Ndeuteronomio̱ 9:7 - Xo̱jo̱n eén Néná

^7-8 »Ngata̱chiíjín niꞌánchíyájnú kui nii̱: Ndeskande ni̱xtjin nga ikitjaxi̱e̱jnú nangi Ejipto̱, kó ngaskande ngotꞌe̱, ngatsjéni̱xtjin nga ndyi̱ndaꞌyáꞌénjínjnúu̱ Néná. Kjiꞌanga kixindyionjnú nangi kixií ko̱jo ki̱a̱ na̱xi̱ Oree̱b kiniꞌánxtíjnúu̱ Néná, kó katsꞌénkjó Néná nga sa̱ꞌínkjiéjnú.

Ndeuteronomio̱ 9:7 ပူးပေါင်းရင်းမြစ်များ

Éksondo̱ 14:11

Kó xota̱ Israee̱l katsꞌénxchán nga bi̱ katsoó Moisee̱: —Ánní nga kaꞌnaxiéjne̱ nangi Ejipto̱. Ánní nga kꞌi̱e̱ jéꞌe̱jejne̱ nangi kixií nga kꞌi̱e̱ kju̱i̱e̱sónjne̱. A jmí ngi̱ndiejín nangi Ejipto̱ nga ki̱a̱jín akjanijínjne̱.

Éksondo̱ 16:2

Kó ki̱a̱ nangi kixií ngayeje xota̱ Israee̱l katsꞌénxchánjo̱ Moisee̱ ko̱jo Aaroo̱n.

Éksondo̱ 17:2

kó xota̱ na̱xi̱ńdaá katsꞌénxchánjo̱ Moisee̱ nga bi̱ katsoó: —¡Xíndájne̱! ¡Te̱ꞌéjne̱ ndáfoa xi sꞌi̱o̱ji̱n! Kó Moisee̱ bi̱ katsoó: —Kó, Ánní nga an ndyi̱niꞌánxchánjo̱jnúꞌun. Ánní nga niꞌánsꞌijinjínjnú ngaꞌniuú Néná.

Éksondo̱ 23:21

Ndaꞌyáꞌénjnúu̱ ngatsjéni̱xtjin, ngatꞌa̱ án boá xi katsjáa̱ xá tsi̱ꞌe̱ nga kui xi kꞌuijñá ngajona, kuí boá xi sa̱ꞌínjéjnú tsi ko̱nda̱ꞌyáꞌénjínjnúu̱.

Xki̱ 11:4

Kó xki̱ jñó xki̱ jñó manaa̱ ko̱jo xoñoo̱ nijan ixó nga joó ki̱a̱ ngi̱jin kꞌijñaá. Manaa̱ xi̱xi̱ kamá xikoó to ndi̱ꞌee̱, kó sinié kamá xikoó ndándyíko̱n yaá. Nga ta̱jño̱ó boá nga kijíkjaꞌaꞌyá xotaa̱ ki̱a̱ ngi̱jin kꞌijñaá, sꞌe̱ jaskan katsꞌo, kó katsꞌénchján, kósꞌe̱ pan katsꞌéndani kui nii̱. Manaa̱, bo̱a̱ kichinie xikoó pan xi ndso̱ko̱a̱n ṉño̱pan niꞌándajo̱ni xi mindyiaa̱ isti̱. Ta̱nga ngi̱jii̱n xota̱ Israee̱l kisꞌińdo xota̱ xi xín nangi chji̱a̱ni, kui xi ta̱soboá nichiniee̱ xí nda̱ kamaá. Kó xota̱ Israee̱l ki̱a̱ nijan kamájo̱ kui xotaa̱, kó ítsꞌi̱yanii̱ nga askjandá nga bi̱ katsó: «¡Achichíra̱ ndakjiꞌi tsi ka̱ma xi̱ni̱e̱ yojo katsaki! A foaꞌátsjienjnú tji̱o̱ xi ta̱ kichinie kjo̱a̱nda ñá ki̱a̱ nangi Ejipto̱. ¡Kó achichí nda kichinié ṉcho̱ pepinoo̱, ko̱jo ṉcho̱ meloo̱n, ko̱jo xka̱ puerroo̱, ko̱jo tsjo̱o̱, ko̱jo jaxo̱ xi kichinié jàn jàn! Ta̱nga ngotꞌe̱ ꞌne̱, jè kjimaya bojó, ¡kó ta̱kuítsí manaa̱ xi ndyi̱yà ngotꞌe̱!»

