Ndeuteronomio̱ 4:31 - Xo̱jo̱n eén Néná

³¹ Néná ku̱i̱ꞌíjñámasienjínjnú, ti̱nde sa̱ꞌínkjiéjínjnú, ngatꞌa̱ achichí tjoó jún. Néná jmíni̱xtjin xchi̱yaa̱ ni xi índajo̱ xota̱ xi xchájnú, ngatꞌa̱ jè bo̱a̱ katsó nga sa̱ꞌínkjatjosón kui nii̱.

Ndeuteronomio̱ 4:31 ပူးပေါင်းရင်းမြစ်များ

Xo̱jo̱n Salmoo̱ 103:8

Néna achichí nda ko̱jo ndaxota̱ tsꞌénjo̱na, jmí tsi ta̱xkiya tsꞌénxchán, kó achichí tsie kjo̱a̱tjó tjiín.

Xo̱jo̱n Salmoo̱ 105:8

Kji̱e̱ chíyájiín kjo̱a̱ꞌbínda, ko̱jo ni xi katsóyàtjón nga sa̱ꞌín.

Xo̱jo̱n Salmoo̱ 111:4

Néná achichí tjó ko̱jo ndaxota̱ tsꞌénjo̱ná ñá, kó kuí boá xi tsꞌén nga ngatsjéni̱xtjin si̱ꞌankjaꞌátsjien ni xi fíndikónná xí tsꞌén.

Xo̱jo̱n Salmoo̱ 111:5

Néná tsjaá nichinie kui xota̱ na̱xi̱ńdá xí tsꞌéntsjaà kui, kó jmíni̱xtjin chíyaá ni xi índajo̱.

Xo̱jo̱n Salmoo̱ 111:9

Néná boá xi katsꞌéndé xota̱ na̱xi̱ńdaá, kó bo̱a̱ tsꞌén katsjá tsꞌoa nga ngatsjéni̱xtjin sa̱ꞌínkjatjosón ni xi índajo̱. ¡Achichí ngaꞌniú tjiín Nee̱ xota̱ Israee̱l, tsjie kuí Néná xí ngototoo̱!

Xo̱jo̱n Salmoo̱ 116:5

Kixi̱ boá Néna, kó tjiín kjo̱a̱chiyákjo̱a̱, kuí boá ngo Ne xi mejeén ñá ko̱jo xi tjoó ñá,

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Lebitiko̱ 26:42

»Án boá xi sa̱ꞌinkjatjosón an ni xi kixiyatjóo̱n Abraa̱n, ko̱jo Isaa̱, ko̱jo Jakoo̱b, kó sa̱ꞌinchikonñé an tꞌanangi xi je kixian an nga tsjajnúꞌun,

Lebitiko̱ 26:44

Kó ndatsi ngo na̱xi̱ńdá xi tsi̱ꞌe̱ kondra̱jnú ku̱i̱ndyionjnú, jmí tsi sa̱ꞌinkjié kjin kjinjnúꞌun. Ki̱a̱jín kjin fochó kjo̱a̱xchánna. Án boá xi Nee̱ xota̱ Israee̱l, kó sa̱ꞌintja̱tsi̱e̱ya nginí an ni xi indajo̱ an xota̱ xi xchájnú, kjiꞌanga tsꞌaxié an nangi Ejipto̱, tsi̱ꞌe̱ nga an kamá an Nee̱. ¡Kui nii̱ xi kamábe ngayeje xota̱ na̱xi̱ńdaá!»

Jonaa̱ 4:2

Kó achichí xtií nga bi̱ katsoó Néná: —¡Ja̱ bo̱a̱ jè bo̱a̱ kixian an Ne, ja̱bo̱a̱ jè bo̱a̱ kixian an! Bo̱a̱ má kiniꞌín ji ni xi katsꞌenkjó án nga si̱ꞌin ji nga kisꞌijña an nangina. Kuíni nga kamámejénna nga kjinnii̱ nínga tindyin ji tsanga an. »Jè be an nga achichí nda ji xota̱ Ne, nga ma ni̱ma̱a̱ ngayeje xotaa̱, ko̱jo nga achichí niꞌin kjiꞌi nga si̱ꞌinxchín jí. Achichí tsie kjo̱a̱tjó tjiín, nga kjiꞌanga sa̱ꞌinjée̱ xotaa̱ se ji, jaskan bosíkje nginí ji ni xi kandokjo̱e̱, kó bo̱a̱jín niꞌínje̱ ji ngijee̱.

Xki̱ 14:18

nga achichí kjo̱a̱tjó tjiín ko̱jo nga tsie kjo̱a̱chiyákón tjiín, kó nga kuíni nga niꞌínjetakíi̱n xota̱jeé. Jí boá xi je bo̱a̱ kase ji nga niꞌínjée̱ ndií, ko̱jo ndíndee̱, ko̱jo ndínde xi ma joó, ta̱ngatꞌanii̱ ni xi ndajín xi katsꞌén xi xchaá.

Rkaa̱ 1:72

tsi̱ꞌe̱ nga ni̱ma̱ ka̱maa̱ xota̱ tji̱e̱ xcháná, ko̱jo nga kjo̱a̱ꞌátsjiee̱n ni nda xi índajo̱.

Ndeuteronomio̱ 31:6

Chjiéngá ꞌniú ko̱jo chꞌokon ngatamajnú, ngatꞌa̱ Néná boá xi skja̱n ngajojnú, ngata̱ ndakonjínmájnúu̱ kui xota̱ na̱xi̱ńdaá, ngatꞌa̱ Néná jmíni̱xtjin ku̱i̱ꞌíjñámasienjnú».

Ndeuteronomio̱ 31:8

Ti̱ kuíní Néná xí ko̱e̱je̱tjoón, kó kuí boá xi ko̱síko̱joo̱ ngayeje ni xi si̱ꞌin ji, jmíni̱xtjin ku̱i̱ꞌíjñámasiee̱n. ¡Ngata̱ ndakinjín má, ꞌna̱xié ji kjo̱a̱tsiendikóo̱n!»

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.