Ndeuteronomio̱ 34:1 - Xo̱jo̱n eén Néná

¹ Ndeskande nangi kixií nangi Moaa̱b kjindibáni Moisee̱ nga kijínijíngí na̱xi̱ Pisgaa̱, sꞌe̱ jachó nínga ꞌniú nkꞌaá na̱xi̱ Neboo̱, kui xi tikón kje̱n na̱xi̱ńdáꞌniú Jerikoo̱. Kó ki̱a̱ boá nínga Néná akoó ngayeje tꞌanangi xi chji̱a̱ni Ngalaa̱nd ko̱jo xi chji̱a̱ni Ndaa̱n.

Ndeuteronomio̱ 34:1 ပူးပေါင်းရင်းမြစ်များ

Jenesii̱s 13:14

Ngije xín kijí Loo̱t, Néná bi̱ katsoó Abra̱n: «Abra̱n, ngotꞌe̱ ꞌne̱ chjanínkꞌé ji kje̱n, kó ki̱a̱ nínga tindyin ji tsitsíjìi̱n xtji̱e̱e̱n ta̱ꞌin, xtji̱e̱e̱n nangi, xtji̱e̱e̱n nínga fotjo tsꞌueé, ko̱jo xtji̱e̱e̱n nínga ꞌbosꞌien tsꞌueé.

Jenesii̱s 14:14

ndií ntsꞌi̱e̱ tsangínjo̱ ꞌniú, kó Abra̱n ítikó ngayeje mosoo̱ xi maa̱ kján, ján úchán ko̱jo tjiꞌún ján kamá, kó kui jaá ko̱jo Abra̱n tsangatji̱ngii̱ nga nijón já ree̱ ngaskande nangi Ndaa̱n.

Xki̱ 21:20

ko̱jo nangi són xi tikón ki̱a̱ Moaa̱b. Nga fetꞌani jachó nkꞌaa̱ na̱xi̱ Pisgaa̱, nínga yanii̱ nangi kixií.

Xki̱ 23:14

Kó Balaa̱k kijíjo̱ Balaa̱n ki̱a̱ kꞌijñá xí ꞌmí Sofii̱n, ki̱a̱ nínga ꞌniú nkꞌaá na̱xi̱ Pisgaa̱. Ki̱a̱ katsꞌénda yito ṉchandikón, kó nga ngo nga ngo kui ṉchandikoón katsꞌénkꞌiensón ngo cho̱yojo toro̱ ko̱jo ngo cho̱tsa̱nga̱ xi jaꞌatji ndi̱ja̱a̱.

Xki̱ 27:12

Néná bi̱ katsoó Moisee̱: —Ti̱nde ji, ti̱nde ntsꞌie ji Aaroo̱n kamábejín kjo̱a̱jena. Nga jójnú kandaꞌyáꞌénjínjnúꞌun ki̱a̱ nangi kixií nangi Sii̱n, kjiꞌanga xota̱ na̱xi̱ńdaá askjanjo̱na, kó ꞌniú tsíꞌána nga tsjàa̱ ndáfoa ki̱a̱ Meribaa̱. Ta̱nga tꞌennijíngí ji na̱xi̱ Abarii̱n tsi̱ꞌe̱ nga xchi̱e̱ ji tꞌanangi xi tsjàa̱ xota̱ Israee̱l. Ta̱nga ji, ko̱yè jí, kó xchi̱e̱jín ji kui ngi̱ndiee̱, xikó kamaá ntsꞌie ji Aaroo̱n.

Ndeuteronomio̱ 32:49

«Mejénna nga kꞌuin jí ki̱a̱ nangi Abarii̱n xtji̱e̱e̱n nínga na̱xi̱i̱, kó tꞌenijíngí nínga nkꞌaa̱ na̱xi̱ Neboo̱, kui xi tikón ki̱a̱ nangii̱ xota̱ tji̱e̱e̱ Moaa̱b, kje̱n na̱xi̱ńdáꞌniú Jerikoo̱. Kó ndeskande ki̱a̱a̱ ka̱ma xchi̱e̱ ji nangi Kanaa̱n, kui tꞌanangi xi tsjàa̱ xota̱ Israee̱l.

Ndeuteronomio̱ 32:52

Kuíni nga tsjandièjáa̱n nga ku̱i̱tjásꞌi̱n ji ki̱a̱ tꞌanangi xi katsóyàtjón an nga tsjajnúꞌun, kó ta̱ kjin tsí nga ka̱ma xchi̱e̱ ji».

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».

Ni xi akakoo̱ 21:10

Kó A̱si̱énni̱xtjii̱n Néná kijíjo̱na ngo tji̱ngi̱ xi je ko̱jo xi nkꞌa, kó akóna na̱xi̱ńdáꞌniú tsjie xi ꞌmí Jerusale̱n, kui xi tsꞌénfotjajenni ndiꞌakꞌajmii̱, ngindyi̱ko̱n Néná,