Ndeuteronomio̱ 6:7 - Xo̱jo̱n eén Néná

⁷ kó ta̱jmì chi̱bo̱a̱ní nga ndókjo̱e̱je ndíi̱, ko̱jo ta̱jñà ngi̱ndiení, xikoó: kjiꞌanga tindyin ji ndiꞌàa̱, ko̱jo tsi nga ngi̱ya ndi̱yà tsꞌentje̱, ko̱jo nga ku̱i̱stji̱n, ko̱jo nga tsjajní.

Ndeuteronomio̱ 6:7 ပူးပေါင်းရင်းမြစ်များ

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Joo̱b 8:10

Kui xotaa̱ ku̱i̱chji̱a̱joo ko̱jo ko̱kóyaá, kó ndeskande ngi̱jin ini̱ma̱a̱ kꞌo̱xiéni én xí ku̱i̱chji̱a̱joo.

Xo̱jo̱n Salmoo̱ 119:13

Ngatsjéni̱xtjin nga ta̱ kui ni chjiá án, kui kjo̱a̱bokoyá xi ji katseꞌéjne̱. Kuí boá xi nda bosiénnijóo̱n, ngatꞌa̱ achichí kjo̱a̱tsja tsjána, ta̱bo̱a̱jiín ngayeje to̱nsinié xi tjín nga̱sondiee̱.

Xo̱jo̱n Salmoo̱ 119:46

Ngindyi̱ko̱n já ree̱ ka̱ma kuichjiá an kjo̱a̱botíxomàa̱ kó soboájín ka̱mana.

Xo̱jo̱n Salmoo̱ 129:8

Kjiꞌanga foaꞌa, jmíjín xi tsꞌentínde, kó tsi chji̱a̱ nga tsꞌentínde, nde jmíjín xi chji̱a̱jo.

Xo̱jo̱n Salmoo̱ 37:30

Tsꞌoa xota̱ xi kixi̱i̱ kjo̱a̱kjíntakoón boá xi chji̱a̱, kó na̱je̱n kjo̱a̱kixi̱ boá xi chji̱a̱.

Xo̱jo̱n Salmoo̱ 71:17

Ji Ne, ndeskande koó nga kjindí án nga ji akakoyéní, kó ngaskande ngotꞌe̱ ꞌne̱ nga to̱kó tsꞌénchji̱a̱ an ni xi fíndikónná xi kiniꞌín ji, kjo̱a̱a̱ ni xi fíndikónná xi kiniꞌín ji.

Énkjínkón 10:21

Eén xota̱ xi kixi̱i̱, achichí xota̱ bosikójo, ta̱nga xota̱ xi kitikjo̱a̱a̱ fesón, ngatꞌa̱ tsꞌénkjójín ni xi tsꞌén.

Énkjínkón 15:2

Ni xi chji̱a̱ xota̱ xi kjínkoón, bokó kjo̱a̱kjíntakón xi tjiín, ta̱nga ni xi chji̱a̱ xota̱ xi kitikjo̱a̱a̱, ta̱soboá ni chi̱ni boá.

Énkjínkón 15:7

Kjiꞌanga chji̱a̱ xota̱ xi kjínkoón, kjo̱a̱kjíntakón boá xi bokoyá, ¡ta̱nga xota̱ xi kitikjo̱a̱a̱ bo̱a̱jín tsꞌén tikón ini̱ma̱a̱!

Énkjínkón 6:22

Kui boá kui nii̱ xi ko̱ko̱ó ndi̱yà nínga kꞌuin jí, kuí boá xi skoón kjiꞌanga tsjáfé ji, kó kuí boá xi ku̱i̱chji̱a̱joo kjiꞌanga kjo̱a̱ꞌaá.

Matioo̱ 12:35

Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié.

Rkaa̱ 6:45

Nda̱ xi ndaa̱, ni xi nda ꞌboxié xi tikónjii̱n ngi̱jin ini̱ma̱a̱, kó nda̱ xi ndajiín, ni xi ndajín ꞌboxié xi tikónjii̱n ngi̱jin ini̱ma̱a̱. Ngatꞌa̱ ni tsie xi tjíjii̱n ngi̱jin ini̱ma̱a̱ xotaa̱, kuí ni xi chji̱a̱ tsꞌoa.

Xota̱ Éfeso̱ 4:29

Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.

Xota̱ Éfeso̱ 6:4

Kó jún xi xi xchájnú, ngata̱ niꞌánxtindajínjnú ndíjnú, ta̱sá nda ti̱ꞌanchji̱ni̱e̱jnú, ko̱jo ndókjo̱a̱jojnú nga si̱ꞌanxchájnú xikótsꞌèn mejeén Ndi̱a̱ná.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Xota̱ Kolosa̱ 4:6

Nga ko̱ndókjo̱a̱jnú chjiéngá nda nga tsó énjnú, kó tsjangatamaa̱ xotaa̱, tsi̱ꞌe̱ nga xcha̱jnú kótsꞌèn ko̱ndókjo̱a̱jongajnú nga ngo nga ngo xotaa̱.

1 Xo̱jo̱o̱n Peé 3:15

Ta̱sá cha̱ndikónjnú Kristoo̱ ngi̱jii̱n ini̱ma̱jnú nga kui xi Ndi̱a̱jnú má, kó ngatsjéni̱xtjin ti̱ndyiondajnú nga ka̱majnú kꞌuiyájnúu̱ nga tjín xi ko̱síyájnú ngo ni kjo̱a̱a̱ kui kjo̱a̱chiyá xi tjínjnú jún.

Na̱ Ruu̱t 2:12

¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!

Na̱ Ruu̱t 2:4

Kó Boo̱ jatjoni na̱xi̱ńdáꞌniú Belee̱n, sꞌe̱ jachókatsijen ki̱a̱ nínga tjíniꞌánxaá. Kó bi̱ tsꞌén katsꞌéntinde xota̱ xi ndyi̱tsꞌènxaá: —¡Tindejnú, Néná nga kónjnú ngayejejnú! Kó kui xotaa̱ bi̱ katsó: —¡Néná ngatsꞌénchíkonñéra ngasee̱ ji!

Na̱ Ruu̱t 4:11

—Jo̱o̱n, chistiko̱ ji̱n kjo̱a̱a̱ kui nii̱. Mejénjne̱ nga Néná tsja̱ndiè nga na̱ Ruu̱t ka̱ma xikoó na̱ Rakee̱l, ko̱jo xikoó na̱ Liyaa̱, kui ínchjín xí achichí kjín ndí kisꞌiee̱, kui xi ki̱a̱ kjindibánii̱ xota̱ tji̱e̱ná ñá xí xota̱ Israee̱l.