Ndeuteronomio̱ 31:14 - Xo̱jo̱n eén Néná

¹⁴ Ngije kamá kui nii̱, Néná bi̱ katsoó Moisee̱: «Jè má kjachó ni̱xtjin nga ko̱yè jí. Kuíni nga mejénna nga ji, ko̱jo Josuee̱ kongínjnú ki̱a̱ ndiꞌandikoón, tsi̱ꞌe̱ nga an xiyàjnúꞌun ni xi si̱ꞌánjnú». Kó Moisee̱ ko̱jo Josuee̱ kijí ki̱a̱ ndiꞌandikoón,

Ndeuteronomio̱ 31:14 ပူးပေါင်းရင်းမြစ်များ

Jenesii̱s 47:29

Ngije makjachó ni̱xtjin nga ko̱yà, tsíchji̱a̱a̱ Kosiee̱ kui xi ndií, kó bi̱ katsoó: —Ngo kjo̱a̱nda kuíꞌaá xi̱ꞌin, kó ngiboanéná tꞌín ji nga si̱ꞌinkjatjosén ji. Tsi ja̱koxi̱ nga tjoó an, ngiboanéná tꞌín ji nga ngije ko̱yà an, nga kꞌi̱e̱jín kjónijínní nangi Ejipto̱.

Joo̱b 1:6

Ngo ndi̱yà, ni̱xtjin nga je kamángaá ngayeje mosoo̱ nkꞌajmii̱ nga fochó ngindyi̱ko̱n Néná, ti̱ jachó Xindajín nga.

Joo̱b 2:1

Ngo ndi̱yà, ngo ni̱xtjin nga mosoo̱ nkꞌajmii̱ matikó ngindyi̱ko̱n Néná, ti̱ jachó Xindajiín nga,

Éksondo̱ 33:11

Ngatsjéni̱xtjin nga tsꞌasꞌien Moisee̱ ngi̱yaa̱ kui ndiꞌańkꞌieén, kuí má xi tsíchji̱a̱jo Néná xikótsꞌèn ndokjo̱a̱ni̱jmìjo̱ ngo amingo̱. Jaskan Moisee̱ kijí nginí ngi̱ndie nínga síndo xotaa̱. Josuee̱ kui nda̱ xi bosikójo Moisee̱ ngatsjéni̱xtjin nga ki̱a̱ kisꞌijña nínga tikón ndiꞌańkꞌién nínga kamátikó xotaa̱.

Éksondo̱ 33:9

Ti̱ kjiꞌa ngije tsꞌasꞌien Moisee̱ kui ndiꞌańkꞌieén, kui ṉdi̱ xi ja̱kjiꞌi yásé má kjiꞌii̱, ki̱a̱ jachókꞌíjñá nga̱ntjo̱a̱a̱, kósꞌe̱ ngayeje xotaa̱ indyiátikoó nga̱ntjo̱a̱a̱ ndiꞌa xi tsi̱ꞌe̱, tji̱e̱nga Néná tsíchji̱a̱jo Moisee̱.

Éksondo̱ 34:2

Tꞌínde yojòo̱, ngatꞌa̱ ndyiojón ta̱jñó kꞌuínnijíngí ji na̱xi̱ Sinaii̱, ki̱a̱ skoyaa nínga ꞌniú nkꞌaá kui na̱xi̱i̱.

Eklesiastee̱ 9:5

Ngatꞌa̱ xota̱ xi to̱kó síndo ngasee̱, jè be nga kjo̱chó ni̱xtjin nga ko̱yà, ta̱nga xota̱ xi je jesoón, jè ngiti̱ jmí ni bejín kuí, ti̱nde ngiti̱ jmí to̱n tsꞌénjín ngase, ngatꞌa̱ kjo̱a̱foaꞌátsjiee̱n jè kisꞌijñachíyá.

Xki̱ 27:12

Néná bi̱ katsoó Moisee̱: —Ti̱nde ji, ti̱nde ntsꞌie ji Aaroo̱n kamábejín kjo̱a̱jena. Nga jójnú kandaꞌyáꞌénjínjnúꞌun ki̱a̱ nangi kixií nangi Sii̱n, kjiꞌanga xota̱ na̱xi̱ńdaá askjanjo̱na, kó ꞌniú tsíꞌána nga tsjàa̱ ndáfoa ki̱a̱ Meribaa̱. Ta̱nga tꞌennijíngí ji na̱xi̱ Abarii̱n tsi̱ꞌe̱ nga xchi̱e̱ ji tꞌanangi xi tsjàa̱ xota̱ Israee̱l. Ta̱nga ji, ko̱yè jí, kó xchi̱e̱jín ji kui ngi̱ndiee̱, xikó kamaá ntsꞌie ji Aaroo̱n.

