Ndeuteronomio̱ 4:15 - Xo̱jo̱n eén Néná

^15-18 »Ni̱xtjin kjiꞌanga Néná tsíchji̱a̱jojnú ki̱a̱ na̱xi̱ Oree̱b, ki̱a̱ ngi̱jii̱n ndiꞌií, jmí a̱si̱én kamáyàjínjnú. Kuíni nga ngata̱ niꞌándajínjnú a̱si̱én xí ne kꞌuínjnúu̱, tsi tsi̱ꞌe̱ xi xi̱ꞌin ko̱jo tsi tsi̱ꞌe̱ xi ínchjín, ko̱jo tsi tsi̱ꞌe̱ cho̱, ko̱jo tsi tsi̱ꞌe̱ cho̱ xi tjiín tsja̱nga̱, ko̱jo tsi tsi̱ꞌe̱ cho̱ xi ꞌbifé yojoo̱, ko̱jo tsi tsi̱ꞌe̱ tji̱o̱.

Ndeuteronomio̱ 4:15 ပူးပေါင်းရင်းမြစ်များ

Xo̱jo̱n Salmoo̱ 119:9

Ta̱ ngototo kjiꞌanga sa̱ꞌínkjatjosón ni xi tsó ée̱n, nga já ko̱jo ínchjín xo̱ngo̱ò ka̱maa̱ sa̱ꞌíndaya xikótsꞌèn tjíndo.

Éksondo̱ 19:1

Xota̱ Israee̱l jatjoni nangi Refindii̱n sꞌe̱ kijí xtji̱e̱e̱n nangi kixií na̱xi̱ Sinaii̱, kó ki̱a̱ kisꞌińdotꞌa se na̱xi̱i̱. Nga jachó kui ngi̱ndiee̱, jè ján sá jaꞌa nga jatjoni nangi Ejipto̱.

Éksondo̱ 20:4

»Ngata̱ niꞌándajínjnú a̱sie̱én ngo ne, ko̱jo tsi ngo ni xi bo̱a̱ má kjiꞌi xikoó ni xi síndo nkꞌa jàn, ko̱jo tsi xikoó ni xi síndo tꞌanangii̱, ko̱jo tsi xikoó ni xi síndo nínga ꞌniú na̱nga̱a̱ ndáchíkoón.

Énkjínkón 4:23

Kó nga̱soón ngayeje nii̱, chíi̱n ni xi fojin ji ini̱ma̱a̱, ngatꞌa̱ ki̱a̱ boá nínga ndibánií kjo̱a̱mindyioo̱n.

Énkjínkón 4:27

Ngata̱ kje̱ꞌejín ndi̱yà chjábé jí, ti̱nde xtji̱e̱e̱n nga skóo̱n, ti̱nde xtji̱e̱e̱n nga kixi̱i̱, ¡xín ti̱ꞌinkjeꞌèe̱ yojòo̱ ni xi ndajiín!»

Ndeuteronomio̱ 10:4

Kó Néná ki̱a̱ katsꞌénꞌindó nginí nga tie kjo̱a̱botíxomaa̱, sꞌe̱ katsꞌénkꞌasꞌienna kui tie ndi̱jo̱o̱, xikó má katsꞌén nga tjón tjón, kjiꞌanga kamátikójo̱ Néná nga tsíchji̱a̱jonijnú ngi̱jin ndiꞌií.

Ndeuteronomio̱ 4:12

kó ndeskande ngi̱jii̱n kui ndiꞌií Néná tsíchji̱a̱jojnú. Kó jún jmí tsi ngo a̱si̱én xí kamáyàjnú, ta̱ nda̱a̱ Néná tsí xi kandaꞌyájnú.

Ndeuteronomio̱ 4:14

Sꞌe̱ jaskan atíxomana tsi̱ꞌe̱ nga an kokoyájnúꞌun kjo̱a̱botíxoma xi chjiéngá si̱ꞌankjatjosónjnú jún nga ku̱i̱ndyionjnú kui tꞌanangi xi je si̱ꞌankꞌasꞌienjnú.

Ndeuteronomio̱ 4:23

Ta̱nga chónjnú yojojnú, kó ngata̱ niꞌánchíyájínjnú kui ni xi je índajo̱jnú Néná jún. Ti̱ꞌankjatjosónjnú ni xi atíxoma Néná, kó ngata̱ niꞌándikónjínjnú ngo ni xi ne kꞌuínjnúu̱,

Ndeuteronomio̱ 4:9

Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Ndeuteronomio̱ 5:4

Ndi̱a̱ná tsíchji̱a̱jo tíkje̱n tíkje̱njnú ngi̱jii̱n ndiꞌií.

Ndeuteronomio̱ 5:8

Ngata̱ niꞌándajínjnú ngo ne ko̱jo tsi ngo a̱sie̱én ngo ni xi bo̱a̱ má kjiꞌi xikoó ni xi síndo nkꞌa jàn, ko̱jo tsi xikoó ni xi síndo tꞌanangii̱, ko̱jo tsi xikoó ni xi síndo nínga ꞌniú na̱nga̱a̱ ndáchíkoón.

Ndeuteronomio̱ 9:10

»Kjiꞌá boá nga Néná katsꞌénkꞌasꞌienna kjo̱a̱botíxomaa̱, kui xi kuí má xi katsꞌénꞌindó nga jó tie ndi̱jo̱o̱. Ja̱ bo̱a̱ jè bo̱a̱ katsójnú nga tsíchji̱a̱jojnú ngi̱jin ndiꞌií, kuí boá xi katsóyàjnú nga tsja̱ajnú kui kjo̱a̱botíxomaa̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.