Ndeuteronomio̱ 33:2 - Xo̱jo̱n eén Néná

² nga bi̱ katsoó: «Néná ki̱a̱ tsꞌéndibání na̱xi̱ Sinaii̱, kó ndiꞌií ki̱a̱ ndibánií ndeskande nangi Endoo̱n. Ndeskande na̱xi̱i̱ Paraa̱n ya ꞌna̱ ꞌna̱ nga je ndibá, kó ngaskande Meribaa̱ fochó, ki̱a̱ nangi Kandee̱. Ndiꞌí boá xi tjiyátsjà xi kixi̱i̱, kó achichí kjín mi̱ ma já tamá xí kján xi tsꞌéndibájo̱.

Ndeuteronomio̱ 33:2 ပူးပေါင်းရင်းမြစ်များ

Xo̱jo̱n Salmoo̱ 50:2

Ndeskande na̱xi̱ńdá Sioo̱n, kui na̱xi̱ńdá tsjákjiꞌi ko̱jo xi ꞌniú ndaa̱, Néná tsjandiè nga ya ndiꞌií.

Xo̱jo̱n Salmoo̱ 68:17

Achichí kjín mi̱ tosena̱ ma karro̱ xi tsꞌénkjién Néná tsi̱ꞌe̱ kjo̱a̱xcha̱án, ndeskande ki̱a̱ na̱xi̱ Sinaii̱ ndibání Néná nga fí na̱ngo̱xi̱ ndikoón.

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Éksondo̱ 23:20

Kó Néná bi̱ katsoó: «Kꞌi̱e̱ sangiya tjón an ndítsjiena tsi̱ꞌe̱ nga skónjnú ko̱jo ko̱kójnú ndi̱yà nínga kongínjnú, ngaskande nga kjóchójnú ngi̱ndie xi je tikónndana.

Xki̱ 10:12

Kui ni̱xtjii̱n, xota̱ Israee̱l jastjíe̱n kó kijítji̱ngii̱ kui ṉdi̱i̱ ki̱a̱ nangi kixií na̱xi̱ Sinaii̱, ngaskande nga jachó nangi kixií Paraa̱n, xikó má tsꞌén atíxomaa̱ Néná nga tsíchji̱a̱jo Moisee̱.

Ni xi kamá 7:53

jún xi ndítsjiee̱ Néná katsjájnú kjo̱a̱kitii̱ Néná, kó kandaꞌyáꞌénjínjnú.

2 Xota̱ Korinto̱ 3:7

Kó tsi xá xí kisꞌiee̱ kjo̱a̱kiti xí fíjo̱ná kjo̱a̱bo̱yaa̱ xi kiniꞌánꞌindóni nga̱soón ngo tie ndi̱jo̱o̱, kisꞌiee̱ kjo̱a̱je, kó ngaskande xota̱ xi chji̱a̱ni Israee̱l kamájín kamábe kje̱n Moisee̱, ta̱ngatꞌanii̱ kui kjo̱a̱je xi tikónjin kje̱n, kó kui kjo̱a̱jee̱ tsiejín kamaá,

2 Xota̱ Korinto̱ 3:9

Ngatꞌa̱ tsi kisꞌiee̱ kjo̱a̱je xaá kjo̱a̱kiti xi sa̱ꞌínjeé xotaa̱, ꞌniú ngase kꞌuieé kjo̱a̱je xaá éntjatsi̱e̱e̱ Néná, xi sa̱ꞌínkixi̱ xotaa̱ ngindyi̱ko̱n Néná.

Xota̱ Ngalasia̱ 3:10

Ngatꞌa̱ ngayeje xota̱ xi ndyi̱koyaa̱ nga kjo̱tjoꞌa nga ndyi̱tsꞌènkjátjosón ni xi tjítꞌa kjo̱a̱kiti xi tikónnieé, ndajín síndo ngindyi̱ko̱n Néná, ngatꞌa̱ jè kjitꞌa xo̱jo̱n eén Néná nínga bi̱ tsoó: “Ngatꞌíko̱joo̱ ngayeje xota̱ xi sa̱ꞌínkjatjosónjín ngayeje ni xi kjitꞌa xo̱jo̱n kjo̱a̱kitii̱.”

