Ndeuteronomio̱ 6:6 - Xo̱jo̱n eén Néná

⁶ Tjajintakín ji ngayeje kjo̱a̱bokoyá xi tsꞌéntsjaa ngotꞌe̱,

Ndeuteronomio̱ 6:6 ပူးပေါင်းရင်းမြစ်များ

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Xo̱jo̱n Salmoo̱ 119:13

Ngatsjéni̱xtjin nga ta̱ kui ni chjiá án, kui kjo̱a̱bokoyá xi ji katseꞌéjne̱. Kuí boá xi nda bosiénnijóo̱n, ngatꞌa̱ achichí kjo̱a̱tsja tsjána, ta̱bo̱a̱jiín ngayeje to̱nsinié xi tjín nga̱sondiee̱.

Xo̱jo̱n Salmoo̱ 119:30

Ji Ne, ngata̱ boeꞌéndièjín ji nga ndajín kotíjña̱ an ngindyi̱ko̱n xotaa̱, ngatꞌa̱ kjo̱a̱botíxomàa̱ boá xi kjimaꞌniáko̱n an, kó jè katsjáa̱ko̱n an nga sa̱ꞌinkjatjosón an.

Xo̱jo̱n Salmoo̱ 119:98

Ngatsjéni̱xtjin nga tikónjo̱na, kó ngaskande ꞌniú kjínkón ngase tsꞌénna, ta̱bo̱a̱jiín kondra̱na ko̱jo mostro̱na.

Xo̱jo̱n Salmoo̱ 37:31

Kjo̱a̱kitii̱ Nee̱ ki̱a̱ tikónjin ngi̱jin ini̱ma̱a̱, kuíni nga jmíni̱xtjin mongajon se.

Xo̱jo̱n Salmoo̱ 40:8

Ji Ne tsa̱ꞌa̱n, nga tsꞌenkjatjosón an ni xi mejeén ji, kuí nii̱ xi tsie ngase kjo̱a̱tsja tsjána, ¡kó kjo̱a̱bokoyáa̱ ngi̱jin ini̱ma̱na tikónjin!

Énkjínkón 3:5

Ngayeje ini̱ma̱a̱ nga ti̱ꞌinꞌnítakín ji Néná, kó ngata̱ kjo̱a̱kjíntakóo̱njín xi ma ꞌnítakín ji.

Énkjínkón 7:3

ngatsjéni̱xtjin chꞌi̱e̱ xki̱ ji, xikoó tsi ngo ni xi tjítꞌa ndse̱, ko̱jo tsi xikoó tsi ki̱a̱ nga̱són ini̱ma̱a̱ ti̱ꞌinꞌindé ji.

Rkaa̱ 2:51

Kó bo̱a̱ tsꞌén nijan kijíjo̱ nginí na̱xi̱ńdáꞌniú Nasaree̱t, kó Kjisoo̱ tsintꞌiéꞌén ngayeje ni xi kiꞌmií. Kó na̱aa̱n ndí nda̱chí Kjisoo̱ ngi̱jin ini̱ma̱a̱ jaꞌátjó ngayeje nii̱.

Rkaa̱ 8:15

Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

2 Xota̱ Korinto̱ 3:3

ngatꞌa̱ ya cha̱n cha̱n nga jún boá xi xikoó kui xo̱jo̱n xi Kristoo̱ katsꞌénda, xi ji̱n kiniꞌánkꞌasꞌienjne̱ jún, ngo xo̱jo̱n xi jmí tsi tinta̱ kiniꞌánꞌindóni, ta̱sá A̱si̱énni̱xtjii̱n Néná xí tikoón xi kiniꞌánꞌindóni, ngo xo̱jo̱n xi jmí tsi nga̱soón ngo ndi̱jo̱ kiniꞌánꞌindó, ta̱sá ngi̱jin ini̱ma̱ná boá nínga akjatꞌa.

Ndeuteronomio̱ 11:18

»Nda má tjajintakónjnú kui kjo̱a̱bokoyaá, kó ti̱ꞌankjójnú, ti̱ꞌanꞌindójnú nga ngaskande ka̱ma kjótꞌajnú tjiajnú, ko̱jo tsi ka̱ma kjótꞌajnú xtjienjnú, tsi̱ꞌe̱ nga ngatsjéni̱xtjin kjo̱a̱ꞌátsjienjnú. Tjatꞌajnú ki̱a̱ nga̱ntjo̱a̱a̱ ndiꞌajnú, ko̱jo nínga bitjasꞌi̱e̱nnii̱ na̱xi̱ńdáꞌniú nínga tindyiónjnú nga. Ngatsjéni̱xtjin takoyajnúu̱ ndíjnú ta̱jñà ngi̱ndiení,

Ndeuteronomio̱ 32:46

Ngi̱chií sájín Moisee̱, bi̱ katsoó xota̱ na̱xi̱ńdaá: «Nda má ti̱ꞌankjójnú kjo̱a̱a̱ ngayeje ni xi je akoyájnúꞌun, kó tatíxomájnúu̱ ndí xíꞌínjnú ko̱jo ndí ínchjínjnú, tsi̱ꞌe̱ nga ku̱i̱ntꞌiéꞌén nga ngo nga ngo kui kjo̱a̱botíxomaa̱.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

2 Xo̱jo̱o̱n Juaa̱ 1:2

Ta̱ngatꞌanii̱ kui ni ja̱koxi̱ xi tikónjin ngatsjéni̱xtjin ini̱ma̱ná, kui xi kꞌuijñájinná ta̱ kjiꞌání.