̱ katsó ngase: –Én xí ja̱koxi̱i̱ Néná boá xi̱ꞌbi̱.

Ni xi akakoo̱ 21:2

Kó kamábe an na̱xi̱ńdáꞌniú tsjiee̱, na̱xi̱ńdáꞌniú Jerusale̱n tja̱tsi̱e̱e̱, xi tsꞌénfotjajenni ndiꞌakꞌajmii̱ ngindyi̱ko̱n Néná, nga je tikónnda nga kiniꞌánchoo̱n xikó maá ngo na̱ xi ku̱i̱xan nga je tikónnda nga ku̱i̱xanjo̱ xi̱ꞌii̱n.

Ni xi akakoo̱ 21:9

Kó kjindibákónna ngo kui xi yito ndítsjie xi ndyi̱yaꞌa chi̱tsen xí tjikítsie má kjo̱a̱ni̱ma̱ xi fetꞌaa̱, kó bi̱ katsóna: –Ja̱bíꞌi̱n, kokòo̱ chjo̱on xí ku̱i̱xanjo̱ cho̱tsa̱nga̱a̱.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.

Ni xi akakoo̱ 22:6

Kó kui ndítsjiee̱, bi̱ katsóna: –Kui eén, én xí ꞌniátakón, ko̱jo én xí ja̱koxi̱ boá, kó Ndi̱a̱ná kui Néná, kui xi a̱si̱énni̱xtjii̱n já chji̱ni̱e̱ꞌe̱én, kuí boá xi katsangiya ndítsjiee̱ tsi̱ꞌe̱ nga ko̱ko̱ó mosoo̱ ni xi je tsá ka̱ma.

Ni xi akakoo̱ 22:8

Juaa̱ boá an, kó án boá xi kamábe an, kó tsintꞌie an kui nii̱. Kó ngije kamábe an ko̱jo ngije tsintꞌie an, asientꞌáa̱ tikóna tꞌa se kui ndítsjie xi akóna kui nii̱ tsi̱ꞌe̱ nga sa̱ꞌindikón án katsaki.

Ni xi akakoo̱ 22:9

Ta̱nga kui bi̱ katsóna: –Jmí ngata̱ bo̱a̱jín niꞌín, ngatꞌa̱ ti̱ mosoo̱ Néná boá an nga xikoó jí, ko̱jo já ntsꞌie xi já chji̱ni̱e̱ꞌe̱én, ko̱jo xikoó ngayeje xota̱ xi tsꞌenseén ni xi kjitꞌa kui xo̱jo̱o̱n. ¡Néná boá xi ti̱ꞌindikín jí!

Ni xi akakoo̱ 4:1

Ngije kamá kui nii̱, askotsijen an kó kamábe an ngo nga̱ntjo̱a̱ xi tji̱e̱nti̱xa̱ ki̱a̱ ndiꞌakꞌajmii̱, kó kui nda̱ xi tjón tsintꞌie an, kui xi xikó maá ngo tjio, bi̱ katsóna: –Ndibénijíngí ji kꞌi̱e̱e̱, kó an kokòo̱ ni xi jaskan ka̱ma.

Ni xi akakoo̱ 5:7

Kui cho̱tsa̱nga̱a̱ kijí, kó iskjíbé kui chꞌo̱ xo̱jo̱n xi tjiyátsjàni tsja kixi̱i̱ kui xi botixómaá.