Ndeuteronomio̱ 8:2 - Xo̱jo̱n eén Néná

² »Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

Ndeuteronomio̱ 8:2 ပူးပေါင်းရင်းမြစ်များ

Jenesii̱s 22:1

Jaskan ngije jaꞌa kjín nó, Néná askotꞌayákón Abraa̱n, kó tsíchji̱a̱a̱, sꞌe̱ bi̱ katsoó: «Abraa̱n, mejénna nga si̱ꞌinkꞌasꞌínní ngo kjo̱a̱tjó xi ndíi̱ Isaa̱, kui xi ndí ngototóo̱, kui xi achichí tjoó. Tꞌenje̱ ji ki̱a̱ nangi Moriaa̱j, ngo na̱xi̱ xi kokoo».

Joo̱b 33:17

tsi̱ꞌe̱ nga ngiti̱ si̱ꞌán jàn ñá ni xi ndajín, ko̱jo nga ngiti̱ nkꞌakonjín ka̱má,

Xo̱jo̱n Salmoo̱ 103:2

¡Ngayeje ngaꞌniú xí tjínna nga sa̱ꞌintsjáa̱ ko̱jo nga sa̱ꞌinkjaꞌátsjien an xikó kjiꞌi nga ndaxota̱!

Xo̱jo̱n Salmoo̱ 106:7

Kjiꞌanga ki̱a̱ kisꞌińdo nangi Ejipto̱, tsaꞌaxki̱jín ni yiꞌi xi kiniꞌín ji, katsꞌénkjaꞌátsjienjín kjo̱a̱tjó jèe̱, kó ki̱a̱ tꞌa Ndáchíkón Inií kondra̱ tse̱ kisꞌińdoni.

Xo̱jo̱n Salmoo̱ 136:16

Akoó ndi̱yà xota̱ Israee̱l ki̱a̱ nangi kixií. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 77:11

¡Jaꞌátsjienna ni xi je katsꞌén Néná, jo̱o̱n, jaꞌátsjienna ni xi fíndikónná xí katsꞌén ngasꞌe̱!

Xo̱jo̱n Salmoo̱ 81:7

Kjiꞌanga ꞌniú nda̱ kamaá, ni̱ma̱ kase ji nga kandokjo̱e̱ní, kó án tsꞌaxiéꞌaá, katsꞌénseén ndeskande ngi̱jii̱n ṉdi̱ xi jñó má ndyi̱a̱a̱ nínga tikónꞌmá an, ki̱a̱ má nínga tjitjó ndáfoaa̱ ki̱a̱ ngi̱ndie xi ꞌmí Meribaa̱, ki̱a̱ askotꞌayákoón.

Éksondo̱ 15:25

Kó Moisee̱ tsíchji̱a̱a̱ Néná tsi̱ꞌe̱ nga ko̱síko̱jo. Kósꞌe̱ Néná akoó ngo yá xí tjiín xka̱, sꞌe̱ atíxomaa̱ tsi̱ꞌe̱ nga kꞌo̱jmijin kui yaá ki̱a̱ ngi̱jin ndáfoa saa̱. Kó Moisee̱ bo̱a̱ katsꞌén, kó ti̱ kjiꞌa kui ndáfoaa̱, ndáfoa nda kamá. Kó ki̱a̱ boá nínga Néná askotꞌayákón xota̱ Israee̱l, kó ti̱ ki̱a̱ boá nínga katsjaá kjo̱a̱botíxoma kjo̱a̱a̱ xikótsꞌèn kꞌuíndo.

Éksondo̱ 16:35

Kó kuí nii̱ xi iskjinie xota̱ Israee̱l yichán nó, ngaskande nga jachó tsindioó nangi Kanaa̱n, nínga ja̱bo̱a̱ je síndo kje̱ꞌe xota̱. Nga kichꞌíchi̱bo̱a̱ manaa̱, xota̱ Israee̱l katsꞌénkjién ngo chi̱bo̱a̱ xi ꞌmí «ngomee̱r» kó jó kilo̱ kjiya kui chi̱bo̱a̱a̱.

Éksondo̱ 16:4

Kósꞌe̱ Néná bi̱ katsoó Moisee̱: «A ye kó sa̱ꞌin an, nkꞌa jàn kji̱ndi̱bájénni ni xi skji̱ni̱e̱ xotaa̱ ndyiojón ndyiojón, ta̱nga xotaa̱ ta̱ bo̱a̱ tsí kjiꞌi kjo̱a̱ꞌátikó kui nichiniee̱ xikó kjiꞌi kju̱i̱e̱e̱ nga ngo ni̱xtjin. Ni̱xtjii̱n xi ma juu̱n jó bo̱a̱ kjiꞌi xikó kjiꞌi kjinie nga ngo ni̱xtjii̱n kjo̱a̱ꞌátikó. Skotꞌayákón mára an tsi tsꞌénkjátjosónna ko̱jo tsi jmí».

