Ndeuteronomio̱ 4:1 - Xo̱jo̱n eén Néná

¹ Bi̱ katsó ngase Moisee̱: «Jún xota̱ Israee̱l tangíntji̱ngíjnú kui kjo̱a̱bokoyá xi je katsjajnúꞌun, tsi̱ꞌe̱ nga ki̱a̱ ku̱i̱ndyionjnú, kó ti̱ꞌankjiénjnú kui nangi xi tsja̱ajnú kui Ne xi tsi̱ꞌe̱ xota̱ xi xchájnú.

Ndeuteronomio̱ 4:1 ပူးပေါင်းရင်းမြစ်များ

Xo̱jo̱n Salmoo̱ 105:45

Ta̱nga Néná íjñaá nga sa̱ꞌínkjatjosón ngo ni, nga chjiéngá sku̱i̱e̱ndikón, ko̱jo nga sa̱ꞌínkjatjosón kjo̱a̱botíxomaa̱ ko̱jo kjo̱a̱kitii̱. ¡Si̱ꞌantsjàa̱ Néná!

Xo̱jo̱n Salmoo̱ 119:4

Jí boá xi je akatíxome nga kjo̱a̱botíxomàa̱ si̱ꞌankjatjosón xikó má tsó.

Éksondo̱ 18:20

Takoyèe̱ kui xota̱ na̱xi̱ńdaá kjo̱a̱botíxomaa̱ Néná, kó takèe̱ kótsꞌèn nga nda kꞌuíndo ko̱jo nga sa̱ꞌínkjatjosón kjo̱a̱ꞌniú xí tjiín.

Lebitiko̱ 22:31

»Jún xota̱ Israee̱l, ti̱ꞌankjatjosónjnú kjo̱a̱botíxomana, kó ngata̱ chꞌójín ꞌmíjnúu̱ jaꞌénna, ngatꞌa̱ ndikón boá, kó chjiéngá ko̱kójnú ngayejejnú nga yandikónjnúꞌun. Án boá xi Nee̱ xota̱ Israee̱l, kui xi tsꞌaxiéjnú nangi Ejipto̱, tsi̱ꞌe̱ nga xota̱ na̱xi̱ńdá xi kje̱ꞌe kón ka̱majnú, kó jmí tsi xikoó xi ngasee̱ katsꞌenjnúꞌun».

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Juaa̱ 15:14

Amingo̱na má jún, tsi si̱ꞌánjnú ni xi xian an.

Xota̱ Roma̱ 10:5

Bi̱ tsꞌén ítꞌa Moisee̱ xikótsꞌèn kixi̱ ka̱ma xota̱ xi tsꞌénkjátjosón kjo̱a̱kitii̱: “Xi sa̱ꞌínkjatjosón ni xi kjitꞌa kjo̱a̱kitii̱, kuí nii̱ xi kꞌuíndoni nga̱sondie.”

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 11:1

Kó Moisee̱ bi̱ katsó ngasee̱ xota̱ na̱xi̱ńdaá: «Takójnú nga tjójnú Nejnú kó ti̱ꞌankjatjosónjnú kjo̱a̱botíxomaa̱.

Ndeuteronomio̱ 11:32

chjiéngá si̱ꞌankjatjosónjnú ngayeje kjo̱a̱kiti xi ngotꞌe̱ tsꞌéntsjájnúꞌun».

Ndeuteronomio̱ 13:1

»Tsi ngo xota̱ chji̱ni̱e̱ꞌe̱én Néná kji̱ndi̱bá, kó tsi bo̱a̱ ka̱tso̱jnú nga ngo ni akakoo̱, ko̱jo tsi ngo kjo̱a̱ndikón xí sꞌe̱ ka̱ma ka̱tso̱yàjnú,

Ndeuteronomio̱ 16:20

»Ngatsjéni̱xtjin nga kixi̱ ti̱ꞌanjo̱jnú ngayeje xotaa̱, kó bo̱a̱ tsꞌén nga tsjatsꞌèn ku̱i̱ndyionjnú, kó chjábéjnú na̱xi̱ńdá xí Néná tsja̱ajnú».

Ndeuteronomio̱ 30:16

Tsi tjójnú Néná, kó tsi si̱ꞌankjatjosónjnú kjo̱a̱botíxomaa̱, Néná sa̱ꞌínchikonñéjnú. Achichí kjín nó ka̱majnú ki̱a̱ na̱xi̱ńdá xi si̱ꞌankꞌasꞌienjnú, kó achichí kjín ndí kꞌuiéjnú.

