Ndeuteronomio̱ 32:4 - Xo̱jo̱n eén Néná

⁴ Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.

Ndeuteronomio̱ 32:4 ပူးပေါင်းရင်းမြစ်များ

Jenesii̱s 1:31

Kó tji̱e̱nga Néná askotsijee̱n nga tsjakon kamá ni xi katsꞌéndaa̱, kamájñó, sꞌe̱ jaskan kisisie̱èn. Kuí boá xi̱ꞌba̱ ni̱xtjin xi ma juu̱n.

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Joo̱b 34:10

»Ta̱nga jún xota̱ xi kjínkón boá jún, kuíni nga nda nda má tasiénijónjnúꞌun ni xi xiánjnúꞌun. ¡Ndeskande chjiénjín nga si̱ꞌankjó nga kui Néná xí tsi̱ꞌe̱ ngayeje ngaꞌniuú sa̱ꞌín ngo ni xi kixi̱jín kjiꞌi!

Joo̱b 35:14

Ndatsi bo̱a̱ tꞌísé ji nga yejín ji kje̱n Néná, chiyékjo̱e̱ ji, ngatꞌa̱ jè ngi̱ya tsja kui tikón kjo̱a̱ xi tse̱.

Joo̱b 36:23

Jmíjín xi ka̱ma ku̱i̱ꞌaa̱ xki̱, ti̱nde jmíjín xi ni ka̱tso̱o̱ tsi ka̱matsobéjii̱n.

Joo̱b 8:3

Néná xí tsi̱ꞌe̱ ngayeje ngaꞌniuú, sa̱ꞌínkꞌájinjiín kjo̱a̱ndaa̱ ko̱jo kjo̱a̱kixi̱i̱.

Xo̱jo̱n Salmoo̱ 100:5

Ngatꞌa̱ ndaxota̱ Néná, kó ngatsjéni̱xtjin nga tjiín kjo̱a̱ni̱ma̱takón, kjo̱a̱tjoó jmíni̱xtjin sa̱síkjo, kó kjo̱a̱ꞌniátakoón ta̱kjiꞌání nga kꞌuijñá.

Xo̱jo̱n Salmoo̱ 138:8

Ji Ne, jí boá xi si̱ꞌinkjatjosén ngandana ni xi je kiniꞌínkjé jí nga si̱ꞌin ji. Bosíkjejín ji xikó kjiꞌi nga tjoó an, ngatꞌa̱ ti̱ jíní bo̱a̱ xi kiniꞌíndení. ¡Ngata̱ ꞌbíjñímasínjínní!

Xo̱jo̱n Salmoo̱ 145:17

Ji Ne, ngatsjéni̱xtjin nga niꞌínkjatjosén ni xi ꞌmíyetjén ji, kó ngayeje nii̱ xi tjótsꞌèn niꞌínde ji.

Xo̱jo̱n Salmoo̱ 146:6

Néná boá xi katsꞌénda nkꞌa jàn ko̱jo nga̱sondiee̱, ko̱jo ndáchíkoón, ko̱jo ngayeje ni xi tjiín. Néná ngatsjéni̱xtjin nga tsꞌénkjátjosón ni xi katsóyàtjón: kixi̱ tsꞌenseén xota̱ xi ndajín tjíniꞌánjo̱o̱, tsjaá nichinie xota̱ xi ndyi̱foaꞌatio kjindiaá, kó ꞌbíndondé xota̱ xi ndyi̱a̱ ndo̱bo̱a̱ya̱à.

Xo̱jo̱n Salmoo̱ 18:2

Ji Ne, jí boá xi xikoó ngo ndi̱jo̱je xi tsa̱ꞌa̱n, jí boá xi xikoó ngo ndiꞌaa̱ re, ko̱jo jí boá xi niꞌíndéní. Ne tsa̱ꞌa̱n, jí boá xi ngaꞌniúna, ko̱jo jí boá xi chínní, jí boá xi xikoó ngo ni xi ꞌbíchjaá ni xi ndajín, jí boá xi ꞌnaxiéꞌéní nga niꞌínkjìn jí ngaꞌniúu̱. Jí boá xi xikoó ngo ngi̱ndie xi ꞌniú nkꞌa nínga botíjña̱ ꞌma an.

