Ndeuteronomio̱ 9:10 - Xo̱jo̱n eén Néná

^10-11 »Kjiꞌá boá nga Néná katsꞌénkꞌasꞌienna kjo̱a̱botíxomaa̱, kui xi kuí má xi katsꞌénꞌindó nga jó tie ndi̱jo̱o̱. Ja̱ bo̱a̱ jè bo̱a̱ katsójnú nga tsíchji̱a̱jojnú ngi̱jin ndiꞌií, kuí boá xi katsóyàjnú nga tsja̱ajnú kui kjo̱a̱botíxomaa̱.

Ndeuteronomio̱ 9:10 ပူးပေါင်းရင်းမြစ်များ

Éksondo̱ 31:18

Kó ki̱a̱ na̱xi̱ Sinaii̱, Néná katsꞌénkꞌasꞌiee̱n Moisee̱ kjo̱a̱botíxoma xi chjiéngá sa̱ꞌínkjatjosón xota̱ na̱xi̱ńdaá. Kó Néná má xi katsꞌénꞌindó kui kjo̱a̱botíxomaa̱, kó jó tie ndi̱jo̱ ítꞌa.

Matioo̱ 12:28

Ta̱nga tsi A̱si̱énni̱xtjii̱n Néná tsꞌenkjién án nga ꞌboxié an a̱si̱énni̱xtjii̱n xindajín, ja̱koxi̱ boá nga Néná je ko̱tíxomájnú.

Rkaa̱ 11:20

Ngatꞌa̱ tsi ta̱ngatꞌanii̱ ngaꞌniuú Néná, nga ꞌboxié an a̱si̱énni̱xtjii̱n xindajín, ja̱koxi̱ boá nga Néná je ko̱tíxomájnú.

2 Xota̱ Korinto̱ 3:3

ngatꞌa̱ ya cha̱n cha̱n nga jún boá xi xikoó kui xo̱jo̱n xi Kristoo̱ katsꞌénda, xi ji̱n kiniꞌánkꞌasꞌienjne̱ jún, ngo xo̱jo̱n xi jmí tsi tinta̱ kiniꞌánꞌindóni, ta̱sá A̱si̱énni̱xtjii̱n Néná xí tikoón xi kiniꞌánꞌindóni, ngo xo̱jo̱n xi jmí tsi nga̱soón ngo ndi̱jo̱ kiniꞌánꞌindó, ta̱sá ngi̱jin ini̱ma̱ná boá nínga akjatꞌa.

Ndeuteronomio̱ 10:4

Kó Néná ki̱a̱ katsꞌénꞌindó nginí nga tie kjo̱a̱botíxomaa̱, sꞌe̱ katsꞌénkꞌasꞌienna kui tie ndi̱jo̱o̱, xikó má katsꞌén nga tjón tjón, kjiꞌanga kamátikójo̱ Néná nga tsíchji̱a̱jonijnú ngi̱jin ndiꞌií.

Xota̱ Ebreo̱ 8:10

Kjiꞌa ngije bo̱a̱ ka̱ma, kuí ni xi̱ꞌbi̱ xi kꞌuindajo̱ an xota̱ Israee̱l: Jaskan ngije jaꞌa kui ni̱xtjii̱n, ngi̱jii̱n kjo̱a̱kjíntakoón kꞌuijñájin an kjo̱a̱kitina, kó nga̱són ini̱ma̱a̱ sa̱ꞌinꞌindó an. Án xí Nee̱ kui ka̱ma an, kó kuí boá xi xota̱ na̱xi̱ńdána ka̱ma.