Xota̱ Ngalasia̱ 3:19

Kósꞌe̱, kó mí chjínií kjo̱a̱kitii̱. Jeꞌe tsi̱ꞌe̱ nga sku̱i̱e̱ xotaa̱ nga jé boá xi ndyi̱tsꞌèn, kó ta̱ kjiꞌa tsi ka̱machjínií kui kjo̱a̱kitii̱, ngaskande nga kjindibá kui xota̱ tji̱e̱e̱ Abraa̱n xi Néná katsóyàtjoón nga kjo̱e̱ꞌe, kui xi Kristoo̱. Néná katsangiya ndítsjiee̱ nga katsjaá Moisee̱ kjo̱a̱kitii̱, kó Moisee̱ xí katsjaá xotaa̱ kui kjo̱a̱kitii̱.

Xota̱ Ngalasia̱ 4:24

Kui nii̱, ngo chi̱bo̱a̱ bokóná. Nga jó kui ínchjiín jó kjo̱a̱ꞌbínda ndyi̱bokó: Kjo̱a̱ꞌbínda xi tjoón kuí boá xi índa Néná ki̱a̱ na̱xi̱ Sinaii̱, kó kuí xi na̱ Angaa̱r, na̱an xi beꞌé ndí xí moso̱ xi kastiñaá.

Ndeuteronomio̱ 5:22

»Kuí bí kui kjo̱a̱botíxoma xi ꞌniú tsíchji̱a̱jojnú nga katsóyàjnú Néná kjiꞌanga kixindyionjnú ngindiee̱ na̱xi̱i̱. Nda̱a̱ Néná ki̱a̱ jatjoni ngi̱jii̱n ngo ndiꞌí ko̱jo ngo ṉdi̱ xi achichí jñó. Néná jó tie ndi̱jo̱ ítꞌa kjo̱a̱botíxomaa̱, kósꞌe̱ an katsꞌénkꞌasꞌienna, kó jmí ni yísónjín ngasee̱.

2 Xota̱ Tesalónika̱ 1:7

Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú.

Xota̱ Ebreo̱ 12:20

ngatꞌa̱ kichikjo̱a̱jiín ni xi akatíxomaa̱ nga bi̱ kiꞌmií: “Ngaskande tsi ngo cho̱ sa̱ꞌínjo̱ kui tji̱ngi̱i̱, chjiéngá ndi̱jo̱ si̱ꞌankꞌienni”.

Xota̱ Ebreo̱ 2:2

Ngatꞌa̱ tsi kui én xí kje̱ꞌe ni̱xtjin Néná katsjaá ndítsjiee̱, tsi̱ꞌe̱ nga tsja̱aná ñá, kisꞌiee̱ ngaꞌniú, kó nga ngayeje xota̱ tsintꞌiéꞌénjiín, kamájeé xikó kjiꞌi jé xi kasakoo̱,

Xo̱jo̱o̱n Jundaa̱ 1:14

Kó ko̱jo Enoo̱k, kui xi ma yitoni nda̱ xi kisꞌijña kui nga̱sondiee̱ jaskan ngije kisꞌijña Andaa̱n, tsíchji̱a̱ xikoó ngo chji̱ni̱e̱ꞌe̱én Néná kjo̱a̱a̱ kui xotaa̱ nga bi̱ katsó: “Jéꞌe̱n, Ndi̱a̱ná je tsꞌéndibá, kó achichí kjín mi̱ ma ndítsjie xi tsꞌéndibájo̱,

Ni xi akakoo̱ 5:11

Sꞌe̱ askotsijen an, kó tsintꞌièe̱ nda̱a̱ kjín ndítsjie xi síndo nga ngo foaꞌatjiyajoo̱n kui xi botixómaá, ko̱jo xi síndoo̱, ko̱jo xota̱ xi xchaá, achichí kjín miyo̱n kamá,