Ndeuteronomio̱ 4:40 - Xo̱jo̱n eén Néná

⁴⁰ Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 4:40 ပူးပေါင်းရင်းမြစ်များ

Xo̱jo̱n Salmoo̱ 105:45

Ta̱nga Néná íjñaá nga sa̱ꞌínkjatjosón ngo ni, nga chjiéngá sku̱i̱e̱ndikón, ko̱jo nga sa̱ꞌínkjatjosón kjo̱a̱botíxomaa̱ ko̱jo kjo̱a̱kitii̱. ¡Si̱ꞌantsjàa̱ Néná!

Éksondo̱ 20:12

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú kui na̱xi̱ńdá xi an tsjajnúꞌun.

Éksondo̱ 23:26

ti̱nde tsjandièjín an nga kjindí ko̱yàjnú. Ngayeje ínchjín Israee̱l ka̱ma kꞌuieé ndí, kó nda stse̱n ngayeje ndií.

Eklesiastee̱ 8:12

Ndatsi xota̱jeé úchán ndi̱yà sa̱ꞌín ni xi ndajín, kó ndatsi tsie ka̱maa̱ nga kꞌuíndo nga̱sondie, ta̱nga jè be an nga nda ko̱e̱je̱e̱ xota̱ xi bendikón ko̱jo xi tsꞌéndíkón Néná,

Lebitiko̱ 22:31

»Jún xota̱ Israee̱l, ti̱ꞌankjatjosónjnú kjo̱a̱botíxomana, kó ngata̱ chꞌójín ꞌmíjnúu̱ jaꞌénna, ngatꞌa̱ ndikón boá, kó chjiéngá ko̱kójnú ngayejejnú nga yandikónjnúꞌun. Án boá xi Nee̱ xota̱ Israee̱l, kui xi tsꞌaxiéjnú nangi Ejipto̱, tsi̱ꞌe̱ nga xota̱ na̱xi̱ńdá xi kje̱ꞌe kón ka̱majnú, kó jmí tsi xikoó xi ngasee̱ katsꞌenjnúꞌun».

Xki̱ 10:29

Moisee̱ bi̱ katsoó Obaa̱b, nda̱ xi xkjín, kui xi ndií Reuee̱l, nda̱ xi chji̱a̱ni nangi Mandiaa̱n: —Nangi xi Néná tsja̱ajne̱ ki̱a̱ ndyi̱mongínjne̱. Ja̱bíꞌi̱n, kó tꞌenje̱jne̱. Nda si̱ꞌanjo̱jne̱ ji, xikótsꞌèn Néná je bo̱a̱ katsó nga nda sa̱ꞌínjo̱jne̱ ji̱n.

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Xota̱ Éfeso̱ 6:3

tsi̱ꞌe̱ nga nda tsꞌén ku̱i̱ndyin ji, kó tsie ka̱maa̱ nga ku̱i̱ndyin ji kui nga̱sondiee̱.”

Ndeuteronomio̱ 11:9

Tsi bo̱a̱ si̱ꞌánjnú, kjín nó ka̱majnú nga ku̱i̱ndyionjnú kui tꞌanangi xi Néná je katsóyàtjónjnú nga tsja̱ajnú. ¡Achichí nda kui tꞌanangii̱ nga ngatsjéni̱xtjin tjín nichinie!

Ndeuteronomio̱ 12:28

»Nda má tasiénijónjnú ngayeje ni xi je kixianjnúꞌun. Tsi mejénjnú nga nda ku̱i̱ndyionjnú jún ko̱jo xota̱ tji̱e̱jnú, ndaꞌyáꞌénjnúu̱ Néná, kó ti̱ꞌánjnú ngayeje ni nda xi je atíxomájnú kuí».

Ndeuteronomio̱ 22:7

Ngatsjandieè nga ko̱e̱je̱ na̱aa̱n, ta̱nga ka̱má nga kjíbé ndií. Bo̱a̱ ti̱ꞌánjnú, kó kjín nó tsjatsꞌèn ku̱i̱ndyionjnú.

