Ndeuteronomio̱ 4:9 - Xo̱jo̱n eén Néná

⁹ Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Ndeuteronomio̱ 4:9 ပူးပေါင်းရင်းမြစ်များ

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Xo̱jo̱n Salmoo̱ 71:18

Ji Ne, ndatsi je xchá án, ko̱jo ndatsi je kichjí tokó án, ngata̱ ꞌbíjñímasínjínní, ngaskande nga xiyàa̱ kui xota̱ tji̱e̱e̱, ko̱jo xiyàa̱ ngaꞌniú xí tjiín kui xota̱ xi kji̱e̱ tsenjiín.

Éksondo̱ 10:2

Bo̱a̱ tsꞌén ka̱ma kꞌuiyée̱ ndíi̱ ko̱jo ndíndée̱ ngayeje ni xi katsꞌenjo̱ an xota̱ Ejiptoo̱, ko̱jo kótsꞌèn nga tsajnókie an, tsi̱ꞌe̱ nga sku̱i̱e̱ nga án boá xi Nee̱ xota̱ Israee̱l».

Éksondo̱ 23:13

»Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Énkjínkón 1:8

Ji ndí, tasínijìi̱n nga sa̱ꞌínchji̱ni̱e̱e̱ na̱ꞌmíi̱, kó ngata̱ niꞌínchꞌíjín ji ni xi ko̱kóyaá na̱áa̱n.

Énkjínkón 23:26

Ji xi̱ꞌin, an ti̱ꞌinkꞌasꞌinní ini̱ma̱a̱, kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.

Énkjínkón 3:21

Ji ndí ti̱ꞌinkjatjosén ji kjo̱a̱kitii̱, kó nda má ndaꞌyé ji kjo̱a̱botíxomaa̱, ngatsjéni̱xtjin tjajintakín ji kui nii̱,

Énkjínkón 7:1

Ji ndí, ndaꞌyéꞌín ni xi tꞌíxiaán, kó xikoó tsi ngo ti̱jìto̱n ngatamaa̱ kjo̱a̱botíxomana.

Rkaa̱ 8:18

Tsitsíjenjnúu̱ kótsꞌèn ndaꞌyájnú, ngatꞌa̱ xi ntꞌié ni xi bokoyá an, tsie ngase ko̱e̱ꞌeé nga ka̱makjiín, ta̱nga xi ntꞌiéjín, chja̱ꞌáxiín ngaskande ni chií xi tsꞌénkjó nga makjiín.

Xota̱ Éfeso̱ 6:4

Kó jún xi xi xchájnú, ngata̱ niꞌánxtindajínjnú ndíjnú, ta̱sá nda ti̱ꞌanchji̱ni̱e̱jnú, ko̱jo ndókjo̱a̱jojnú nga si̱ꞌanxchájnú xikótsꞌèn mejeén Ndi̱a̱ná.

Ndeuteronomio̱ 12:1

Sꞌe̱ jaskan Moisee̱ bi̱ katsoó xota̱ na̱xi̱ńdaá: «Ngije ki̱a̱ tindyiónjnú kui tꞌanangi xi Néná katsóyàtjónjnú nga tsja̱ajnú, chjiéngá ngatsjéni̱xtjin si̱ꞌankjatjosónjnú kui kjo̱a̱botíxoma xi̱ꞌbi̱:

Ndeuteronomio̱ 29:29

»Tjín ni xi tjiꞌmaá Néná, kó ta̱kuítsí xi be mí nii̱ bo̱a̱, ta̱nga ñá katsjáná ngayeje kui kjo̱a̱botíxomaa̱, tsi̱ꞌe̱ nga ñá ko̱jo xota̱ tji̱e̱ xi jaskan kꞌuiéná sa̱ꞌínkjatjosón ngatsjéni̱xtjin».

Ndeuteronomio̱ 31:19

»Ngije kjuínjo̱ an xota̱ Israee̱l ki̱a̱ tꞌanangi xi kixiyatjóo̱n nga tsjàa̱, skji̱ni̱e̱ nichinie ngaskande nga ka̱ma yiꞌi, ngatꞌa̱ achichí nichinie tjín kuí ngi̱ndiee̱. Kósꞌe̱ kjiꞌá boá nga sa̱ꞌínchíyána, kó ne xi kuijín sa̱ꞌíndikón, kó sa̱ꞌínkjatjosónjín kjo̱a̱ꞌbínda xi kiniꞌán ji ko̱jo an. Kuíni nga mejénna nga ji ko̱jo Josuee̱, si̱ꞌanꞌindojnú ngo só xi an xiyàjnúꞌun kó tsó. Mejénna nga ko̱ko̱yájnúu̱ xota̱ na̱xi̱ńdaá tsi̱ꞌe̱ nga si̱é. Kó bo̱a̱ tsꞌén kjiꞌanga si̱é, kjo̱a̱ꞌátsjiee̱n ngayeje ni xi je atixomáa̱, kó ka̱májín bi̱ ka̱tso̱: “Nde ta̱jmìjín xi yàjne̱ kjo̱a̱a̱ kui nii̱”.

