Ndeuteronomio̱ 32:22 - Xo̱jo̱n eén Néná

²² Achichí je kiniꞌánxtíjnúꞌun nga kjo̱a̱xchánna je xikó maá ndiꞌí, kó kuí ndiꞌií xi sa̱ꞌinkjié an ngindie xi ꞌniú na̱nga̱ ko̱jo ngindie se na̱xi̱i̱.

Ndeuteronomio̱ 32:22 ပူးပေါင်းရင်းမြစ်များ

Xo̱jo̱n Salmoo̱ 144:5

Ji Ne, ndibéjéyé ji kꞌi̱e̱ tꞌanangii̱, ti̱ꞌinje̱ ji na̱xi̱i̱ kó ngatjoo̱ ṉdi̱.

Xo̱jo̱n Salmoo̱ 21:9

Ngo orjno̱ xi tjítíngá má si̱ꞌin ji, kjiꞌanga kjo̱chó ni̱xtjin nga si̱ꞌinxchín jí. Néná sa̱ꞌínkjié kjiꞌanga sa̱ꞌínxchán, kó ndiꞌí ku̱i̱ꞌítíni.

Xo̱jo̱n Salmoo̱ 46:2

Kuíni nga ko̱ndoko̱njín ñá ndatsi kjo̱tsiè tꞌanangii̱, ko̱jo ndatsi na̱xi̱i̱ ko̱e̱je̱ngandá ngamasiee̱n ndáchíkoón,

Xo̱jo̱n Salmoo̱ 83:14

¡Bo̱a̱ kon ngatama ji xikoó ndiꞌí xí tsꞌenkjié kꞌijñaá, xikoó ndiꞌí xí tsꞌenkjié na̱xi̱i̱!

Xo̱jo̱n Salmoo̱ 86:13

Ngatꞌa̱ achichí kjo̱a̱ni̱ma̱takón tjiín kjo̱a̱a̱ an, kó jí boá xi kaꞌnaxiéꞌéní tsi̱ꞌe̱ nga ki̱a̱jín kijí an ki̱a̱ ti̱xa̱na̱nga̱a̱ tꞌanangii̱.

Xo̱jo̱n Salmoo̱ 97:3

Ngo ndiꞌí fítjoón ngindyi̱ko̱n kui, kó kuí boá xi tsꞌenkjié kondra̱ xi síndo nga ngo foaꞌatjiyajoo̱n.

Kjo̱a̱chaꞌaá 2:2

Néná nde ni̱ma̱jín kamaá nga katsꞌénkjatsón ngayeje ndiꞌaa̱ xota̱ tji̱e̱e̱ Jakoo̱b. Katsꞌénkixóndó ngi̱ndie ꞌniú nínga síndo xota̱ tji̱e̱e̱ Jundáa̱, jè yíjñá tꞌanangi ko̱jo ni̱ma̱kjo̱a̱ íjñá ree̱, ko̱jo xota̱ xi botixómaá.

Kjo̱a̱chaꞌaá 2:3

Achichí ꞌniú katsꞌénxchán Néná, nga ta̱ ngo ndi̱yà jaꞌáxiín ngaꞌniú xí kisꞌiee̱ na̱xi̱ńdá Israee̱l. Ngiti̱ asíko̱jojín ngase kjiꞌanga kondra̱a̱ jachókjánjo̱, kó xikó maá tsi ngo ndiꞌí kamá xi katsꞌénchjaán tꞌanangii̱ Jakoo̱b, kó kui ndiꞌií katsꞌénkjié ngayeje nii̱.

Kjo̱a̱chaꞌaá 2:4

Néná xikoó tsi ngo kondra̱ nga iskjienꞌniuú yáchjonyaá nga íjñanda, kó xikó maá tsi ngo kondra̱ nga katsꞌénkjié ngayeje xi xo̱ngò xí sꞌe̱ kjimaxchá. Ki̱a̱ nínga síndo ndiꞌaa̱ xota̱ Sioo̱n, tsꞌajminié kjo̱a̱xcha̱án xikó maá tsi ndiꞌí.

Kjo̱a̱chaꞌaá 4:11

Jè jaꞌajenda Néná, ngatꞌa̱ ta̱nisién ꞌniú katsꞌénxchán. Ítꞌandiꞌí na̱xi̱ńdáꞌniú Jerusale̱n, ngaskande nga kití xó xí kamándani.

Lebitiko̱ 26:20

Ta̱ kjo̱a̱ndaní nga si̱ꞌanxájin ngasejnú tꞌanangii̱, ngatꞌa̱ ngiti̱ jmí ni ka̱maxchájiín.

Xki̱ 16:33

Bo̱a̱ tsꞌén kiniꞌánkjié ngayeje kui xotaa̱.

Xki̱ 16:35

Kósꞌe̱ Néná tji̱e̱nmá ngo ndiꞌí katsangiya, kó xi jó úchán ichítié xota̱ tji̱e̱e̱ Lebii̱ kití nga jesón.

Matioo̱ 10:28

Ngata̱ ndakonjínmájnú xi tsꞌenkꞌién yojoná, ta̱nga májiín tsꞌenkꞌién ini̱ma̱ná, ta̱sá ti̱nda̱kònjnú kui xi maa̱ tsꞌénkjí ini̱ma̱jnú ko̱jo yojojnú ndo̱bo̱a̱ṉkꞌi̱e̱e̱n.

Matioo̱ 18:9

Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, kó kjin ti̱chíjmi, ta̱sá nda ngase tsi ta̱ ngo tsí ndyikin ndyi̱a̱ nga ku̱i̱tjásꞌi̱n kjo̱a̱mindyion ngatsjeé, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Ndeuteronomio̱ 29:20

ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

Xota̱ Ebreo̱ 12:29

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.