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 17:3

To̱nsinieé ko̱jo to̱ntiboaa̱, ndiꞌií boá xi chitꞌani tsi nda ko̱jo tsi ndajín, ta̱nga ñá, Néná boá xi kotꞌa ini̱ma̱ná.

Xki̱ 14:33

Kó nga kiniꞌán ꞌniátakónjínjnúꞌun, ndíjnú ki̱a̱ kꞌuitsómá nangi kixií yichán nó nga skoón cho̱tsa̱nga̱, chjiéngá skoyá ngaskande nga kju̱i̱e̱són yejejnú ki̱a̱ nangi kixií.

Rkaa̱ 18:14

Xiyàjnúꞌun nga kjiꞌanga jachó ndiꞌaa̱ kui nda̱ xi foaꞌáꞌyá to̱n xi machjítjé nii̱, jè kixi̱ tikón ngindyi̱ko̱n Néná, ta̱bo̱a̱jiín nda̱ xi ingoo̱, ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Juaa̱ 2:25

kó jmí kjo̱a̱jín nga tjín xí katsóyaà kókón xotaa̱, ngatꞌa̱ ja̱bo̱a̱ je be kui kókón, ko̱jo kótsꞌèn tsꞌénkjó.

Ndeuteronomio̱ 1:33

ndatsi kui je tsie ꞌne̱ jaꞌájin ngo ngi̱ndie xi jún tsja̱ajnú. Tsi̱ꞌe̱ nga ki̱a̱ kjo̱jojnú, kó kuí boá xi kitsjientjónjnú, nga jñoó ngo ndiꞌí katsꞌéntsijennijnú, kó nga ni̱xtjii̱n ngo ṉdi̱ íjñá xi askonnijnú tsi̱ꞌe̱ nga jmí ni kamájínjnú.

Ndeuteronomio̱ 13:3

ngata̱ niꞌánsénjínjnúu̱. Nga ja̱koxi̱, Néná boá xi tsꞌénkjitꞌayàkónjnú, tsi̱ꞌe̱ nga sku̱i̱e̱ tsi tjójnú kui ngayeje kjo̱a̱niꞌánkjójnú, ko̱jo ngayeje xi kókónjnú.

Ndeuteronomio̱ 29:5

Yichán nó nga Néná kisꞌijñatjónjnú ki̱a̱ nangi kixií, kó jmíni̱xtjin nga kichajájnú nichinie. Ngayeje kui ni̱xtjin xi̱ꞌba̱ kjifejín ndiéjnú, ko̱jo kjimaxchájín ńjñojnú, kó kui nii̱ xi katsꞌén, tsi̱ꞌe̱ nga xcha̱jnú jún nga kuí boá xi Nejnú.

Ndeuteronomio̱ 32:7

»Ti̱ꞌankjójnú kótsꞌèn kjindibáni xota̱ nangijnú. Na̱ꞌmijnú ko̱jo ngito̱ko̱jnú ka̱tso̱yàjnú ni xi kamá ngasꞌe̱.

Ndeuteronomio̱ 7:18

Ta̱nga ngata̱ ndakonjínmájnú. Ngata̱ chíyájínjnú nga Néná katsꞌénjeé nda̱ ree̱ ko̱jo xotaa̱ nangi Ejipto̱.

Ndeuteronomio̱ 8:16

Ngata̱ chíyájínjnú nga Néná katsjájnú nichinie xi ndibání ndiꞌakꞌajmii̱ ki̱a̱ nangi kixií, ngo nichinie xi jmíni̱xtjin kamábe xota̱ xi xchájnú. »Ngatjaꞌátsjienjnú nga Néná boá xi katsangiyajnú kui kjo̱a̱chjatꞌayákoón nganda tsa̱jún.

Xo̱jo̱o̱n Sandiyaá 1:3

ngatꞌa̱ jè yàjnú nga kjiꞌanga bitjajinjnú kjo̱a̱chjatꞌayákoón, kó nda fotjojnú, ja̱ kjo̱a̱a̱ nga ꞌniú sꞌijinjnú Néná, kó kuí nii̱ xi tsꞌén nga chikjo̱a̱jnú ta̱jmì niní.

Xo̱jo̱o̱n Sandiyaá 4:10

Ni̱ma̱kjo̱a̱ ti̱ꞌánjnú yojojnú ngindyi̱ko̱n Ndi̱a̱ná, kó kuí boá xi skjinínkꞌájnú.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.