Ndeuteronomio̱ 9:12 - Xo̱jo̱n eén Néná

¹² An bi̱ katsóna: “Ti̱tjaje̱n ji na̱xi̱i̱ ngotꞌe̱ má, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ngiti̱ ndyi̱ntꞌièꞌénjínna, ¡achichí je tsá katsꞌénkjatsón yojoo̱! Ngo ni je katsꞌénda xi ne ndyi̱tsoó, kó je ndyi̱tsꞌèntsjaà.

Ndeuteronomio̱ 9:12 ပူးပေါင်းရင်းမြစ်များ

Xo̱jo̱n Salmoo̱ 78:57

ta̱sá nga̱xto̱n kijíni xikó má katsꞌén xota̱ xi xchaá, nga kixi̱jín kamá, kó xikó maá yáchjonyá xi jmí tsi kixi̱ kamá.

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 32:1

Kó nga Moisee̱ achichí tsꞌandíyaá ki̱a̱ na̱xi̱ Sinaii̱, xota̱ Israee̱l kijíkoón Aaroo̱n, kó bi̱ katsoó: —Moisee̱ boá xi tsꞌaxiéjne̱ nangi Ejipto̱, ta̱nga yàjínjne̱ mí ni xi kamaá. Ta̱sá ndatsi ngo ne si̱ꞌindejne̱, tsi̱ꞌe̱ nga kui xi ko̱e̱je̱tjónjne̱ ko̱jo skónjne̱.

Xota̱ Ngalasia̱ 1:6

Achichí kijíndikónna nga ta̱nisién tsá kiniꞌánkjinjnúu̱ yojojnú Néná, kui Néná xi tsíchji̱a̱jnú nga katsjájnú kjo̱a̱nda xi sakóná ngatꞌaa̱ Kristoo̱, ta̱nga kje̱ꞌe éntjatsi̱e̱ ndyi̱mongíntji̱ngíjnú.

Ndeuteronomio̱ 31:29

Jé be nda nda an, nga ngije kꞌien an, ngiti̱ ko̱nda̱ꞌyáꞌénjínjnúu̱ Néná, kó ngiti̱ kongintjíngíjínjnú kjo̱a̱bokoyá xi je katsjajnúꞌun. Kuíni nga jún achichí kjo̱a̱ni̱ma̱ ku̱i̱tja̱tiójnú, ngatꞌa̱ Néná kiniꞌánxtíjnúu̱».

Ndeuteronomio̱ 32:5

»Jún xota̱ Israee̱l, Néná boá xi katsꞌéndajnú, kuí boá xi xikoó tsi na̱ꞌmijnú. Ta̱nga jún ndajínjnú xota̱, kó chꞌo kiꞌmíjnúu̱. Kitikjo̱a̱ ko̱jo chi̱ni je kamájnú, kó nde tsoboájínjnú nga ndií kui ka̱majnú. ¡Xota̱ xi nde tsjájiín ndokꞌóchji̱ì boá jún!

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 9:16

Nga jachó an nínga tindyiónjnú, kamábe an kótsꞌèn je kiniꞌánjéjnú kondraa̱ Néná, nga je kiniꞌándajnú ngo ni xi ne kiꞌmíjnúu̱ xi ja̱kjiꞌi cho̱yojo toro̱ má kjiꞌi, kó je ndyi̱niꞌántsjájnúu̱. »Achichí tsá ikꞌíjñámasienjnú kjo̱a̱ndaꞌyáꞌeén Néná.

Xo̱jo̱o̱n Jundaa̱ 1:10

Ta̱nga kui já xí tsꞌasꞌienjin maña̱jnú ta̱xkiya chꞌo tsꞌén chji̱a̱ kjo̱a̱a̱ ni xi kji̱e̱ makjínjiín. Kó ni xi makjiín xikótsꞌèn bee̱ko̱n, ta̱xkiya kjíbé. Kui jaá xikónií cho̱ xi tsꞌénkjójín. Kó ta̱ngatꞌanii̱ kui nii̱, nga ti̱ kuii̱ ndyi̱tsꞌènkjátsón yojoo̱.