Ndeuteronomio̱ 6:2 - Xo̱jo̱n eén Néná

^2-3 Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Ndeuteronomio̱ 6:2 ပူးပေါင်းရင်းမြစ်များ

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Jenesii̱s 22:12

Kó bi̱ katsó ngase kui ndítsjie xi Néná: «Ngata̱ jmí ni niꞌínje̱jín ji kui ndií, jè be an nga ndaꞌyéꞌínní, ngatꞌa̱ ndasénjín kamaá nga ndí ngototóo̱ xi si̱ꞌinkꞌasꞌínní jí ngo kjo̱a̱tjó».

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Xo̱jo̱n Salmoo̱ 111:10

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Kui xota̱ xi bo̱a̱ tsꞌeén, bokó nga xota̱ xi kjínkón boá. ¡Néná, ngatsjéni̱xtjin tsoboaá nga si̱ꞌantsjaa̱!

Xo̱jo̱n Salmoo̱ 128:1

¡Néná tsꞌénchíkonñé ngayeje xota̱ xi ntꞌiéꞌeén, ko̱jo xi fítji̱ngi kjo̱a̱bokoyaá!

Xo̱jo̱n Salmoo̱ 91:16

Achichí kjín nó tsjàa̱ nga kꞌuijñá nga̱sondie, kó án xí sa̱ꞌin an nga sku̱i̱e̱ kjo̱a̱ꞌnaxiéꞌána».

Éksondo̱ 20:12

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú kui na̱xi̱ńdá xi an tsjajnúꞌun.

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 3:16

Kuí boá xi xikoó tsi ki̱a̱ tjiyá tsja xi kixi̱ nga tsja̱á nga kjín ngase ni̱xtjin ku̱i̱ndyin ji, ko̱jo xikoó tsi ki̱a̱ tjiyá tsja skón nga tsja̱á nga xcha̱ndikoón, ko̱jo nga tsie kjo̱a̱cho̱n tsja̱á.

Énkjínkón 9:11

Ngatꞌa̱ án boá xi sa̱ꞌin an nga kjín ngase ni̱xtjin ku̱i̱ndyin ji nga̱sondie, kó kjín ngase nó ka̱maa̱.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Rkaa̱ 12:5

Kꞌi̱e̱ kokojnúꞌun ꞌyání xí ka̱ma ko̱nda̱konjnú: Ti̱nda̱kònjnú kui xi ngije jaꞌáxínná kui kjo̱a̱mindyioo̱n, tjiín ngaꞌniú nga ka̱maa̱ sa̱ꞌínkjíná ndo̱bo̱a̱ṉkꞌi̱e̱e̱n. Jo̱o̱n, kuí xi̱ꞌba̱ xi ti̱nda̱kònjnú.

Ndeuteronomio̱ 10:20

»Ndaꞌyáꞌénjnúu̱ Néná, kó ta̱kuítsí xi ti̱ꞌantsjàjnúu̱. Ngata̱ niꞌantsjájínjnúu̱ kje̱ꞌe ne. Tsi ngo ni kꞌuíndajnú xi si̱ꞌankjatjosónjnú, ta̱ jaꞌeén Néná tsí xi ti̱ꞌankjiénjnú.

Ndeuteronomio̱ 11:9

Tsi bo̱a̱ si̱ꞌánjnú, kjín nó ka̱majnú nga ku̱i̱ndyionjnú kui tꞌanangi xi Néná je katsóyàtjónjnú nga tsja̱ajnú. ¡Achichí nda kui tꞌanangii̱ nga ngatsjéni̱xtjin tjín nichinie!

Ndeuteronomio̱ 13:4

Jún chjiéngá ta̱kuítsí Néná xí si̱ꞌantsjajnúu̱, kó ta̱kuítsí xi ko̱nda̱ꞌyáꞌénjnúu̱ ko̱jo xi ka̱maꞌniátakónjnú.

Ndeuteronomio̱ 22:7

Ngatsjandieè nga ko̱e̱je̱ na̱aa̱n, ta̱nga ka̱má nga kjíbé ndií. Bo̱a̱ ti̱ꞌánjnú, kó kjín nó tsjatsꞌèn ku̱i̱ndyionjnú.

Ndeuteronomio̱ 30:19

»Ndiꞌakꞌajmii̱ ko̱jo tꞌanangii̱ xí chistiko̱ nga ngotꞌe̱ tsꞌéntsjándièjnúꞌun nga chje̱ꞌéjinjnú ni xi mejénjnú, a kjo̱a̱mindyioo̱n, axa̱ kjo̱a̱bo̱yaa̱, a kjo̱a̱niꞌánchikonñeé, axa̱ ni xi ndajiín. An bi̱ xiánjnúꞌun nga jún, ko̱jo ndíjnú ta̱sá kjo̱a̱mindyioo̱n xi chje̱ꞌéjinjnú,

Ndeuteronomio̱ 30:20

kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Ndeuteronomio̱ 4:10

»Kjiꞌanga kixindyionjnú na̱xi̱ Oree̱b, Néná boá xi bo̱a̱ katsóna nga ngindyi̱ko̱n kui kꞌuitikójnúꞌun, ngatꞌa̱ kamámejeén nga ku̱i̱chji̱a̱jojnú ko̱jo nga ko̱kóyájnú nga ngatsjéni̱xtjin ko̱nda̱ꞌyáꞌénjnúu̱, tsi̱ꞌe̱ nga ti̱ bo̱a̱ ti̱ tsꞌén jún ko̱ko̱yájnúu̱ ndíjnú.

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 4:9

Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Ndeuteronomio̱ 5:16

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga nda ku̱i̱ndyionjnú, kó kjín nó ka̱majnú nga ku̱i̱ndyionjnú kui na̱xi̱ńdá xí an tsjajnúꞌun.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ndeuteronomio̱ 6:1

Kuí bí kui kjo̱a̱kitii̱ xi Néná atíxomana nga kokoyájnúꞌun, tsi̱ꞌe̱ nga si̱ꞌankjatjosónjnú ki̱a̱ tꞌanangi nínga ku̱i̱ndyionjnú.

Ndeuteronomio̱ 6:24

Kósꞌe̱ atíxomajne̱ nga chjiéngá xcha̱ndikónjne̱ kui ngatsjéni̱xtjin, ko̱jo nga ko̱nda̱ꞌyáꞌénjne̱ kjo̱a̱botíxomaa̱. Kó tsi ko̱nda̱ꞌyáꞌénjne̱ Néná ko̱jo kjo̱a̱botíxomaa̱, kuí boá xi sa̱ꞌín nga nda ku̱i̱ndyionjne̱, kó nga ku̱i̱ndyionrajne̱ nga̱sondie, xikó kjimajne̱ ngaskande ngotꞌe̱”».

Ndeuteronomio̱ 6:7

kó ta̱jmì chi̱bo̱a̱ní nga ndókjo̱e̱je ndíi̱, ko̱jo ta̱jñà ngi̱ndiení, xikoó: kjiꞌanga tindyin ji ndiꞌàa̱, ko̱jo tsi nga ngi̱ya ndi̱yà tsꞌentje̱, ko̱jo nga ku̱i̱stji̱n, ko̱jo nga tsjajní.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.