Ndeuteronomio̱ 7:21 - Xo̱jo̱n eén Néná

²¹ Kuíni nga, ngata̱ ndakonjínmájnú. Néná ki̱a̱ kjótsoꞌbájo̱jnú, kó ngayeje xi be ngaꞌniuú Néná ngaskande fotsié má.

Ndeuteronomio̱ 7:21 ပူးပေါင်းရင်းမြစ်များ

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 46:11

Néná xí tsi̱ꞌe̱ jájuún kꞌi̱e̱ tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 46:5

Néná boá xi tikón ngamasiee̱n kui na̱xi̱ńdáꞌniuú, kó jmíni̱xtjin kju̱i̱e̱, Néná boá xi ko̱síko̱jo kjiꞌanga si̱si̱eén.

Xo̱jo̱n Salmoo̱ 46:6

Achichí nda̱ kamaá xota̱ na̱xi̱ńdaá, jatsiéndíkón má ngi̱ndie nínga botíxomaa̱, nga kandaꞌyá nda̱a̱ Néná, kamáńdá má tꞌanangii̱.

Xo̱jo̱n Salmoo̱ 46:7

Néná xí tsi̱ꞌe̱ jájuún ñá boá xi tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 47:2

¡Ngatꞌa̱ Néná xí tikón nkꞌajmi jàn achichí yandikón, kuí boá ngo re xi je xi tsi̱ꞌe̱ ngayeje nga̱sondiee̱!

Xo̱jo̱n Salmoo̱ 68:35

Ji Ne, ¡Achichí je yaa̱ nga tindyin ji ndiꞌandikóo̱n! Néná xí tsi̱ꞌe̱ xota̱ Israee̱l kuí boá xi tsjaá ngaꞌniú xota̱ na̱xi̱ńdaá. ¡Ngatamachikonñé Néná!

Xo̱jo̱n Salmoo̱ 89:8

Ji Ndi̱a̱, ji xi Ne tsi̱ꞌe̱ ngayeje jájuún, ꞌyání xi xikó jí, ji xi ta̱nisién tjiín ngaꞌniú. Achichí kjo̱a̱ꞌniátakóo̱n tjiín.

Xo̱jo̱n Salmoo̱ 95:3

Ngatꞌa̱ Néná, achichí ngaꞌniú xí tjiín, ¡kó kuí boá ngo re xi nkꞌa ngase xaá, ngi̱jii̱n ngayeje ne xi ngasee̱!

Éksondo̱ 29:45

Án boá xi kotíjña̱jìi̱n xota̱ Israee̱l, kó án boá xi Nee̱ ka̱ma an.

Xki̱ 13:9

Paltii̱, xi chji̱a̱ni xota̱ tji̱e̱e̱ Benjaa̱,

Xki̱ 14:42

Ngata̱ mongínjínjnú kui ngi̱ndiee̱, ngatꞌa̱ Néná ko̱e̱je̱jojínjnú, kó kui xota̱ xi kondra̱jnú sa̱ꞌínjnú nga skjánjo̱jnú.

Xki̱ 14:9

Ta̱nga ꞌniú ndikón nga ngata̱ kondra̱jín mindyiónjnúu̱ Néná, ti̱nde ngata̱ ndakonjínmájnú kjo̱a̱a̱ kui xota̱ xi síndo kui ngi̱ndiee̱ ngotꞌe̱. Niꞌínjín si̱ꞌaa̱n nga ku̱i̱xkánjo̱, ngatꞌa̱ kui xotaa̱ jmíjín xi ndyi̱koo̱n. Kó ñá tikónná kui Néná xi tsꞌénbosikójoná, kuíni nga, ¡ngata̱ ndakonjínmájnú!»