Xki̱ 27:18

Kósꞌe̱ Néná bi̱ tsꞌén atíxomaa̱ Moisee̱: —Ndokjoée̱ Josuee̱, kui nda̱ xi tsakjónjín ko̱jo xi ntꞌiéꞌénna, kó ki̱a̱ tꞌenje̱ ji ngindyi̱ko̱n chináꞌmi Eleasaa̱, ko̱jo ngindyi̱ko̱n ngayeje xota̱ na̱xi̱ńdaá, kó ngindyi̱ko̱n ngayeje kui xota̱ na̱xi̱ńdaá tꞌíjñisée̱n ndse̱ to̱ko̱ Josuee̱. Ki̱a̱ boá nínga kui ko̱e̱ꞌée̱ xá xí tjiín ji, kó kuí xí si̱ꞌin ji ngito̱ko̱ xi nkꞌa xaá kui na̱xi̱ńdaá. Eleasaa̱ boá xi sa̱ꞌinkjièn án nga xiyàa̱ mí ni xi sa̱ꞌín nga kui xi je ngito̱ko̱o̱ jájún xi chji̱a̱ni Israee̱l. Tatíxomée̱ xota̱ Israee̱l nga chjiéngá ku̱i̱ntꞌiéꞌeén ngayeje ni xi ka̱tso̱ Josuee̱.

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Ndeuteronomio̱ 31:13

Ko̱jo ndí xi tjiín, kui xi kji̱e̱ bejín kui kjo̱a̱botíxomaa̱, ku̱i̱ntꞌie̱é kó ngatamaa̱ nga ku̱i̱ntꞌiéꞌeén Néná. Kuí nii̱ xi sa̱ꞌín tji̱e̱nga ki̱a̱ síndo ki̱a̱ na̱xi̱ńdá xi tikón xi ingoboaá ndejèꞌ Jorndaa̱n, kui xi je sa̱ꞌín nga tsi̱ꞌe̱ ka̱ma nga skjántjé».

Ndeuteronomio̱ 31:2

«Jè úchán ko̱jo kan nó tjínna, kó ngiti̱ ka̱májín nga to̱kó an xi ka̱ma an ngito̱ko̱o̱ xota̱ Israee̱l. Kó ingo ni ngase, Néná tsja̱ndièjínna nga kjo̱a̱ꞌatio an ndejèꞌ Jorndaa̱n.

Ndeuteronomio̱ 31:23

Néná bi̱ katsoó Josuee̱: «Ji Josue̱, chjiéngá ꞌniú ko̱jo chꞌokon ka̱ma ji. Án boá xi kosiko̱joo ngayeje ni xi si̱ꞌin ji, kó jí boá xi si̱ꞌin ji nga kui xota̱ na̱xi̱ńdaá sa̱ꞌín nga skjántjé kui tꞌanangi xi je kixiyatjóo̱n nga tsjàa̱».

Ndeuteronomio̱ 32:50

»Kó ki̱a̱ na̱xi̱ Neboo̱ ko̱yà jí, kó ki̱a̱ kjónijiín, xikótsꞌèn akjanijín ntsꞌie ji Aaroo̱n kjiꞌanga kꞌien ki̱a̱ na̱xi̱ Oo̱r.

Ndeuteronomio̱ 34:5

Moisee̱ ngatsjéni̱xtjin nga Néná katsꞌénxátꞌaa̱. Kó xikó má katsó Néná, Moisee̱ ki̱a̱ kꞌien nangi Moaa̱b, kje̱n na̱xi̱ Bee̱t-Peoo̱r, kó ti̱ ki̱a̱ akjanijín, ndatsi jmíjín xi be nda nda nínga tikón kui ngi̱ndiee̱.

Ndeuteronomio̱ 4:22

Ta̱sá kꞌi̱e̱ ko̱yà án xtji̱e̱e̱n kui ngándaá ndejeèꞌ. »Jún boá xi ku̱i̱tjásꞌi̱e̱njnú, kó si̱ꞌánjnúu̱ nga ku̱i̱xkánjnú nga ko̱ti̱xomájnú kui tꞌanangii̱.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,