Ndeuteronomio̱ 8:16 - Xo̱jo̱n eén Néná

¹⁶ Ngata̱ chíyájínjnú nga Néná katsjájnú nichinie xi ndibání ndiꞌakꞌajmii̱ ki̱a̱ nangi kixií, ngo nichinie xi jmíni̱xtjin kamábe xota̱ xi xchájnú. »Ngatjaꞌátsjienjnú nga Néná boá xi katsangiyajnú kui kjo̱a̱chjatꞌayákoón nganda tsa̱jún.

Ndeuteronomio̱ 8:16 ပူးပေါင်းရင်းမြစ်များ

Jenesii̱s 22:1

Jaskan ngije jaꞌa kjín nó, Néná askotꞌayákón Abraa̱n, kó tsíchji̱a̱a̱, sꞌe̱ bi̱ katsoó: «Abraa̱n, mejénna nga si̱ꞌinkꞌasꞌínní ngo kjo̱a̱tjó xi ndíi̱ Isaa̱, kui xi ndí ngototóo̱, kui xi achichí tjoó. Tꞌenje̱ ji ki̱a̱ nangi Moriaa̱j, ngo na̱xi̱ xi kokoo».

Joo̱b 42:12

Kó Néná katsꞌénchikonñé ni xi jaskan kamaá Joo̱b, ta̱bo̱a̱jiín xikótsꞌèn kisꞌijña nga tjón tjón. Ngatꞌa̱ bi̱ kjiꞌi ni xi kisꞌiee̱: tienijón mi̱ cho̱tsa̱nga̱, ko̱jo jun mi̱ cho̱toꞌoyitsꞌe̱n, ko̱jo jó mi̱ cho̱yojo xi bokján tꞌanangi, ko̱jo ngo mi̱ bórró ínchjín,

Xo̱jo̱n Salmoo̱ 119:68

Achichí nda ji xota̱, kó ni xi nda boá xi niꞌín ji, takoyèní nga kuintꞌieꞌée̱n kjo̱a̱botíxomàa̱.

Éksondo̱ 15:25

Kó Moisee̱ tsíchji̱a̱a̱ Néná tsi̱ꞌe̱ nga ko̱síko̱jo. Kósꞌe̱ Néná akoó ngo yá xí tjiín xka̱, sꞌe̱ atíxomaa̱ tsi̱ꞌe̱ nga kꞌo̱jmijin kui yaá ki̱a̱ ngi̱jin ndáfoa saa̱. Kó Moisee̱ bo̱a̱ katsꞌén, kó ti̱ kjiꞌa kui ndáfoaa̱, ndáfoa nda kamá. Kó ki̱a̱ boá nínga Néná askotꞌayákón xota̱ Israee̱l, kó ti̱ ki̱a̱ boá nínga katsjaá kjo̱a̱botíxoma kjo̱a̱a̱ xikótsꞌèn kꞌuíndo.

Éksondo̱ 16:15

Kó nga kamábe kui nii̱ xota̱ Israee̱l, ja̱kꞌi̱e̱ ja̱ngaján asíyaá xkjín, nga bi̱ katsoó mí nii̱ bo̱a̱ xi̱ꞌba̱. Kó Moisee̱ bi̱ katsoó: «Kuí bí pan xi Néná tsꞌéntsjájnú tsi̱ꞌe̱ nga xi̱ni̱e̱jnú.

Éksondo̱ 16:31

Kui pan xi jaꞌátikó tiboa kamá xikoó to ndi̱ꞌee̱, kó ixi kamá xikoó pan xi nanginjon ntsjieén. Xota̱ Israee̱l «mana̱» katsoó kui nii̱.

Éksondo̱ 16:4

Kósꞌe̱ Néná bi̱ katsoó Moisee̱: «A ye kó sa̱ꞌin an, nkꞌa jàn kji̱ndi̱bájénni ni xi skji̱ni̱e̱ xotaa̱ ndyiojón ndyiojón, ta̱nga xotaa̱ ta̱ bo̱a̱ tsí kjiꞌi kjo̱a̱ꞌátikó kui nichiniee̱ xikó kjiꞌi kju̱i̱e̱e̱ nga ngo ni̱xtjin. Ni̱xtjii̱n xi ma juu̱n jó bo̱a̱ kjiꞌi xikó kjiꞌi kjinie nga ngo ni̱xtjii̱n kjo̱a̱ꞌátikó. Skotꞌayákón mára an tsi tsꞌénkjátjosónna ko̱jo tsi jmí».

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 17:3

To̱nsinieé ko̱jo to̱ntiboaa̱, ndiꞌií boá xi chitꞌani tsi nda ko̱jo tsi ndajín, ta̱nga ñá, Néná boá xi kotꞌa ini̱ma̱ná.

Xota̱ Roma̱ 8:28

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Ndeuteronomio̱ 13:3

ngata̱ niꞌánsénjínjnúu̱. Nga ja̱koxi̱, Néná boá xi tsꞌénkjitꞌayàkónjnú, tsi̱ꞌe̱ nga sku̱i̱e̱ tsi tjójnú kui ngayeje kjo̱a̱niꞌánkjójnú, ko̱jo ngayeje xi kókónjnú.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

Ndeuteronomio̱ 8:3

Jè katsꞌénkjaꞌájnú kjindiá, ta̱nga katsjájnú nichinie xi kjindibájénni ndiꞌakꞌajmii̱, ngo nichinie xi ti̱nde jún, ti̱nde xota̱ xi xchájnú kamábejín. Kó kui nii̱ xi katsꞌén Néná nga akóyájnú, tsi̱ꞌe̱ nga ndatsi kꞌuiéjínjnú nichinie, ta̱nga ka̱ma ka̱maꞌniátakónjnú ni xi katsóyàtjón ko̱jo eén, tsi̱ꞌe̱ nga ku̱i̱ndyionjnú nga̱sondie.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.