Ndeuteronomio̱ 30:20 - Xo̱jo̱n eén Néná

²⁰ kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Ndeuteronomio̱ 30:20 ပူးပေါင်းရင်းမြစ်များ

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 36:9

Ngatꞌa̱ jí boá xi tikoón ndáńchꞌi̱ nínga tikón kjo̱a̱mindyioo̱n, kó kjo̱a̱a̱ kui ndiꞌí xí tikoón nga ka̱maxcha̱nijne̱ ndiꞌií.

Xo̱jo̱n Salmoo̱ 37:3

Néná ti̱ꞌinꞌnítakín ji, kó ni xi nda ti̱ꞌin ji, ku̱i̱ndyin ji kui tꞌanangii̱, kó ni xi ja̱koxi̱i̱ ti̱ꞌinꞌnítakín ji.

Xo̱jo̱n Salmoo̱ 66:9

Néná boá xi katsjáná nga tindyión nga̱sondie, ¡kó tsjandièjín nga mongajon ndsa̱kó!

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Ni xi kamá 11:23

kó nga jachó, kamábe kjo̱a̱ndaa̱ Néná kó tsja kamaá, kó ꞌniú atíxomaa̱ ngayeje xotaa̱ tsi̱ꞌe̱ nga ngayeje ini̱ma̱a̱ nga ꞌniú ka̱maꞌniátakón Ndi̱a̱ná,

Ni xi kamá 17:25

ti̱nde tsja xotaa̱ chjiénjiín nga sa̱ꞌínseén, xikoó tsi ngo ni chjieén, ngatꞌa̱ kuí xí Néná xi tsjáná ngayeje kjo̱a̱mindyion, ko̱jo tjo̱ xi ndyi̱jnájén, ko̱jo ngayeje nii̱.

Ni xi kamá 17:28

Ngatꞌa̱ ta̱ngatꞌanií Néná nga tindyión, ko̱jo nga ndyi̱niꞌántíyá, ko̱jo xikó katsó xota̱ chji̱ni̱e̱jnú xi katsꞌéndaya eén, nga bi̱ katsó: “Ñá boá xi xota̱ tji̱e̱e̱ Néná.”

Xota̱ Roma̱ 12:9

Ti̱ꞌantjó ja̱koxi̱jnú xingi̱jnú. Ti̱ꞌanchꞌójnú ni xi ndajiín, kó ni xi ndaa̱ tangíntji̱ngíjnú.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 10:12

»Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

Ndeuteronomio̱ 10:20

»Ndaꞌyáꞌénjnúu̱ Néná, kó ta̱kuítsí xi ti̱ꞌantsjàjnúu̱. Ngata̱ niꞌantsjájínjnúu̱ kje̱ꞌe ne. Tsi ngo ni kꞌuíndajnú xi si̱ꞌankjatjosónjnú, ta̱ jaꞌeén Néná tsí xi ti̱ꞌankjiénjnú.

Ndeuteronomio̱ 11:22

»Tsi si̱ꞌankjatjosónjnú ngatsjéni̱xtjin kui kjo̱a̱botíxoma xi tsꞌéntsjájnúꞌun ngotꞌe̱, kó tsi tjó ka̱majnú Néná, kó tsi ka̱maꞌniátakónjnú,

Ndeuteronomio̱ 11:9

Tsi bo̱a̱ si̱ꞌánjnú, kjín nó ka̱majnú nga ku̱i̱ndyionjnú kui tꞌanangi xi Néná je katsóyàtjónjnú nga tsja̱ajnú. ¡Achichí nda kui tꞌanangii̱ nga ngatsjéni̱xtjin tjín nichinie!

Ndeuteronomio̱ 30:16

Tsi tjójnú Néná, kó tsi si̱ꞌankjatjosónjnú kjo̱a̱botíxomaa̱, Néná sa̱ꞌínchikonñéjnú. Achichí kjín nó ka̱majnú ki̱a̱ na̱xi̱ńdá xi si̱ꞌankꞌasꞌienjnú, kó achichí kjín ndí kꞌuiéjnú.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Ndeuteronomio̱ 31:1

Moisee̱ ti̱ tsíchji̱a̱jo nginí ingo ndi̱yà xota̱ na̱xi̱ńdaá, kó bi̱ katsoó:

Ndeuteronomio̱ 32:47

Ja̱koxi̱ boá ni xi tꞌíxiánjnúꞌun. Tsi si̱ꞌankjatjosónjnú, achichí kjín nó ka̱majnú ki̱a̱ tꞌanangi xi ngotꞌe̱ je si̱ꞌánjnú nga ku̱i̱xkántjéjnú, kui xi tikón xi ingoboaá ndejèꞌ Jorndaa̱n».

Ndeuteronomio̱ 4:1

Bi̱ katsó ngase Moisee̱: «Jún xota̱ Israee̱l tangíntji̱ngíjnú kui kjo̱a̱bokoyá xi je katsjajnúꞌun, tsi̱ꞌe̱ nga ki̱a̱ ku̱i̱ndyionjnú, kó ti̱ꞌankjiénjnú kui nangi xi tsja̱ajnú kui Ne xi tsi̱ꞌe̱ xota̱ xi xchájnú.

Ndeuteronomio̱ 4:4

Kó ti̱ je kamáyàjnú nga ta̱kuítsí xota̱ xi kamáꞌniátakón Néná xi kisꞌińdo ngase nga̱sondie.

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 5:16

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga nda ku̱i̱ndyionjnú, kó kjín nó ka̱majnú nga ku̱i̱ndyionjnú kui na̱xi̱ńdá xí an tsjajnúꞌun.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Ndeuteronomio̱ 6:5

Ti̱ꞌintjé ji Nèe̱ ngayeje ini̱ma̱a̱, ngayeje kjo̱a̱mindyiòo̱n, ko̱jo ngayeje ngaꞌniúu̱.

Ni xi akakoo̱ 21:6

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.