Ndeuteronomio̱ 31:12 - Xo̱jo̱n eén Néná

¹² Chjiéngá ko̱e̱je̱ kui sꞌueé ngayeje xotaa̱: xi chjo̱on, xí xi̱ꞌin, ko̱jo jákjíndí ínchjín, ko̱jo jákjíndí xíꞌín, ko̱jo xota̱ xi ta̱ síndo tsá ki̱a̱ kui na̱xi̱ńdaá. Ki̱a̱ boá nínga ku̱i̱ntꞌiè nga si̱ꞌanya kui kjo̱a̱bokoyaá, kó chjiéngá ka̱maa̱ nga sku̱i̱e̱ndikón Néná, ko̱jo nga ku̱i̱ntꞌiéꞌeén kui kjo̱a̱botíxomaa̱.

Ndeuteronomio̱ 31:12 ပူးပေါင်းရင်းမြစ်များ

Lebitiko̱ 9:5

Kó xota̱ Israee̱l kijíjo̱ ki̱a̱ ndiꞌandikoón ngayeje ni xi tsíꞌaá Moisee̱ nga atíxomaa̱. Ngayeje xota̱ na̱xi̱ńdaá ki̱a̱ jachókindyia nínga tikón ṉchandikoón Néná, kó ki̱a̱ kisꞌińdo.

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Ndeuteronomio̱ 29:29

»Tjín ni xi tjiꞌmaá Néná, kó ta̱kuítsí xi be mí nii̱ bo̱a̱, ta̱nga ñá katsjáná ngayeje kui kjo̱a̱botíxomaa̱, tsi̱ꞌe̱ nga ñá ko̱jo xota̱ tji̱e̱ xi jaskan kꞌuiéná sa̱ꞌínkjatjosón ngatsjéni̱xtjin».

Ndeuteronomio̱ 29:9

Kuíni nga míꞌájnúꞌun nga ti̱ꞌankjatjosónjnú ngayeje kui kjo̱a̱botíxomaa̱ kui kjo̱a̱ꞌbínda tja̱tsi̱e̱e̱, kó ngayeje ni xi si̱ꞌánjnú, nda ka̱ma.

Ndeuteronomio̱ 31:13

Ko̱jo ndí xi tjiín, kui xi kji̱e̱ bejín kui kjo̱a̱botíxomaa̱, ku̱i̱ntꞌie̱é kó ngatamaa̱ nga ku̱i̱ntꞌiéꞌeén Néná. Kuí nii̱ xi sa̱ꞌín tji̱e̱nga ki̱a̱ síndo ki̱a̱ na̱xi̱ńdá xi tikón xi ingoboaá ndejèꞌ Jorndaa̱n, kui xi je sa̱ꞌín nga tsi̱ꞌe̱ ka̱ma nga skjántjé».

Ndeuteronomio̱ 4:10

»Kjiꞌanga kixindyionjnú na̱xi̱ Oree̱b, Néná boá xi bo̱a̱ katsóna nga ngindyi̱ko̱n kui kꞌuitikójnúꞌun, ngatꞌa̱ kamámejeén nga ku̱i̱chji̱a̱jojnú ko̱jo nga ko̱kóyájnú nga ngatsjéni̱xtjin ko̱nda̱ꞌyáꞌénjnúu̱, tsi̱ꞌe̱ nga ti̱ bo̱a̱ ti̱ tsꞌén jún ko̱ko̱yájnúu̱ ndíjnú.