Ndeuteronomio̱ 4:23 - Xo̱jo̱n eén Néná

²³ Ta̱nga chónjnú yojojnú, kó ngata̱ niꞌánchíyájínjnú kui ni xi je índajo̱jnú Néná jún. Ti̱ꞌankjatjosónjnú ni xi atíxoma Néná, kó ngata̱ niꞌándikónjínjnú ngo ni xi ne kꞌuínjnúu̱,

Ndeuteronomio̱ 4:23 ပူးပေါင်းရင်းမြစ်များ

Éksondo̱ 23:13

»Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Xki̱ 15:39

Kó bo̱a̱ tsꞌén nga kjiꞌanga sku̱i̱e̱ kui ńchjoón, kjo̱a̱ꞌátsjiee̱n nga chjiéngá ku̱i̱ntꞌiéꞌén ngayeje ni xi je kixiáa̱n. Bo̱a̱ tsí tsꞌén nga ku̱i̱ntꞌiéꞌénna, kó ki̱a̱jín ko̱e̱je̱tji̱ngi ni xi mejeén kui nga sa̱ꞌín, ti̱nde ki̱a̱jín ko̱e̱je̱tji̱ngi ni xi tsꞌénkjó tsi̱ꞌe̱ nga sa̱ꞌínkjinna yojoo̱.

Matioo̱ 24:4

Kó bi̱ katsó Kjisoo̱: –Chónjnú nga jmíjín xi kꞌo̱ṉcha̱jojnú.

Rkaa̱ 12:15

Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

Rkaa̱ 21:8

Kósꞌe̱ Kjisoo̱, bi̱ katsó: –Tsitsíjenjnúu̱ nga jmíjín xi kꞌo̱ṉcha̱jojnú, ngatꞌa̱ achichí má xota̱ xi kjo̱e̱ꞌe ngajona xi bi̱ ka̱tso̱: “Án boá xi Kristoo̱”, ko̱jo bi̱ ka̱tso̱: “Jè kjimatiña ni̱xtjii̱n”, ta̱nga nga kuijín xi mongíntjíngíjnú.

Ndeuteronomio̱ 27:9

Sꞌe̱ jaskan Moisee̱ ti̱ kijí nginí ngindyi̱ko̱n xota̱ na̱xi̱ńdaá, nga tsoꞌbájo̱ chináꞌmii̱, kó bi̱ katsoó xota̱ Israee̱l: «¡Xió ti̱ndyiónjnú, ngo kjo̱a̱nda! ¡Mejénna nga ko̱si̱e̱nnijónjnúꞌun ngotjón! Ngotꞌe̱ ꞌne̱ jè xota̱ na̱xi̱ńdaá Néná je kamájnú jún.

Ndeuteronomio̱ 29:25

Kó tjín xí bi̱ ka̱tso̱: “Nee̱ kui xotaa̱ katsꞌéndé nga kisꞌińdo nangi Ejipto̱, ta̱nga tsintꞌiéꞌénjín ni xi akatíxomaa̱ kjo̱a̱a̱ kui ni xi índajo̱ Néná ko̱jo kui xotaa̱.

Ndeuteronomio̱ 4:25

»Ngije tindyiónjnú kui tꞌanangii̱, kó ngije kꞌuiéjnú ndí ko̱jo ndínde, ngata̱ niꞌándajínjnú ngo ni xi ne kꞌuínjnúu̱, ti̱nde ngata̱ niꞌándikónjínjnú. Tsi bo̱a̱ si̱ꞌánjnú, ngo jé xí ta̱nisién ndikón xí ndyi̱niꞌánjnú, kó kuí nii̱ xi sa̱ꞌín nga sa̱ꞌínxchán Néná.

Ndeuteronomio̱ 4:9

Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Ndeuteronomio̱ 5:2

Ndi̱a̱ná kui xi Néná ngo ni índajo̱ná ki̱a̱ na̱xi̱ Oree̱b.

Ndeuteronomio̱ 6:12

Ta̱nga ngata̱ niꞌánchíyájínjnú nga Néná boá xi tsꞌaxiéjnú nangi Ejipto̱, kó nga kuí boá xi katsꞌéndéjnú nínga moso̱ kamájnú.

Xota̱ Ebreo̱ 3:12

Chónjnú yojojnú ntsꞌie, nga ngojín jún xi ꞌbeé ngo ini̱ma̱ xi ta̱nisién ndajín, ko̱jo tsi sꞌijinjiín tsi̱ꞌe̱ nga xín si̱ꞌankjaꞌájnúu̱ yojojnú kui Néná xí tikoón.