Ndeuteronomio̱ 4:10 - Xo̱jo̱n eén Néná

¹⁰ »Kjiꞌanga kixindyionjnú na̱xi̱ Oree̱b, Néná boá xi bo̱a̱ katsóna nga ngindyi̱ko̱n kui kꞌuitikójnúꞌun, ngatꞌa̱ kamámejeén nga ku̱i̱chji̱a̱jojnú ko̱jo nga ko̱kóyájnú nga ngatsjéni̱xtjin ko̱nda̱ꞌyáꞌénjnúu̱, tsi̱ꞌe̱ nga ti̱ bo̱a̱ ti̱ tsꞌén jún ko̱ko̱yájnúu̱ ndíjnú.

Ndeuteronomio̱ 4:10 ပူးပေါင်းရင်းမြစ်များ

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Xo̱jo̱n Salmoo̱ 145:4

Ji̱n boá xi ko̱ndókjo̱a̱jne̱ kjo̱a̱a̱ ngaꞌniúu̱, ko̱jo kjo̱a̱tsjakjiꞌíi̱, ko̱jo kjo̱a̱jèe̱, ko̱jo kjo̱a̱a̱ ni xi fíndikónná xi kiniꞌín ji, achichí sa̱ꞌinkjó án kjo̱a̱a̱ kui nii̱, kó kuí má ndína xi xiyàa̱.

Éksondo̱ 19:1

Xota̱ Israee̱l jatjoni nangi Refindii̱n sꞌe̱ kijí xtji̱e̱e̱n nangi kixií na̱xi̱ Sinaii̱, kó ki̱a̱ kisꞌińdotꞌa se na̱xi̱i̱. Nga jachó kui ngi̱ndiee̱, jè ján sá jaꞌa nga jatjoni nangi Ejipto̱.

Éksondo̱ 19:16

Kó nga kisisie̱èn ni̱xtjin xi ma jaán, nkꞌa jàn kandaꞌyá cho̱ꞌo̱n ko̱jo jaꞌatꞌe, kó ngo ṉdi̱ kisꞌijñajin kui na̱xi̱i̱, kó achichí ꞌniú kandaꞌyá ngo tjio. ¡Ngayeje xota̱ Israee̱l xi kisꞌińdo ndiꞌańjñoo̱ ngaskande jatsié má nga katsakjónní!

Éksondo̱ 20:18

Kó xota̱ Israee̱l ngije tsintꞌieé nga janie cho̱ꞌo̱o̱n ko̱jo nga kandaꞌyá tjioo̱, kó nga kamábe nga jaꞌatꞌe, ko̱jo nga katjo ṉdi̱ kui na̱xi̱i̱, achichí katsakjónní kó ta̱ kjin kixindyia.

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Ndeuteronomio̱ 12:1

Sꞌe̱ jaskan Moisee̱ bi̱ katsoó xota̱ na̱xi̱ńdaá: «Ngije ki̱a̱ tindyiónjnú kui tꞌanangi xi Néná katsóyàtjónjnú nga tsja̱ajnú, chjiéngá ngatsjéni̱xtjin si̱ꞌankjatjosónjnú kui kjo̱a̱botíxoma xi̱ꞌbi̱:

Ndeuteronomio̱ 4:9

Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Ndeuteronomio̱ 5:2

Ndi̱a̱ná kui xi Néná ngo ni índajo̱ná ki̱a̱ na̱xi̱ Oree̱b.

Ndeuteronomio̱ 5:29

Achichíra̱ ndakjiꞌi tsi jmíni̱xtjin ko̱síkjo ni xi ndyi̱tsó, kó nga ngatsjéni̱xtjin nga ngatsꞌéndíkónna ko̱jo ngatsꞌénkjátjosón kjo̱a̱botíxomana. Kó bo̱a̱ tsꞌén nga kui ko̱jo xota̱ tji̱e̱e̱ nda kꞌuíndo.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Ndeuteronomio̱ 6:7

kó ta̱jmì chi̱bo̱a̱ní nga ndókjo̱e̱je ndíi̱, ko̱jo ta̱jñà ngi̱ndiení, xikoó: kjiꞌanga tindyin ji ndiꞌàa̱, ko̱jo tsi nga ngi̱ya ndi̱yà tsꞌentje̱, ko̱jo nga ku̱i̱stji̱n, ko̱jo nga tsjajní.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Ni xi akakoo̱ 19:5

Kó kje̱n nínga tikón xi botixómaá kandaꞌyáni ngo nda̱, xi bi̱ katsó: ¡Ti̱ꞌantsjàjnúu̱ Néná, ngayeje xi mosoo̱, ko̱jo xi bendikón, xi xchá xí kjindí!