Ndeuteronomio̱ 32:46

Ngi̱chií sájín Moisee̱, bi̱ katsoó xota̱ na̱xi̱ńdaá: «Nda má ti̱ꞌankjójnú kjo̱a̱a̱ ngayeje ni xi je akoyájnúꞌun, kó tatíxomájnúu̱ ndí xíꞌínjnú ko̱jo ndí ínchjínjnú, tsi̱ꞌe̱ nga ku̱i̱ntꞌiéꞌén nga ngo nga ngo kui kjo̱a̱botíxomaa̱.

Ndeuteronomio̱ 4:10

»Kjiꞌanga kixindyionjnú na̱xi̱ Oree̱b, Néná boá xi bo̱a̱ katsóna nga ngindyi̱ko̱n kui kꞌuitikójnúꞌun, ngatꞌa̱ kamámejeén nga ku̱i̱chji̱a̱jojnú ko̱jo nga ko̱kóyájnú nga ngatsjéni̱xtjin ko̱nda̱ꞌyáꞌénjnúu̱, tsi̱ꞌe̱ nga ti̱ bo̱a̱ ti̱ tsꞌén jún ko̱ko̱yájnúu̱ ndíjnú.

Ndeuteronomio̱ 4:15

»Ni̱xtjin kjiꞌanga Néná tsíchji̱a̱jojnú ki̱a̱ na̱xi̱ Oree̱b, ki̱a̱ ngi̱jii̱n ndiꞌií, jmí a̱si̱én kamáyàjínjnú. Kuíni nga ngata̱ niꞌándajínjnú a̱si̱én xí ne kꞌuínjnúu̱, tsi tsi̱ꞌe̱ xi xi̱ꞌin ko̱jo tsi tsi̱ꞌe̱ xi ínchjín, ko̱jo tsi tsi̱ꞌe̱ cho̱, ko̱jo tsi tsi̱ꞌe̱ cho̱ xi tjiín tsja̱nga̱, ko̱jo tsi tsi̱ꞌe̱ cho̱ xi ꞌbifé yojoo̱, ko̱jo tsi tsi̱ꞌe̱ tji̱o̱.

Ndeuteronomio̱ 4:23

Ta̱nga chónjnú yojojnú, kó ngata̱ niꞌánchíyájínjnú kui ni xi je índajo̱jnú Néná jún. Ti̱ꞌankjatjosónjnú ni xi atíxoma Néná, kó ngata̱ niꞌándikónjínjnú ngo ni xi ne kꞌuínjnúu̱,

Ndeuteronomio̱ 6:12

Ta̱nga ngata̱ niꞌánchíyájínjnú nga Néná boá xi tsꞌaxiéjnú nangi Ejipto̱, kó nga kuí boá xi katsꞌéndéjnú nínga moso̱ kamájnú.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Ndeuteronomio̱ 6:20

»Nga kjo̱chó ni̱xtjin kjiꞌanga ko̱síyájnú ndíjnú mí ni xi mejeén tsó ngayeje kui kjo̱a̱bokoyá xi katsjáná Néná,

Ndeuteronomio̱ 6:7

kó ta̱jmì chi̱bo̱a̱ní nga ndókjo̱e̱je ndíi̱, ko̱jo ta̱jñà ngi̱ndiení, xikoó: kjiꞌanga tindyin ji ndiꞌàa̱, ko̱jo tsi nga ngi̱ya ndi̱yà tsꞌentje̱, ko̱jo nga ku̱i̱stji̱n, ko̱jo nga tsjajní.

Ndeuteronomio̱ 8:11

»Ngata̱ niꞌánchíyájínjnú Nejnú. Ti̱ꞌankjatjosónjnú ngayeje kjo̱a̱botíxomaa̱ kui xi tjítsꞌenkꞌasꞌiénjnúꞌun ngotꞌe̱.

Xota̱ Ebreo̱ 2:1

Kuíni nga chjiéngá si̱ꞌansée̱n kuí én xí je kandaꞌyá, tsi̱ꞌe̱ nga kje̱ꞌejín ndi̱yà kongín.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.

Xo̱jo̱o̱n Sandiyaá 2:22

A ye ꞌne̱ nga Abraa̱n, ndse̱je̱n nijan akó kjo̱a̱sꞌijin, ko̱jo ni xi niꞌaán, kó ta̱ngatꞌanii̱ ni xi katsꞌén nga kjo̱a̱sꞌijii̱n kamá ni xi chjiéngá ka̱ma kui, kuí nii̱ xi kjo̱a̱sꞌijin xi ja̱koxi̱i̱.

Ni xi akakoo̱ 3:3

ngatjaꞌátsjiee̱n, kui kjo̱a̱bokoyá xi je katseꞌeé, ko̱jo ni xi je kandaꞌyé ji, ti̱ꞌinkjatjosén ji, kó ti̱ꞌinkꞌoyé ji yojòo̱. Tsi tsjáfé ji, tsá kjuínkoón jí, xikoó ngo chejé, kó nde xchi̱e̱jín ji chi̱bo̱a̱ nga kjóchó an.