Xo̱jo̱n Salmoo̱ 18:46

¡Tsie ngatamaa̱ Néná! ¡Ngatamachikonñé ndi̱jo̱ jena! ¡Nganiꞌántsjaá kui Ne xi tsꞌaxiéꞌána!

Xo̱jo̱n Salmoo̱ 19:7

Ta̱nisién ꞌniú nda kjo̱a̱kitii̱ Néná, kó kuí boá xi tsꞌendáyà ini̱ma̱a̱. ꞌNiú ꞌniátakón kjo̱a̱kitii̱, ngatꞌa̱ kuí boá xi tsjaá kjo̱a̱kjíntakón xota̱ xi nkꞌajín ꞌboxié yojoo̱.

Xo̱jo̱n Salmoo̱ 31:5

¡Ngi̱ya ndse̱ ji ꞌbijñá an ini̱ma̱na! Ji Ne, jí boá ngo Ne xi ja̱koxi̱ ji, jí boá xi kaꞌnaxiéꞌéní.

Xo̱jo̱n Salmoo̱ 33:4

Ngatꞌa̱ kixi̱ boá eén Néná, kó ngayeje ni xi katsꞌénda bokó nga maꞌniátakón kuí.

Xo̱jo̱n Salmoo̱ 78:35

ta̱ kjiꞌa tsí bo̱a̱ nga jaꞌátsjiee̱n nga Néná boá xi Ndi̱jo̱jee̱, kui Néná xí tikón ndiꞌakꞌajmii̱, kui xi tsꞌaxiéꞌá.

Xo̱jo̱n Salmoo̱ 9:16

Néná jè akó yojoo̱, kó kixi̱ tsꞌén je katsꞌénseén xotaa̱. Xota̱ xi ꞌniú ndajiín, ti̱kuíní xi ixóyà chja̱ya̱ xi índo.

Xo̱jo̱n Salmoo̱ 90:16

Takée̱ ni xi kiniꞌín ji kui mosoo̱, kó takée̱ ndií kjo̱a̱je xi tjiín jí.

Xo̱jo̱n Salmoo̱ 92:15

Tsi̱ꞌe̱ nga ko̱kó nga kixi̱ boá Néná, kui xi Ndi̱jo̱jena, kó ta̱soboá ni xi kixi̱ boá xi tjiín kui.

Xo̱jo̱n Salmoo̱ 97:2

Ṉdi̱i̱ xi jñoó jaꞌatjiyajoo̱n nínga tikón Néná, kjo̱a̱ndaa̱ ko̱jo kjo̱a̱kixi̱i̱ boá xi tsꞌénkjién ki̱a̱ ngi̱ndie nínga botixómá.

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Xo̱jo̱n Salmoo̱ 99:4

Ngaꞌniú xí tjiín Ree̱, ki̱a̱ yaꞌanii̱ kjo̱a̱kixi̱i̱. Jí boá xi ikꞌíjñí ji ni xi ngo ndséje̱e̱n, jí boá xi kjo̱a̱kixi̱i̱ kiniꞌínkjìn jí, kjiꞌanga akatíjée̱ xota̱ tji̱e̱e̱ Jakoo̱b.

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Eklesiastee̱ 3:14

Jè kamákjínna nga ngayeje ni xi katsꞌén Néná ngatsjéni̱xtjin nga sꞌi̱jña, jmíjín ni xi sꞌi̱soón, ti̱nde jmíjín ni xi chja̱ꞌáxiín, kó kui nii̱ xi tsꞌén Néná, tsi̱ꞌe̱ nga xota̱ nga̱sondiee̱ sku̱i̱e̱ndikón.

Matioo̱ 5:48

Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 5:22

Ngatꞌa̱ Na̱ꞌmii̱jín xi tsáyà tsi nda ko̱jo tsi ndajín ndyi̱tsꞌèn xotaa̱, ndií boá xi katsjaá nga kui xi ka̱tso̱yà tsi nda ko̱jo tsi ndajín ndyi̱tsꞌèn xotaa̱,

Xota̱ Roma̱ 1:32

Jè be kui xotaa̱ nga kjo̱a̱kitii̱ Néná tsó nga ngayeje xota̱ xi tsꞌén kuí nii̱, chjiéngá ko̱yà, ta̱nga jmí tsi ta̱ ta̱kó bo̱a̱ ndyi̱tsꞌèn tsi, ngaskande tsja maa̱ kjo̱a̱a̱ xota̱ xi ndyi̱tsꞌèn kuí nii̱.

