Ndeuteronomio̱ 5:15 - Xo̱jo̱n eén Néná

¹⁵ Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 5:15 ပူးပေါင်းရင်းမြစ်များ

Jenesii̱s 15:13

Kósꞌe̱ Néná bi̱ katsoó: «Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱.

Jenesii̱s 19:16

Kó nga tsájín tjítsꞌén Loo̱t, kui já ndítsjiee̱ iskjíbé tsja Loo̱t ko̱jo chjo̱ón ko̱jo ndí ínchjiín, kó tsꞌaxié kui na̱xi̱ńdaá. Tsꞌaxiéꞌá ngatꞌa̱ Néná ni̱ma̱ kamaá.

Xo̱jo̱n Salmoo̱ 136:12

Ki̱a̱ boá nínga akó ngaꞌniuú. ¡Ngatꞌa̱ Néná ngatsjéni̱xtjin nga tjoó ji̱n!

Éksondo̱ 13:14

»Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Éksondo̱ 13:16

Kó kuí nii̱ xi xikoó tsi ngo chi̱bo̱a̱ ka̱majnú jún xi kjótꞌajnú ndsa̱jnú ko̱jo tsi xtjienjnú, tsi̱ꞌe̱ nga kjo̱a̱ꞌátsjienjnú nga Néná katsꞌénkjién ngaꞌniuú nga tsꞌaxiéná nangi Ejipto̱”».

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Éksondo̱ 20:11

Ngatꞌa̱ jun ni̱xtjin katsꞌéndani an ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín. Ta̱nga ni̱xtjin xi ma yitoo̱ katsꞌenkjaꞌyá án. Kuíni nga katsꞌenchikonñé an kui ni̱xtjii̱n, kó án xi bo̱a̱ kixian an nga ngo ni̱xtjin ndikón ka̱ma.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Ndeuteronomio̱ 15:15

Ngata̱chiíjín niꞌánchíyájnú nga xota̱ moso̱ kamájnú ki̱a̱ nangi Ejipto̱, kó nga Néná boá xi katsꞌéndéjnú. Kuíni nga kui kjo̱a̱botíxomaa̱ tsꞌéntsjájnúꞌun.

Ndeuteronomio̱ 16:12

»Ti̱ꞌankjatjosónjnú kui kjo̱a̱kitii̱, kó nga jmíni̱xtjin niꞌánchíyájnú nga moso̱ kamájnú ki̱a̱ nangi Ejipto̱.

Ndeuteronomio̱ 26:8

Kó bo̱a̱ tsꞌén nga Néná katsꞌénkjién ngaꞌniú jèe̱, kó achichí kjo̱a̱ndikón katsꞌén nga indyiándikoón xota̱ Ejiptoo̱, kó tsꞌaxiéjne̱ kui ngi̱ndiee̱.

Ndeuteronomio̱ 5:6

»Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Ndeuteronomio̱ 9:12

An bi̱ katsóna: “Ti̱tjaje̱n ji na̱xi̱i̱ ngotꞌe̱ má, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ngiti̱ ndyi̱ntꞌièꞌénjínna, ¡achichí je tsá katsꞌénkjatsón yojoo̱! Ngo ni je katsꞌénda xi ne ndyi̱tsoó, kó je ndyi̱tsꞌèntsjaà.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.