Ndeuteronomio̱ 6:13 - Xo̱jo̱n eén Néná

¹³ Kuíni nga ti̱ꞌantsjàjnúu̱ Néná, kó ta̱kuítsí xi ndaꞌyáꞌénjnúu̱. Tsi ngo ni kꞌuíndajnú xi si̱ꞌankjatjosónjnú, ta̱ jaꞌén tsi̱ꞌe̱ tsí xi ti̱ꞌankjiénjnú.

Ndeuteronomio̱ 6:13 ပူးပေါင်းရင်းမြစ်များ

Jenesii̱s 24:3

Ndatsi kꞌi̱e̱ tikónjìi̱n xota̱ Kanaa̱n, ta̱nga ngiboanéná tꞌín ji ngindyi̱ko̱n Néná xí tsi̱ꞌe̱ ndiꞌakꞌajmii̱ ko̱jo xi tsi̱ꞌe̱ tꞌanangii̱ nga ko̱e̱ꞌéndièjín ji nga ndína Isaa̱ ngo na̱ xi chji̱a̱ni nangi Kanaa̱n ku̱i̱xanjo̱. Ta̱sá tꞌen ji nangina kó ti̱ndyi̱sé ji ngo na̱ xi xingi̱ ji̱n xi kꞌuijñájo̱ ndína.

Xo̱jo̱n Salmoo̱ 15:4

kui xi tsꞌenchꞌó xota̱ xi Néná tsꞌenchꞌó, ta̱nga bendikón xota̱ xi ndyi̱bendikón Néná, kui xi tsꞌénkjátjosón ni xi chji̱a̱, ndatsi ndajín fotjoo̱ ni xi tsꞌén,

Xo̱jo̱n Salmoo̱ 63:11

Ta̱nga nda̱ ree̱ achichí tsjá ka̱maa̱ nga sa̱ꞌíntsjaá Néná, kó si̱ꞌandikón boá ta̱ꞌyaní xi jaꞌeén Néná ku̱i̱ꞌangini ngo ni, ta̱nga xota̱ xi ndisoo̱, kjókjo tsꞌoa.

Éksondo̱ 20:7

»Ka̱májín ta̱xkiya si̱ꞌankjiénjnú jaꞌénna, chjiéngá xcha̱ndikónjnú, xi ta̱xkiya sa̱ꞌínkjién, sa̱ꞌinjéñáa̱.

Éksondo̱ 23:25

»Ti̱ꞌantsjàjnúꞌun, ngatꞌa̱ án boá xi Nejnú. Án boá xi sa̱ꞌinchikonñéjnúꞌun nga tsjajnúꞌun tsie nichinie. Jmí ni̱xtjin tsjandiè an nga sa̱kóchiꞌinjnú,

Lebitiko̱ 19:12

ti̱nde ngata̱ jaꞌénnajín niꞌánkjiénjnú nga ngo ni xi si̱ꞌankjatjosónjínjnú. Án boá xi Nee̱ xota̱ Israee̱l.

Matioo̱ 4:10

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: «Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.»

Matioo̱ 5:33

Ti̱ bo̱a̱ ti̱ tsꞌén je kandaꞌyájnú nga bi̱ kiꞌmií xota̱ xi xchájnú: «Ngata̱ ngiboanénájín ꞌmíjnú kjo̱a̱a̱ ngo ni xi ndiso, ta̱sá ti̱ꞌankjatjosónjnúu̱ Néná kjo̱a̱a̱ ni xi kꞌuínjnú.»

Rkaa̱ 4:8

Kó Kjisoo̱, bi̱ katsoó: –Chjéndi̱yáa̱ xindajín Satana̱, ngatꞌa̱ jè kjitꞌa xo̱jo̱n eén Néná, nínga bi̱ tsoó: “Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.”

Ndeuteronomio̱ 10:12

»Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

Ndeuteronomio̱ 10:20

»Ndaꞌyáꞌénjnúu̱ Néná, kó ta̱kuítsí xi ti̱ꞌantsjàjnúu̱. Ngata̱ niꞌantsjájínjnúu̱ kje̱ꞌe ne. Tsi ngo ni kꞌuíndajnú xi si̱ꞌankjatjosónjnú, ta̱ jaꞌeén Néná tsí xi ti̱ꞌankjiénjnú.

Ndeuteronomio̱ 13:4

Jún chjiéngá ta̱kuítsí Néná xí si̱ꞌantsjajnúu̱, kó ta̱kuítsí xi ko̱nda̱ꞌyáꞌénjnúu̱ ko̱jo xi ka̱maꞌniátakónjnú.

Ndeuteronomio̱ 13:5

Kó kjo̱a̱a̱ kui chji̱ni̱e̱ꞌén ndísoó, chjiéngá ti̱ꞌankꞌiènjnú, ngatꞌa̱ kuí boá xi tjítsꞌén nga jún ngiti̱ ko̱nda̱ꞌyáꞌénjínjnúu̱ Néná katsaki. Kó bo̱a̱ tsꞌén nga si̱ꞌankjiejnú kui ni xi ndajín xi tikónjinjnú. Néná boá xi katsꞌéndéjnú jún kjiꞌanga moso̱ ka̱majnú ki̱a̱ nangi Ejipto̱, kuíni nga ta̱kuítsí xi chjiéngá ko̱nda̱ꞌyáꞌénjnúu̱.

Ndeuteronomio̱ 5:11

»Ka̱májín ta̱xkiya si̱ꞌankjiénjnú jaꞌénna, chjiéngá xcha̱ndikónjnú, xi ta̱xkiya sa̱ꞌínkjién, sa̱ꞌinjéñáa̱.

Ndeuteronomio̱ 5:29

Achichíra̱ ndakjiꞌi tsi jmíni̱xtjin ko̱síkjo ni xi ndyi̱tsó, kó nga ngatsjéni̱xtjin nga ngatsꞌéndíkónna ko̱jo ngatsꞌénkjátjosón kjo̱a̱botíxomana. Kó bo̱a̱ tsꞌén nga kui ko̱jo xota̱ tji̱e̱e̱ nda kꞌuíndo.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!