Ndeuteronomio̱ 5:5 - Xo̱jo̱n eén Néná

⁵ Án boá xi kamá an chji̱ni̱e̱ꞌe̱én Néná, kó an kixiyajnúꞌun ni xi katsó Néná, ngatꞌa̱ jún kandakonnijnú ndiꞌií, kuíni nga tsangínjínjnú ki̱a̱ na̱xi̱i̱, kó ki̱a̱ boá nínga Néná bi̱ katsó:

Ndeuteronomio̱ 5:5 ပူးပေါင်းရင်းမြစ်များ

Jenesii̱s 18:22

Kó kijí kui jaá xtji̱e̱e̱n na̱xi̱ńdáꞌniú Sondoma̱, ta̱nga Abraa̱n to̱kó kisꞌijñara ngindyi̱ko̱n Néná.

Xo̱jo̱n Salmoo̱ 106:23

kó achichí katsꞌénxchán Néná nga ngaskande kamámején maá katsꞌénkjié. Kó Moisee̱, kui nda̱ xi jaꞌájin Néná tsíchji̱a̱tjé kui xotaa̱, sꞌe̱ jaskan jaꞌajenda Néná tsi̱ꞌe̱ nga ngiti̱ katsꞌénkjiéjín ngijee̱.

Éksondo̱ 19:16

Kó nga kisisie̱èn ni̱xtjin xi ma jaán, nkꞌa jàn kandaꞌyá cho̱ꞌo̱n ko̱jo jaꞌatꞌe, kó ngo ṉdi̱ kisꞌijñajin kui na̱xi̱i̱, kó achichí ꞌniú kandaꞌyá ngo tjio. ¡Ngayeje xota̱ Israee̱l xi kisꞌińdo ndiꞌańjñoo̱ ngaskande jatsié má nga katsakjónní!

Éksondo̱ 19:21

Néná bi̱ katsoó: —Ti̱tjaje̱n ji, kó tꞌíyée̱ xota̱ Israee̱l nga chjiénjín nga kꞌi̱e̱ kji̱ndi̱bánijingí nga an kjo̱e̱ꞌekátsijenna. Tsi bo̱a̱ sa̱ꞌín, kjín ka̱ma xi ko̱yà ki.

Éksondo̱ 19:25

Kó Moisee̱ jatjajenni na̱xi̱i̱, kó katsóyaà xota̱ Israee̱l ngayeje kui nii̱.

Xki̱ 16:48

Kó Aaroo̱n ki̱a̱ kasasien ngamasiee̱n xota̱ xi je jesoón ko̱jo xi ta̱kó síndo ngasee̱, kó bo̱a̱ tsí tsꞌén nga íchjaá kjo̱a̱botíjeé Néná.

Xota̱ Ngalasia̱ 3:19

Kósꞌe̱, kó mí chjínií kjo̱a̱kitii̱. Jeꞌe tsi̱ꞌe̱ nga sku̱i̱e̱ xotaa̱ nga jé boá xi ndyi̱tsꞌèn, kó ta̱ kjiꞌa tsi ka̱machjínií kui kjo̱a̱kitii̱, ngaskande nga kjindibá kui xota̱ tji̱e̱e̱ Abraa̱n xi Néná katsóyàtjoón nga kjo̱e̱ꞌe, kui xi Kristoo̱. Néná katsangiya ndítsjiee̱ nga katsjaá Moisee̱ kjo̱a̱kitii̱, kó Moisee̱ xí katsjaá xotaa̱ kui kjo̱a̱kitii̱.

Ndeuteronomio̱ 5:27

Ta̱sá nda ji Moise̱, tsi ji kꞌuin jí, kó ji ndaꞌyée̱ ngayeje ni xi Néná mejeén ka̱tso̱yàjne̱, kósꞌe̱ ji tꞌíyéjne̱ kui nii̱ ngijee̱. Kó ji̱n ko̱nda̱ꞌyáꞌénjne̱ ngayeje ni xi ka̱tso̱jne̱ kui”.

Xota̱ Ebreo̱ 9:24

Ngatꞌa̱ Kristoo̱ jmí tsi tsꞌasꞌien ngi̱yaa̱ kui na̱ngo̱xi̱ ndikón xí katsꞌénda tsja xotaa̱, kui xi ta̱ ni xi katjoꞌótꞌa na̱ngo̱xi̱ ndikón xí ja̱koxi̱i̱ boá. Kristoo̱ boá xi ki̱a̱ má ndiꞌakꞌajmii̱ tsꞌasꞌien, tsi̱ꞌe̱ nga jachó ngindyi̱ko̱n Néná, kó kuí boá xi tsꞌénmíꞌá nganda tsa̱ñá.