Ndeuteronomio̱ 32:47

Ja̱koxi̱ boá ni xi tꞌíxiánjnúꞌun. Tsi si̱ꞌankjatjosónjnú, achichí kjín nó ka̱majnú ki̱a̱ tꞌanangi xi ngotꞌe̱ je si̱ꞌánjnú nga ku̱i̱xkántjéjnú, kui xi tikón xi ingoboaá ndejèꞌ Jorndaa̱n».

Ndeuteronomio̱ 33:25

Tji̱e̱nga tjínjnú kjo̱a̱mindyion, jún boá xi ngo xota̱ na̱xi̱ńdá xi achichí ꞌniú ka̱majnú, kó kꞌuiéjnú na̱xi̱ńdáꞌniú xi ta̱nisién nda tjíchjáꞌyá».

Ndeuteronomio̱ 4:1

Bi̱ katsó ngase Moisee̱: «Jún xota̱ Israee̱l tangíntji̱ngíjnú kui kjo̱a̱bokoyá xi je katsjajnúꞌun, tsi̱ꞌe̱ nga ki̱a̱ ku̱i̱ndyionjnú, kó ti̱ꞌankjiénjnú kui nangi xi tsja̱ajnú kui Ne xi tsi̱ꞌe̱ xota̱ xi xchájnú.

Ndeuteronomio̱ 4:2

Ngata̱ bosíkjojínjnúu̱ kui kjo̱a̱botíxoma xi Néná katsjána tsi̱ꞌe̱ nga jún tsjajnúꞌun, ta̱sá ndaꞌyáꞌénjnúu̱.

Ndeuteronomio̱ 4:5

»Néná boá xi je katsjákjo̱a̱na nga kokoyájnúꞌun ngayeje kjo̱a̱botíxomaa̱, tsi̱ꞌe̱ nga ko̱nda̱ꞌyáꞌénjnú ki̱a̱ nangi nínga ku̱i̱ndyionjnú. Kó bo̱a̱ tsꞌén kjiꞌanga xota̱ na̱xi̱ńdá xí ngasee̱ ku̱i̱ntꞌiè kuí kjo̱a̱botíxomaa̱, bo̱a̱ ka̱tso̱ nga jún boá ngo xtín xota̱ na̱xi̱ńdá xí je, xi chji̱ni̱e̱, ko̱jo xi tjiín kjo̱a̱kjíntakón, ngatꞌa̱ tjínjnú ngo kjo̱a̱bokoyá xi nda, kó májnú ndaꞌyáꞌénjnúu̱ kui kjo̱a̱bokoyaá.

Ndeuteronomio̱ 5:10

ta̱nga achichí nda tsꞌenjo̱ an ngayeje xota̱ tji̱e̱e̱ xota̱ xi tsꞌéntjóna, ko̱jo xi ndyi̱tsꞌènkjátjosón kjo̱a̱botíxomana.

Ndeuteronomio̱ 5:16

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga nda ku̱i̱ndyionjnú, kó kjín nó ka̱majnú nga ku̱i̱ndyionjnú kui na̱xi̱ńdá xí an tsjajnúꞌun.

Ndeuteronomio̱ 5:29

Achichíra̱ ndakjiꞌi tsi jmíni̱xtjin ko̱síkjo ni xi ndyi̱tsó, kó nga ngatsjéni̱xtjin nga ngatsꞌéndíkónna ko̱jo ngatsꞌénkjátjosón kjo̱a̱botíxomana. Kó bo̱a̱ tsꞌén nga kui ko̱jo xota̱ tji̱e̱e̱ nda kꞌuíndo.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ndeuteronomio̱ 6:18

Tsi ni xi nda ko̱jo ni xi kixi̱ si̱ꞌánjnú, achichí tsjá ka̱maa̱ Néná. Kó kuí boá xi sa̱ꞌín nga nda ku̱i̱ndyionjnú ki̱a̱ tꞌanangi nda xi katsóyàtjoón xota̱ xi xchájnú nga tsja̱á.

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.