Ndeuteronomio̱ 4:24 - Xo̱jo̱n eén Néná

²⁴ ngatꞌa̱ Néná achichí chi̱ni̱, kó tsi ko̱tíjéjnú, ka̱márií nga ndiꞌí sa̱ꞌínkjiénijnú.

Ndeuteronomio̱ 4:24 ပူးပေါင်းရင်းမြစ်များ

Xo̱jo̱n Salmoo̱ 21:9

Ngo orjno̱ xi tjítíngá má si̱ꞌin ji, kjiꞌanga kjo̱chó ni̱xtjin nga si̱ꞌinxchín jí. Néná sa̱ꞌínkjié kjiꞌanga sa̱ꞌínxchán, kó ndiꞌí ku̱i̱ꞌítíni.

Xo̱jo̱n Salmoo̱ 78:58

Katsꞌénxtií Néná kjo̱a̱a̱ ngi̱ndie xi ꞌniú nkꞌa xi katsꞌénda, kó katsꞌénchi̱ni̱ Néná kjo̱a̱a̱ kui a̱si̱én xí yá kamándani xi ne katsoó,

Éksondo̱ 15:7

ngaꞌniú boá xi tsꞌatójó kui xotaa̱, kó nga kiniꞌínxchín jí, ikꞌítí ji xikoó xka̱ kixií.

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Éksondo̱ 34:14

»Ngata̱ niꞌándikónjínjnú kje̱ꞌe ne, ngatꞌa̱ an boá ngo Ne xi achichí chi̱ni̱.

Xki̱ 25:11

«Finee̱ xikónií an, ngatꞌa̱ tsjandièjín nga kje̱ꞌe ne si̱ꞌandikón ngajona. Kuíni nga kamánii̱ nga katsꞌénkjaꞌajinda kjo̱a̱xchánna, ko̱jo nga ngiti̱ katsꞌenjéjáa̱n xota̱ Israee̱l.

1 Xota̱ Korinto̱ 10:22

Axa̱ mejénná nga si̱ꞌanchi̱ni̱ Ndi̱a̱ná. A tjín ngasená ngaꞌniú ta̱bo̱a̱jiín kui.

Ndeuteronomio̱ 29:20

ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!

Ndeuteronomio̱ 32:16

Katsꞌénxtií Néná, kó Néná kamáchi̱ni̱, nga katsꞌéntsjaà ne xi kuijín, ¡ne xi tsꞌénda xotaa̱, xi ata̱ chꞌokoón, kui xi nde xota̱ xi xchaá kamábejín ꞌyání bo̱a̱! Kó ti̱ kuí xí katsꞌénkꞌasꞌiennii̱ kjo̱a̱tjó kui nee̱ ko̱jo kui xindajiín.

Ndeuteronomio̱ 5:9

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Ndeuteronomio̱ 6:15

Néná, kuí boá xi Nee̱ xota̱ Israee̱l, kó ngatsjéni̱xtjin kꞌuijñájo̱jnú. Ta̱nga ngata̱ chjátꞌayákónjínjnú, xikó katsꞌén xotaa̱ ki̱a̱ nangi Masaa̱. Néná achichí chi̱ni̱, kó tsi jún kje̱ꞌe ne si̱ꞌandikónjnú, achichí ꞌniú sa̱ꞌínxchán nga ngaskande sa̱ꞌínkjié ndo̱jò ndójo̱jnú.

Ndeuteronomio̱ 9:3

Ta̱nga jún jè yàjnú nga Néná boá xi tsꞌénfítjónná. Kó ngaꞌniuú, kuí boá xi xikoó ngo ndiꞌí xí tsꞌenkjiéná, kó kuí nii̱ xi sa̱ꞌínkjién ko̱jo nga ni̱ma̱kjo̱a̱ ku̱i̱ꞌíndoni kui xota̱ xi ta̱nisién yiꞌi ko̱jo xi ta̱nisién nkꞌaá. Ta̱ngatꞌanii̱ ngaꞌniuú Néná nga jún, ka̱ma si̱ꞌánjnúu̱ nga ku̱i̱xkánjo̱jnú kui xotaa̱, kó tji̱e̱nmá ku̱i̱yotjingíjnúu̱, xikó má katsó Néná nga katsóyàtjónjnú.

Xota̱ Ebreo̱ 12:29

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.