Ndeuteronomio̱ 33:10 - Xo̱jo̱n eén Néná

¹⁰ »Jún boá xi ndyi̱bokoyájnúu̱ xota̱ na̱xi̱ńdaá nga sa̱ꞌínkjatjosón kjo̱a̱botíxomaa̱ Néná, kó nga ki̱a̱ nga̱són ṉchandikoón Néná si̱ꞌankꞌasꞌienjnú ngayeje to̱ko̱ya kjo̱a̱tjó.

Ndeuteronomio̱ 33:10 ပူးပေါင်းရင်းမြစ်များ

Xo̱jo̱n Salmoo̱ 51:19

Kósꞌe̱ kjiꞌá boá nga tsja ka̱maa̱ nga si̱ꞌankꞌasꞌiee̱n kjo̱a̱tjó xi kjo̱a̱kixi̱i̱, ko̱jo chji̱e̱, ko̱jo kjo̱a̱tjó xi ꞌbítí yeje, kósꞌe̱ si̱ꞌankꞌasꞌien ki̱a̱ nga̱són ṉcháa̱n ndií cho̱yojo.

Lebitiko̱ 1:17

Jaskan ngatatiengaa̱ kui cho̱o̱, ta̱nga jmí tsi kjo̱a̱ꞌáxiín nga̱a̱, kó jmí tsi jó tjín kꞌo̱xié. Kó nga fetꞌaa̱ kui chináꞌmii̱ ki̱a̱ ngatꞌítí nga̱són chikín xí tjítií kui cho̱o̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n».

Lebitiko̱ 10:11

Kó ti̱ chjiéngá ko̱ko̱yájnúu̱ xota̱ Israee̱l nga chjiéngá sa̱ꞌínkjatjosón kui kjo̱a̱botíxoma xi kixiyàa̱ nga tsíchji̱a̱jo an Moisee̱».

Lebitiko̱ 16:12

nga kjíbé ni xi ꞌbítíyá nisijee̱n ko̱jo jó tji̱ngo̱ nisije̱n, kó xꞌué xí síndo ki̱a̱ ṉchandikónna ngatindyiá kuí nii̱,

Lebitiko̱ 16:13

kó ngije tjiyátsjà kui nii̱, ngatꞌasꞌien ki̱a̱ ngi̱ndie nínga ꞌniú ndikoón, kui xi tikón nga̱xto̱n kortina̱ je xi tji̱e̱e̱n. Ki̱a̱ ngatindyiá nisijee̱n ngi̱jii̱n xꞌueé, tsi̱ꞌe̱ nga ṉdi̱i̱ ko̱e̱je̱jon ki̱a̱ tsꞌoa xi kjiꞌmani koxa̱a̱ kjo̱a̱ꞌbíndaa̱. Kó ko̱yàjín nga bo̱a̱ sa̱ꞌín.

Xki̱ 16:46

kó Moisee̱ bi̱ katsoó Aaroo̱n: «Achichí tjitsꞌénxchán Néná, kó tsꞌénbotíjérií xotaa̱. Kó kuíni nga chjábé jí ni xi mindyia xꞌueé, kó tindyiée̱ xꞌué xi síndo ṉchandikoón, kósꞌe̱ tindyiée̱ nisije̱n, sꞌe̱ jaskan tꞌen ji nínga síndo xota̱ Israee̱l, kó chji̱e̱ꞌèe̱ Néná tsi̱ꞌe̱ nga sa̱ꞌínjetakoón xota̱ Israee̱l».

Ndeuteronomio̱ 24:8

»Tsi tjín jún xi ngo chiꞌin kꞌuieé tji̱xin yojoo̱, chjiéngá ngatjíkoón chináꞌmii̱. Kui jaá jè be ni xi sa̱ꞌín kjo̱a̱a̱ kui nii̱, kuíni nga jún chjiéngá ki̱a̱ kongintjingíjnú ni xi ko̱tíxomájnú.

Ndeuteronomio̱ 27:14

»Kuí bí kui ni xi ndajiín xi sa̱ꞌínyà já chináꞌmii̱ ngindyi̱ko̱n ngayeje xota̱ na̱xi̱ńdaá. Ngije kiniꞌányà nga ngo nga ngo kui ni xi ndajiín, kó tsi̱ꞌe̱ nga xcha̱ nga ngo ndséje̱n kjima xota̱ na̱xi̱ńdaá, ngayejee̱ nga ꞌniú skja̱ndáyà nga bi̱ ka̱tso̱: “¡Bo̱a̱ kjíꞌí!” »Ndajín ngatamaa̱ xi sa̱ꞌínda ngo ni xi ne ka̱tso̱o̱, sꞌe̱ jaskan ku̱i̱ꞌíjñaꞌma. Néná achichí chꞌoó kui nii̱. »Ndajín ngatamaa̱ xi sa̱ꞌínchꞌó na̱ꞌmii̱ ko̱jo na̱aa̱n. »Ndajín ngatamaa̱ xi sa̱ꞌínchejeé nga sku̱i̱e̱ndikónjín tsindioó tꞌanangii̱ ngo xota̱. »Ndajín ngatamaa̱ xi kꞌo̱ṉcha̱jo ngo xota̱ xi ti̱ka̱, kó xín ndi̱yà sa̱ꞌínkjí. »Ndajín ngatamaa̱ xi ndajín sa̱ꞌínjo̱ xota̱ xi ta̱ ngotjón jachókꞌíndo ngo na̱xi̱ńdá, ko̱jo ínchjín kꞌán xi je kꞌien xi̱ꞌii̱n, ko̱jo xota̱ xi xꞌi̱a̱n. »Ndajín ngatamaa̱ ndí xíꞌín xi chjo̱ón na̱ꞌmii̱ kjojñájo̱. Kuí nii̱ xi bokó nga tsꞌénbendikónjín na̱ꞌmii̱. »Ndajín ngatamaa̱ xi ngo cho̱ chꞌo sa̱ꞌínjo̱. »Ndajín ngatamaa̱ xi ndichja kjojñájo̱, ndatsi ta̱ ngo na̱ꞌmi, ko̱jo tsi ta̱ ngo na̱an tsí. »Ndajín ngatamaa̱ xi ṉchiꞌyaá kjojñájo̱. »Ndajín ngatamaa̱ xi ko̱tíñá amingoo̱ ko̱jo xi sa̱ꞌínkꞌién. »Ndajín ngatamaa̱ xi to̱n kjo̱a̱ꞌáchjí, tsi̱ꞌe̱ nga si̱ꞌankꞌien ngo xi jmíjéjiín. »Ndajín ngatamaa̱ xi ku̱i̱ntꞌiéꞌénjiín kui kjo̱a̱botíxomaa̱».

Ndeuteronomio̱ 33:11

»Míꞌáa̱ Néná nga sa̱ꞌínchikonñéjnú, kó nga tsja ka̱maa̱ nga skjíbé ni xi niꞌánjnú kjo̱a̱a̱ kui, Kó ti̱ míꞌáa̱ tsi̱ꞌe̱ nga sa̱ꞌínkjié ngayeje kondra̱jnú, tsi̱ꞌe̱ nga nginijánjín kjo̱stjíe̱n kondra̱ tsa̱jún».

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

Xota̱ Ebreo̱ 9:24

Ngatꞌa̱ Kristoo̱ jmí tsi tsꞌasꞌien ngi̱yaa̱ kui na̱ngo̱xi̱ ndikón xí katsꞌénda tsja xotaa̱, kui xi ta̱ ni xi katjoꞌótꞌa na̱ngo̱xi̱ ndikón xí ja̱koxi̱i̱ boá. Kristoo̱ boá xi ki̱a̱ má ndiꞌakꞌajmii̱ tsꞌasꞌien, tsi̱ꞌe̱ nga jachó ngindyi̱ko̱n Néná, kó kuí boá xi tsꞌénmíꞌá nganda tsa̱ñá.