Ndeuteronomio̱ 30:19

»Ndiꞌakꞌajmii̱ ko̱jo tꞌanangii̱ xí chistiko̱ nga ngotꞌe̱ tsꞌéntsjándièjnúꞌun nga chje̱ꞌéjinjnú ni xi mejénjnú, a kjo̱a̱mindyioo̱n, axa̱ kjo̱a̱bo̱yaa̱, a kjo̱a̱niꞌánchikonñeé, axa̱ ni xi ndajiín. An bi̱ xiánjnúꞌun nga jún, ko̱jo ndíjnú ta̱sá kjo̱a̱mindyioo̱n xi chje̱ꞌéjinjnú,

Ndeuteronomio̱ 30:20

kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 4:8

Ti̱nde jmíjín ngo na̱xi̱ńdá xi tjiín kjo̱a̱botíxoma xi kixi̱, xikoó xi jún je kiniꞌánkꞌasꞌienjnú.

Ndeuteronomio̱ 5:1

Moisee̱ ítikó ngayeje xota̱ na̱xi̱ńdá Israee̱l, kó bi̱ katsoó: «Jún xota̱ Israee̱l tasiénijónjnúꞌun ngotjón, ngatꞌa̱ kꞌi̱e̱ tsjajnúꞌun kjo̱a̱kiti ko̱jo kjo̱a̱botíxoma xi chjiéngá nda ka̱majnú ko̱jo xi chjiéngá si̱ꞌankjatjosónjnú xikó tsó.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ndeuteronomio̱ 6:1

Kuí bí kui kjo̱a̱kitii̱ xi Néná atíxomana nga kokoyájnúꞌun, tsi̱ꞌe̱ nga si̱ꞌankjatjosónjnú ki̱a̱ tꞌanangi nínga ku̱i̱ndyionjnú.

Ndeuteronomio̱ 6:24

Kósꞌe̱ atíxomajne̱ nga chjiéngá xcha̱ndikónjne̱ kui ngatsjéni̱xtjin, ko̱jo nga ko̱nda̱ꞌyáꞌénjne̱ kjo̱a̱botíxomaa̱. Kó tsi ko̱nda̱ꞌyáꞌénjne̱ Néná ko̱jo kjo̱a̱botíxomaa̱, kuí boá xi sa̱ꞌín nga nda ku̱i̱ndyionjne̱, kó nga ku̱i̱ndyionrajne̱ nga̱sondie, xikó kjimajne̱ ngaskande ngotꞌe̱”».

Ndeuteronomio̱ 7:11

Kuíni nga chjiéngá ti̱ꞌankjatjosónjnú ngayeje kjo̱a̱botíxomaa̱.

Ndeuteronomio̱ 8:1

Kó Moisee̱ bi̱ katsó ngasee̱ xota̱ na̱xi̱ńdaá: «Chónjnú nga si̱ꞌankjatjosónjnú ngayeje kui kjo̱a̱botíxoma xi tsꞌéntsjájnúꞌun kui ni̱xtjii̱n, tsi̱ꞌe̱ nga ka̱ma ku̱i̱ndyionjnú kui tꞌanangi xi Néná katsóyàtjoón xota̱ xi xchájnú nga tsja̱á. Tsi si̱ꞌankjatjosónjnú, jún tsa̱jún ka̱ma kui tꞌanangii̱, kó achichí ndí kꞌuiéjnú.

Ndeuteronomio̱ 8:11

»Ngata̱ niꞌánchíyájínjnú Nejnú. Ti̱ꞌankjatjosónjnú ngayeje kjo̱a̱botíxomaa̱ kui xi tjítsꞌenkꞌasꞌiénjnúꞌun ngotꞌe̱.

Ndeuteronomio̱ 9:1

Kó Moisee̱ bi̱ katsó ngasee̱ xota̱ na̱xi̱ńdaá: «¡Jún xota̱ Israee̱l, tasiénijónjnúꞌun! Jè tsá ku̱i̱tja̱tiójnú xi ingoboaá ndejèꞌ Jorndaa̱n, kó ku̱i̱yotjingíjnúu̱ ngayeje xota̱ na̱xi̱ńdá xi síndo kui tꞌanangii̱. Kui xotaa̱ kjín ngase ma, ko̱jo ꞌniú ngase ta̱bo̱a̱jiín jún, kó na̱xi̱ńdáꞌniuú achichí yiꞌi, kó xó xí ta̱nisién nkꞌa tjíchjáꞌyáni.