Xki̱ 17:10

Néná bi̱ katsoó Moisee̱: «Chjábé jí yánísieé Aaroo̱n, kó ki̱a̱ tꞌíjñí jí kje̱n koxa̱a̱ kjo̱a̱ꞌbíndaa̱. Kó ki̱a̱ chje̱ꞌétjé ji ngi̱yaa̱ koxa̱a̱, kuí nii̱ xi ko̱ko̱ó xota̱ xi kitikjo̱a̱a̱, tsi̱ꞌe̱ nga ngiti̱ sa̱ꞌínxchánjín. Tsi ku̱i̱ntꞌiéꞌénna, ko̱yàjín».

Xki̱ 21:5

kó ítsꞌi̱yanii̱ nga katsꞌénxchán kondraa̱ Néná. Kó bi̱ katsoó Moisee̱: «Míkjo̱a̱a̱ nga kaꞌnaxiéjne̱ ki̱a̱ nangi Ejipto̱. A ta̱ tsi̱ꞌe̱ nga kꞌi̱e̱ tsí ko̱yàjne̱ nangi kixií. ¡Ti̱nde pan, ti̱nde ndáfoa jmíjínjne̱, kó jè tsꞌajónjne̱ kui nichinie xtoón!»

Xki̱ 25:2

Kui ínchjiín katsóyaà kui xotaa̱ tsi̱ꞌe̱ nga ko̱e̱je̱ sꞌué xí tsꞌén. Kó ki̱a̱ nijan iskjinie nichinie, kó nijan katsꞌéndikón ne xi tjiín xota̱ tji̱e̱e̱ Moaa̱b.

1 Xota̱ Korinto̱ 15:9

Ngatꞌa̱ xian an, nga an xí apostro̱ xi chichí ngase an ngi̱jii̱n já apostro̱ xi ngasee̱, nde tsoboájínna an nga apostro̱ xiáa̱n yojona, ngatꞌa̱ án xí tsangatji̱ngíi̱ xota̱ na̱ngo̱xi̱i̱ Néná.

Xota̱ Éfeso̱ 2:11

Kó kuíni nga jún xi xota̱ xi jundío̱jínjnú ndeskande koó nga katsenjnú, ngatjaꞌátsjienjnú nga kje̱ꞌe ni̱xtjin “xota̱ xi kiniꞌánjiín sirkunsisio̱n” katsójnú kui xota̱ jundío̱ xi je katsꞌeén sirkunsisio̱n yojoo̱.

Ndeuteronomio̱ 31:27

ngatꞌa̱ jè be nda ndajnúꞌun. Jé be an nga xota̱ kitikjo̱a̱jnú ko̱jo xota̱ tamájnú. Tsi ngotꞌe̱ nga kꞌi̱e̱ tikónjinjnúꞌun ndyi̱ndaꞌyáꞌénjínjnúu̱ Néná, mí ni xi si̱ꞌan ngasejnú ngije kꞌien an.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

Ndeuteronomio̱ 9:4

»Ngije ikitjasꞌi̱e̱njnú kui tꞌanangii̱, kó ngije Néná tsangatji̱ngii̱ kui xotaa̱, ngata̱ niꞌánkjójínjnú nga Néná katsjájnú kui tꞌanangii̱ ngatꞌa̱ nga ta̱nisién ndajnú xota̱. Néná ko̱ngatji̱ngii̱ kui xotaa̱ ta̱ngatꞌanii̱ nga ndajín. Kó bo̱a̱ tsꞌén nga Néná sa̱ꞌínkjatjosón ni xi katsóyàtjoón Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú.