Ndeuteronomio̱ 32:7 - Xo̱jo̱n eén Néná

⁷ »Ti̱ꞌankjójnú kótsꞌèn kjindibáni xota̱ nangijnú. Na̱ꞌmijnú ko̱jo ngito̱ko̱jnú ka̱tso̱yàjnú ni xi kamá ngasꞌe̱.

Ndeuteronomio̱ 32:7 ပူးပေါင်းရင်းမြစ်များ

Xo̱jo̱n Salmoo̱ 10:6

kó bi̱ tsó ngi̱jin ini̱ma̱a̱: ¡Jmíni̱xtjin sti̱ngí an, kó jmíni̱xtjin nga ndajín ka̱mana!

Xo̱jo̱n Salmoo̱ 44:1

Ji Ne, tji̱bo̱a̱nijón má ji̱n xi je tsintꞌié, kó xota̱ xi xchájne̱ katsóyàjne̱, ni yiꞌi xi ꞌniú fíndikónná xi kiniꞌín ji ni̱xtjin xcháján.

Xo̱jo̱n Salmoo̱ 44:2

Jí má bo̱a̱ xi ikiyitji̱ngìi̱ kui xota̱ na̱xi̱ńdaá, tsi̱ꞌe̱ nga ki̱a̱ ikꞌínde ji xota̱ xi xchájne̱, kiniꞌínkjié ndo̱jò ndójo̱ jí kui nangii̱, kó katseꞌéndièe̱ nga ki̱a̱ kisꞌiee̱ ja̱ma̱ xota̱jne̱.

Xo̱jo̱n Salmoo̱ 77:8

A je jè yeje kjo̱a̱ni̱ma̱takoón, a je kichajá kjin ni xi katsóya tjón nga sa̱ꞌín.

Xo̱jo̱n Salmoo̱ 78:5

Néná índa ngo ni kjo̱a̱a̱ xota̱ tji̱e̱e̱ Jakoo̱b, kó íjñá ngo kjo̱a̱kiti tsi̱ꞌe̱ xota̱ na̱xi̱ńdá Israee̱l, kó xota̱ xi xcháná atíxomaa̱, tsi̱ꞌe̱ nga kui kjo̱a̱kitii̱ xi sa̱ꞌínkjién nga sa̱ꞌínchji̱ni̱e̱ ndií,

Éksondo̱ 12:26

Kó kjiꞌanga ko̱síyájnú ndíjnú, mí nii̱ bo̱a̱ xi ndyi̱niꞌánjnú,

Éksondo̱ 13:14

»Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Ndeuteronomio̱ 4:32

»Néná tsꞌaxiéni nangi Ejipto̱ xota̱ xi xchájnú, kó bo̱a̱ tsꞌén akoó nga ꞌniú tjoó ko̱jo akó ngaꞌniú je xi tjiín. Ta̱ngatꞌanii̱ nganda tsa̱jún nga askjantjéjnú nga achichí kjo̱a̱ndikón katsꞌén, kó indyiándikoón xota̱ xi síndo na̱xi̱ńdá xí ngasee̱. »Tsi Néná tsꞌaxiéꞌájnú, kjo̱a̱a̱ nga bo̱a̱ tsꞌén kamámejeén, nga jún xi ka̱majnú na̱xi̱ńdá xí kuí tsi̱ꞌe̱. Jmíjín ingo xota̱ na̱xi̱ńdá xí je tsintꞌieé nda̱a̱ Néná, ti̱nde ngiti̱ síndojín tsi̱ꞌe̱ nga ka̱tso̱yà kui nii̱. Ta̱nga Néná ndeskande nkꞌajmii̱ tsíchji̱a̱jojnú, tsi̱ꞌe̱ nga ngo ndi̱yà xí kixi̱ íjñájnú. Kꞌi̱e̱ kui tꞌanangii̱ ngi̱jii̱n ndiꞌií tsíchji̱a̱jojnú, kó to̱kó kixindyionrajnú nga̱sondie. Kó kjiꞌanga tsangínjnú, Néná iskjíxꞌájnú ndi̱yà, kó katsangiboaꞌá xota̱ na̱xi̱ńdáꞌniú, xi ꞌniú ngase yiꞌi, ko̱jo xi ꞌniú ngase tjiín ngaꞌniú ta̱bo̱a̱jínnii̱ jún, tsi̱ꞌe̱ nga jún tsja̱ajnú kui tꞌanangi xi je mejeén sa̱kójnú. »Tsi jún xi stsitsíjenjnúu̱ kótsꞌèn kjindibáni xotaa̱, xcha̱jnú nga jmíni̱xtjin kamá ngo ni xi xikoó xi kjimajnú ngotꞌe̱. Ta̱nga ngayeje kui nii̱ kjimá, tsi̱ꞌe̱ nga xcha̱jnú nga ja̱koxi̱ boá Néná, kó nga ta̱ ngo tsí má kuí.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.