Ndeuteronomio̱ 4:21 - Xo̱jo̱n eén Néná

²¹ Ta̱nga ta̱ngatꞌanii̱ jún nga Néná an katsꞌénxchánjo̱na, kó katsóyàtjónna nga tsja̱ndièjínna nga kjo̱a̱ꞌatio an ndejèꞌ Jorndaa̱n. Kuíni nga an kꞌosꞌi̱e̱njín an kui tꞌanangi nda xi Néná tsja̱ajnú jún.

Ndeuteronomio̱ 4:21 ပူးပေါင်းရင်းမြစ်များ

Xki̱ 20:12

Ta̱nga Néná bi̱ katsoó Moisee̱ ko̱jo Aaroo̱n: «Jún kisꞌijinjínjnú an, ti̱nde kiniꞌándikónjínjnúꞌun ngindyi̱ko̱n xota̱ Israee̱l. Kuíni nga ki̱a̱jín nijan ku̱i̱tjásꞌi̱e̱njojnú kui xotaa̱ tꞌanangi xi an tsjàa̱».

Ndeuteronomio̱ 1:37

»Ta̱ngatꞌanii̱ jún nga Néná ko̱jo an katsꞌénxchánjo̱na, kó bi̱ katsóna: “Ti̱nde ji ku̱i̱tjásꞌi̱njín ji kui tꞌanangii̱ nga.

Ndeuteronomio̱ 19:3

kó ti̱ꞌandayajnú ndi̱yà xí fóchóni kui ngi̱ndiee̱. »Sꞌe̱ jaskan ján tjín takjangàjnú kui na̱xi̱ńdaá, ngo xki̱ na̱xi̱ńdáꞌniú. Kó bo̱a̱ tsꞌén nga tsi ngo xota̱ xi jmí tsi xá katsꞌénni nga katsꞌénkꞌién kje̱ꞌe xota̱, ka̱ma ki̱a̱ ko̱e̱je̱kꞌíjñá ta̱jñàní nga ján kui na̱xi̱ńdaá. Ja̱koxi̱ra̱ nga xkjín kuí xi kiniꞌánkꞌieén ko̱ngase kui xi bo̱a̱ katsꞌeén tsi̱ꞌe̱ nga sa̱ꞌíngojo, ta̱nga kui xi bo̱a̱ katsꞌeén chjiéngá ko̱kó nga jmí tsi kondra̱ kamánii̱ kui xi katsꞌénkꞌieén, kó nga ta̱ xá kamájín kui nii̱.

Ndeuteronomio̱ 21:23

ka̱májín ki̱a̱ kjuiénboáꞌáni yaá nga ngo ni̱xtji̱e̱e̱n, chjiéngá ti̱ kuii̱ ni̱xtjin kjónijín. Ngayeje xota̱ xi ngo yá kjuiénboáꞌáni nga si̱ꞌankꞌien, ndajín ngindyi̱ko̱n Néná. Tsi ko̱ꞌne̱je̱ngíjín kui yaá, Néná ni xi ndajín sa̱ꞌínjo̱ ngayeje kui na̱xi̱ńdaá. Kuíni nga niꞌánndándíjínjnú na̱xi̱ńdá xí tsja̱ajnú Néná.

Ndeuteronomio̱ 24:4

ka̱májín ku̱i̱xanjo̱ nginí xi̱ꞌin xi tjoón. Ngiti̱ ka̱májín ku̱i̱xanjo̱, ngatꞌa̱ kui xota̱chjo̱on kje̱ꞌe xíꞌín je kisꞌiejo̱, kó tsi ku̱i̱xanjo̱ nginí xkjín, achichí sa̱ꞌínxchán Néná. Ka̱májín si̱ꞌandándí tꞌanangi xi Néná je katsjáná».

Ndeuteronomio̱ 26:1

Moisee̱ bi̱ katsó ngasee̱ xota̱ na̱xi̱ńdaá: «Ngije tindyiónjnú ki̱a̱ tꞌanangi xi Néná tsja̱ajnú,

Ndeuteronomio̱ 3:26

»Ta̱nga ta̱ngatꞌanii̱ jún nga Néná katsꞌénxchánjo̱na, kó katsjandièjínna nga kjo̱a̱ꞌatio an ndejeèꞌ. Ta̱sá ngiti̱ katsjandièjínna nga kuichjiájo ngase an. Ta̱kuítsí ni xi katsjandièna nga kijínijíngí an ngaskande nínga ꞌniú nkꞌaá na̱xi̱ Pisgaa̱, tsi̱ꞌe̱ nga ki̱a̱ skuie an ngayeje kui nangii̱.

Ndeuteronomio̱ 31:2

«Jè úchán ko̱jo kan nó tjínna, kó ngiti̱ ka̱májín nga to̱kó an xi ka̱ma an ngito̱ko̱o̱ xota̱ Israee̱l. Kó ingo ni ngase, Néná tsja̱ndièjínna nga kjo̱a̱ꞌatio an ndejèꞌ Jorndaa̱n.