Xota̱ Roma̱ 2:2

Ta̱nga jè yàjne̱ nga Néná kixi̱ tsꞌén ko̱tíjeé xota̱ xi bo̱a̱ ndyi̱tsꞌe̱én.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

Xota̱ Roma̱ 3:5

Kó tsi kjiꞌanga niꞌán ni xi kixi̱jín, kjiꞌa bokó nga ta̱nisién kixi̱ Néná. Mí xí kꞌuín. A kixi̱jín Néná nga botíjéná. (Tsꞌénchji̱a̱ an xikótsꞌèn tsꞌénkjó ngo xota̱.)

1 Xota̱ Korinto̱ 10:4

ko̱jo ta̱ ngo tsí ni ꞌyó xi katsꞌe xi Néná katsjaá. Ngatꞌa̱ kuí xí katsꞌe kui ndáfoa xi jatjoo̱ kui ndi̱jo̱je xi Néná katsjaá, kó kui ndi̱jo̱o̱ kuí xí Kristoo̱, xi kistsoꞌbátji̱ngii̱.

Ndeuteronomio̱ 10:18

»Néná kixi̱ tsꞌénjo̱ xota̱ xi je kamáxꞌi̱a̱n, ko̱jo ínchjín kꞌán xi je kꞌien xi̱ꞌii̱n, kó bokó nga tjoó nga tsjaá ńjño xi boajá ko̱jo nga tsjaá nichinie xota̱ xi xín nangi chji̱a̱ni xi ki̱a̱ síndojinjnú.

Ndeuteronomio̱ 32:15

»Ta̱nga xota̱ Israee̱l ngije achichí nda kisꞌińdo, katsꞌénchíyà Néná, ¡katsꞌénchíyà kui xi katsꞌénda! Kamáchꞌoó nga Néná askoo̱n, kui Néná xi ja̱bo̱a̱ je tsꞌaxiéꞌá.

Ndeuteronomio̱ 32:18

»Xota̱ Israee̱l katsꞌénchíyà Néná, kui Néná xí katsjaá kjo̱a̱mindyion. Íjñá masien kui xi katsꞌénda, kó katsꞌénchíyà kui xi askoo̱n.

Ndeuteronomio̱ 7:9

»Kuíni nga jún chjiéngá xcha̱ndikónjnú Néná, nga kuí boá xi Néná xí ja̱koxi̱i̱. Néná tsꞌénkjátjosón ni xi índajo̱ ngayeje xota̱ tji̱e̱ xi tsꞌéntjó, ko̱jo xi ntꞌiéꞌeén kjo̱a̱botíxomaa̱,

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Xo̱jo̱o̱n Sandiyaá 4:12

Ta̱ ngo tsí má xi katsjá kjo̱a̱kitii̱, ko̱jo xi tsáyà tsi nda ko̱jo tsi ndajín ndyi̱tsꞌèn xotaa̱, kó kuí boá xi maa̱ ꞌboxiéꞌá, ko̱jo tsi sa̱ꞌínchaja xotaa̱, kó ji, ꞌyá jií bo̱a̱ nga ji kon xi tiꞌmíyé ji tsi nda ko̱jo tsi ndajín ndyi̱tsꞌèn kje̱ꞌe xota̱.

1 Xo̱jo̱o̱n Peé 2:6

Ngatꞌa̱ bi̱ tsó xo̱jo̱n eén Néná: Jéꞌe̱n kꞌi̱e̱ kꞌuijñá an na̱xi̱ńdáꞌniú Sioo̱n ngo ndi̱jo̱ xi jaꞌajin an xi ꞌniú chjínií, kuí ndi̱jo̱o̱ xi sꞌi̱tjatsꞌennii̱ ndiꞌaa̱, kó xi sa̱ꞌínsꞌijin kui ndi̱jo̱o̱, jmí kjo̱a̱soboá ko̱e̱ꞌéjiín.