Xki̱ 16:3

Kó Koree̱ ko̱jo xota̱ xi nijan majo̱ kijíkoón Moisee̱ ko̱jo Aaroo̱n, kó bi̱ kijítsoó: —¡Jè tsꞌajónjne̱ nga jún xi kjimajnú ngito̱ko̱jne̱! Néná tikónjo̱ ngayeje xota̱ na̱xi̱ńdaá, kó ngayeje ñá nga jè jaꞌájinná tsi̱ꞌe̱ nga si̱ꞌán xaá. Kó míkjo̱a̱a̱ nga jún mejénjnú si̱ꞌánjnú ngayeje nii̱.

Xki̱ 21:34

Kósꞌe̱ Néná bi̱ katsoó Moisee̱: «Ngata̱ ndakinjín máa̱ nda̱ re Oo̱j. Án boá xi kosiko̱joo nga si̱ꞌìi̱n kui ko̱jo ngayeje jájuún. Ta̱nga mejénna nga bo̱a̱ si̱ꞌinje̱ ji kui, xikó kiniꞌínje̱ ji Sijoo̱n, nda̱ re xi chji̱a̱ni xota̱ Amoo̱r».

Xki̱ 23:21

»Néná boá xi ree̱ xota̱ Israee̱l. Ki̱a̱ tikónjin kui ngamasiee̱n xota̱ na̱xi̱ńdaá. Néná jmí tsi ni xi ndajín xi mejeén nga ka̱maa̱, ti̱nde mejénjiín nga ni xi ndajín sa̱ꞌínjo̱.

1 Xota̱ Korinto̱ 14:25

kó ni xi tjiꞌmaá ini̱ma̱a̱ ka̱matsijen, kó ko̱siéntikoó nga sa̱ꞌíndikón Néná, kó bo̱a̱ ka̱tso̱ nga ja̱koxi̱ boá nga Néná ki̱a̱ tikónjinjnú.

Ndeuteronomio̱ 10:17

Kuí boá xi ngo Néná xí botixómaá ngayeje ne xi ngasee̱, ngayeje já re, ko̱jo ngayeje na̱xi̱ńdá. Ngaꞌniú xí tjiín kuí boá xi tsꞌénkjátsiéní ngayeje nga̱sondiee̱. Kjiꞌanga ngo ni xi mejeén sa̱ꞌín, kixi̱ tsꞌén kuí nii̱, kó jmíjín xi ka̱maa̱ ngo ni tsja̱á tsi̱ꞌe̱ nga sa̱ꞌínkjatjosónjín ngo ni.

Ndeuteronomio̱ 20:1

Moisee̱ bi̱ katsó ngasee̱ xota̱ na̱xi̱ńdaá: «Kjiꞌanga kongínjnú kjo̱a̱xchán, ngata̱ ndakonjínmájnú. Ndatsi kondra̱jnú ꞌniú ngase ko̱jo tsi kjín ngase ma, ko̱jo tsi kjín ndi̱je̱, ko̱jo karroo̱ kjo̱a̱xchán tjiín, jmí ndasénjín, ngatꞌa̱ ñá tikónná ngo Néná xi katsꞌéndéná ki̱a̱ nangi Ejipto̱.

Ndeuteronomio̱ 25:8

kó kui jáxaá chjiéngá ku̱i̱chji̱a̱a̱ kui nda̱a̱ kósꞌe̱ ku̱i̱chji̱a̱jo. »Kó tsi ndatsi bo̱a̱ tsꞌén kui nda̱ chja̱a̱ ka̱mamejénjiín ku̱i̱xanjo̱ kui xota̱chjo̱on kꞌaán,

Ndeuteronomio̱ 31:17

Kósꞌe̱ an sa̱ꞌínxchánjo̱ an, kó kꞌuíndo masien an, kó ngindiee̱ nga skóo̱n, ta̱sá achichí kjo̱a̱botíjé ko̱jo kjo̱a̱ni̱ma̱ sangiyáa. Kó chjiéngá sa̱ꞌínkie yojoo̱ nga je indomasien an.