Ndeuteronomio̱ 31:6 - Xo̱jo̱n eén Néná

⁶ Chjiéngá ꞌniú ko̱jo chꞌokon ngatamajnú, ngatꞌa̱ Néná boá xi skja̱n ngajojnú, ngata̱ ndakonjínmájnúu̱ kui xota̱ na̱xi̱ńdaá, ngatꞌa̱ Néná jmíni̱xtjin ku̱i̱ꞌíjñámasienjnú».

Ndeuteronomio̱ 31:6 ပူးပေါင်းရင်းမြစ်များ

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 27:14

Kuíni nga chiyékjo̱e̱e̱ Néná. «¡Ti̱ꞌingaꞌní jí, kó te̱ꞌéngaꞌníi̱ ini̱ma̱a̱! ¡Jo̱o̱n, chiyékjo̱e̱e̱ Néná!»

Xo̱jo̱n Salmoo̱ 94:14

Ngatꞌa̱ Néná ku̱i̱ꞌíjñámasienjín xota̱ na̱xi̱ńdáa̱, ti̱nde ku̱i̱ꞌíjñá soboájín xota̱ xi je tsi̱ꞌe̱ kui.

Xki̱ 13:9

Paltii̱, xi chji̱a̱ni xota̱ tji̱e̱e̱ Benjaa̱,

Xki̱ 14:9

Ta̱nga ꞌniú ndikón nga ngata̱ kondra̱jín mindyiónjnúu̱ Néná, ti̱nde ngata̱ ndakonjínmájnú kjo̱a̱a̱ kui xota̱ xi síndo kui ngi̱ndiee̱ ngotꞌe̱. Niꞌínjín si̱ꞌaa̱n nga ku̱i̱xkánjo̱, ngatꞌa̱ kui xotaa̱ jmíjín xi ndyi̱koo̱n. Kó ñá tikónná kui Néná xi tsꞌénbosikójoná, kuíni nga, ¡ngata̱ ndakonjínmájnú!»

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

1 Xota̱ Korinto̱ 16:13

Ti̱ndyiondajnú, kó ꞌniú ti̱ndyiàjnú kjo̱a̱a̱ kjo̱a̱sꞌijinjnú, ngata̱ ndakonjínmájnú, kó te̱ꞌéngaꞌniújnúu̱ yojojnú.

Xota̱ Éfeso̱ 6:10

Kó nga fetꞌaa̱ ntsꞌie, ngasakó ngaꞌniújnú ngi̱jii̱n ngaꞌniú xí jee̱ Ndi̱a̱ná.

Ndeuteronomio̱ 1:29

»Foaꞌátsjienna nga bi̱ kixianjnúꞌun: “¡Xió ti̱ndyiónjnú! ¡Ngata̱ ndakonjínmájnú!

Ndeuteronomio̱ 11:8

»Ndaꞌyáꞌénjnú ngayeje kjo̱a̱botíxoma xi ngotꞌe̱ tsꞌéntsjájnúꞌun. Kó bo̱a̱ tsꞌén nga kꞌuiéjnú ngaꞌniú nga si̱ꞌánjnúu̱ tꞌanangii̱ nga ku̱i̱xkánjo̱jnú xota̱ xi síndo ngi̱ndie nínga ku̱i̱tjásꞌi̱e̱njnú.

Ndeuteronomio̱ 20:1

Moisee̱ bi̱ katsó ngasee̱ xota̱ na̱xi̱ńdaá: «Kjiꞌanga kongínjnú kjo̱a̱xchán, ngata̱ ndakonjínmájnú. Ndatsi kondra̱jnú ꞌniú ngase ko̱jo tsi kjín ngase ma, ko̱jo tsi kjín ndi̱je̱, ko̱jo karroo̱ kjo̱a̱xchán tjiín, jmí ndasénjín, ngatꞌa̱ ñá tikónná ngo Néná xi katsꞌéndéná ki̱a̱ nangi Ejipto̱.

Ndeuteronomio̱ 31:23

Néná bi̱ katsoó Josuee̱: «Ji Josue̱, chjiéngá ꞌniú ko̱jo chꞌokon ka̱ma ji. Án boá xi kosiko̱joo ngayeje ni xi si̱ꞌin ji, kó jí boá xi si̱ꞌin ji nga kui xota̱ na̱xi̱ńdaá sa̱ꞌín nga skjántjé kui tꞌanangi xi je kixiyatjóo̱n nga tsjàa̱».

Ndeuteronomio̱ 31:7

Kósꞌe̱ ti̱ kjiꞌa Moisee̱ tsíchji̱a̱a̱ Josuee̱, kó ngindyi̱ko̱n ngayeje xota̱ na̱xi̱ńdaá nga bi̱ katsoó: «Ji Josuee̱, chjiéngá ꞌniú ko̱jo chꞌokon ka̱ma ji, ngatꞌa̱ jí boá xi kꞌuínje̱ ji kui xota̱ na̱xi̱ńdaá, ki̱a̱ tꞌanangi xi Néná jè bo̱a̱ katsoó nga tsja̱á xota̱ xi xchaá. Jí boá xi si̱ꞌin ji nga sa̱ꞌín kui tꞌanangii̱ nga skjántjé.

Ndeuteronomio̱ 31:8

Ti̱ kuíní Néná xí ko̱e̱je̱tjoón, kó kuí boá xi ko̱síko̱joo̱ ngayeje ni xi si̱ꞌin ji, jmíni̱xtjin ku̱i̱ꞌíjñámasiee̱n. ¡Ngata̱ ndakinjín má, ꞌna̱xié ji kjo̱a̱tsiendikóo̱n!»

Ndeuteronomio̱ 4:31

Néná ku̱i̱ꞌíjñámasienjínjnú, ti̱nde sa̱ꞌínkjiéjínjnú, ngatꞌa̱ achichí tjoó jún. Néná jmíni̱xtjin xchi̱yaa̱ ni xi índajo̱ xota̱ xi xchájnú, ngatꞌa̱ jè bo̱a̱ katsó nga sa̱ꞌínkjatjosón kui nii̱.

Ndeuteronomio̱ 7:18

Ta̱nga ngata̱ ndakonjínmájnú. Ngata̱ chíyájínjnú nga Néná katsꞌénjeé nda̱ ree̱ ko̱jo xotaa̱ nangi Ejipto̱.

2 Timoo̱ 2:1

Kó kuíni nga ji Timo̱, ndí tsa̱ꞌa̱n, ti̱ꞌingaꞌní jí kjo̱a̱a̱ kui kjo̱a̱nda xi katseꞌéná ngatꞌaa̱ Kristo̱ Kjisoo̱.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.