Ndeuteronomio̱ 6:8 - Xo̱jo̱n eén Néná

⁸ Tji̱xi̱ín cho̱ tjatꞌe ji, kó ki̱a̱ tꞌíꞌní jí ndse̱ ko̱jo tsi xtjin tjatꞌe kui tji̱xi̱ín.

Ndeuteronomio̱ 6:8 ပူးပေါင်းရင်းမြစ်များ

Éksondo̱ 12:14

»Kó ngotꞌe̱ xꞌi̱a̱nijnú, nga ngatsjéni̱xtjin ngayejejnú chjiéngá si̱ꞌánjnú kui sꞌueé nganda tsa̱ꞌa̱n, tsi̱ꞌe̱ nga si̱ꞌankjaꞌátsjienjnú ni̱xtjin nga tsꞌaxiéjnúꞌun nangi Ejipto̱. Yito ni̱xtjin kꞌo̱ndíyaá kui sꞌueé, kjiꞌa ku̱i̱ꞌítsꞌi̱yani nga ka̱mangixoón ni̱xtjin tienijoón saá, kó nga kju̱i̱e̱ kjiꞌá boá nga kamángixoón ni̱xtjin xi kan ngoo̱. Kui xomanaa̱ chjiéngá jó ndi̱yà nga ndikóntsꞌèn ka̱matikójnú, ngo ndi̱yà nga ni̱xtjin xi tjoón, sꞌe̱ ingo ndi̱yà nga ni̱xtjin xi ma yitoo̱. Ta̱ nínga tindyiónjnú, nga yito kui ni̱xtjii̱n pan xi jmí nisanjiín boá xi xi̱ni̱e̱jnú. Ndeskande ni̱xtjin xi tjoón kui sꞌueé, ngaskande ni̱xtjin xi fetꞌanii̱ nga nde chií nda̱ꞌyo̱ pan xi tjiín nisan kꞌuiéjínjnú ndiꞌajnú. Kui xi skji̱ni̱e̱ pan xi tjiín nisan nga yito kui ni̱xtjii̱n, tsi xota̱ xi xín nangi, ko̱jo tsi xota̱ Israee̱l, chjiéngá ku̱i̱yòtjíngií ngi̱jii̱n jún. Kó nga yito kui ni̱xtjii̱n nde ngojín xá si̱ꞌánjnú, ta̱ ngototo ni xi xi̱ni̱e̱jnú xi ka̱ma si̱ꞌandajnú. Kjo̱a̱kiti xi kꞌuijñá ngatsjéni̱xtjin boá kui nii̱».

Éksondo̱ 13:16

Kó kuí nii̱ xi xikoó tsi ngo chi̱bo̱a̱ ka̱majnú jún xi kjótꞌajnú ndsa̱jnú ko̱jo tsi xtjienjnú, tsi̱ꞌe̱ nga kjo̱a̱ꞌátsjienjnú nga Néná katsꞌénkjién ngaꞌniuú nga tsꞌaxiéná nangi Ejipto̱”».

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Énkjínkón 3:3

Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱, xikoó tsi ngo ni xi jmeyá kjásen ji ngatamaa̱, kó ngi̱jin ini̱ma̱a̱ tꞌíjñijin ji kui nii̱,

Énkjínkón 6:21

Ngatsjéni̱xtjin tꞌíjin ji ngi̱jin ini̱ma̱a̱, kó xikoó tsi ngo ni xi jmeyé kjásen ti̱ꞌin ji.

Énkjínkón 7:3

ngatsjéni̱xtjin chꞌi̱e̱ xki̱ ji, xikoó tsi ngo ni xi tjítꞌa ndse̱, ko̱jo tsi xikoó tsi ki̱a̱ nga̱són ini̱ma̱a̱ ti̱ꞌinꞌindé ji.

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Ndeuteronomio̱ 11:18

»Nda má tjajintakónjnú kui kjo̱a̱bokoyaá, kó ti̱ꞌankjójnú, ti̱ꞌanꞌindójnú nga ngaskande ka̱ma kjótꞌajnú tjiajnú, ko̱jo tsi ka̱ma kjótꞌajnú xtjienjnú, tsi̱ꞌe̱ nga ngatsjéni̱xtjin kjo̱a̱ꞌátsjienjnú. Tjatꞌajnú ki̱a̱ nga̱ntjo̱a̱a̱ ndiꞌajnú, ko̱jo nínga bitjasꞌi̱e̱nnii̱ na̱xi̱ńdáꞌniú nínga tindyiónjnú nga. Ngatsjéni̱xtjin takoyajnúu̱ ndíjnú ta̱jñà ngi̱ndiení,

Xota̱ Ebreo̱ 2:1

Kuíni nga chjiéngá si̱ꞌansée̱n kuí én xí je kandaꞌyá, tsi̱ꞌe̱ nga kje̱ꞌejín ndi̱yà kongín.