Ndeuteronomio̱ 30:19 - Xo̱jo̱n eén Néná

¹⁹ »Ndiꞌakꞌajmii̱ ko̱jo tꞌanangii̱ xí chistiko̱ nga ngotꞌe̱ tsꞌéntsjándièjnúꞌun nga chje̱ꞌéjinjnú ni xi mejénjnú, a kjo̱a̱mindyioo̱n, axa̱ kjo̱a̱bo̱yaa̱, a kjo̱a̱niꞌánchikonñeé, axa̱ ni xi ndajiín. An bi̱ xiánjnúꞌun nga jún, ko̱jo ndíjnú ta̱sá kjo̱a̱mindyioo̱n xi chje̱ꞌéjinjnú,

Ndeuteronomio̱ 30:19 ပူးပေါင်းရင်းမြစ်များ

Jenesii̱s 2:17

ta̱nga ka̱májín xi̱ni̱ ji to xi tsjá yaá kjo̱a̱kjíntakoón ni xi ndaa̱ ko̱jo ni xi ndajiín. Ngatꞌa̱ ni̱xtjin nga xi̱ni̱ ji too̱ kui yaá, ja̱koxi̱ boá nga ko̱yè jí ki».

Xo̱jo̱n Salmoo̱ 119:111

Án tsa̱ꞌa̱n kjo̱a̱bokoyáa̱, ¡kuí boá xi kjo̱a̱tsjaa̱ ini̱ma̱na! Jè katsjáa̱ko̱n an nga sa̱ꞌinkjatjosón an ngatsjéni̱xtjin, ngaskande nga kju̱i̱e̱tꞌani.

Xo̱jo̱n Salmoo̱ 119:173

Ja̱bíꞌi̱n, kó te̱ꞌéní ndse̱, ngatꞌa̱ jè katsjáa̱ko̱n án nga ji xi kuintꞌieꞌeén.

Xo̱jo̱n Salmoo̱ 119:30

Ji Ne, ngata̱ boeꞌéndièjín ji nga ndajín kotíjña̱ an ngindyi̱ko̱n xotaa̱, ngatꞌa̱ kjo̱a̱botíxomàa̱ boá xi kjimaꞌniáko̱n an, kó jè katsjáa̱ko̱n an nga sa̱ꞌinkjatjosón an.

Énkjínkón 1:29

Ta̱ngatꞌanii̱ nga kiniꞌánchꞌójnú kjo̱a̱kjínkoón, kó kamámejénjínjnú nga kamáyàndikónjnú Néná,

Énkjínkón 12:28

Ni xi kixi̱i̱ ki̱a̱ fíjo̱ná kjo̱a̱mindyioo̱n, kó kui ndi̱ya̱à jmíjiín kjo̱a̱bo̱ya.

Énkjínkón 8:36

ta̱nga kui xi tsꞌénjé nga chꞌo tsóna, ndajín tsꞌén ndyi̱ꞌbijñá yojoo̱, ngayeje xi chꞌoo̱ an, kjo̱a̱bo̱yaa̱ boá xi tjoó».

Énkjínkón 9:11

Ngatꞌa̱ án boá xi sa̱ꞌin an nga kjín ngase ni̱xtjin ku̱i̱ndyin ji nga̱sondie, kó kjín ngase nó ka̱maa̱.

Rkaa̱ 10:42

ta̱nga ta̱ ngo tsí ni xi ꞌniú ndasen ngase, kó na̱ Riyaa̱ jè jaꞌájin ni xi ndaa̱, kó jmíjín xi kjo̱a̱ꞌáxiín kui nii̱.

Ni xi kamá 2:39

Ngatꞌa̱ kuí nii̱ xi katsóyàtjón Néná nga tsja̱ajnú jún ko̱jo ndíjnú, ko̱jo xota̱ xi kjin síndo, ko̱jo ngayeje xota̱ xi Ndi̱a̱ná ku̱i̱chji̱a̱a̱.

Ndeuteronomio̱ 11:26

»Ngotꞌe̱ má ka̱ma chje̱ꞌéjinjnú tsi mejénjnú nga nda̱ ko̱e̱je̱jnú, ko̱jo tsi mejénjnú nga ndajín ko̱e̱je̱jnú.

Ndeuteronomio̱ 30:1

Moisee̱ bi̱ katsó ngasee̱ xota̱ na̱xi̱ńdaá: «Ngotꞌe̱ ꞌne̱ jè yàjnú kui kjo̱a̱niꞌánchikonñé xi sa̱kójnú tsi ko̱nda̱ꞌyáꞌénjnúu̱ Néná, kó ti̱ jè yàjnú ni xi ndajín xi sa̱kójnú tsi ko̱nda̱ꞌyáꞌénjínjnúu̱. Tsi Néná ko̱tíjéjnú, kó tsi kjinnii̱ na̱xi̱ńdájnú nínga sa̱ngíyájnú, ti̱ꞌankjójnú ngayeje ni xi je kixianjnúꞌun.

Ndeuteronomio̱ 30:15

»Ngotꞌe̱ bí nga ka̱ma chje̱ꞌéjinjnú mí ni xi mejénjnú. A mejénjnú nga nda ku̱i̱ndyionjnú, axa̱ mejénjnú nga ndajín ku̱i̱ndyionjnú. Mí ni xi mejénjnú, a nga kꞌuiéjnú kjo̱a̱mindyioo̱n axa̱ kjo̱a̱bo̱yaa̱.

Ndeuteronomio̱ 30:16

Tsi tjójnú Néná, kó tsi si̱ꞌankjatjosónjnú kjo̱a̱botíxomaa̱, Néná sa̱ꞌínchikonñéjnú. Achichí kjín nó ka̱majnú ki̱a̱ na̱xi̱ńdá xi si̱ꞌankꞌasꞌienjnú, kó achichí kjín ndí kꞌuiéjnú.

Ndeuteronomio̱ 31:17

Kósꞌe̱ an sa̱ꞌínxchánjo̱ an, kó kꞌuíndo masien an, kó ngindiee̱ nga skóo̱n, ta̱sá achichí kjo̱a̱botíjé ko̱jo kjo̱a̱ni̱ma̱ sangiyáa. Kó chjiéngá sa̱ꞌínkie yojoo̱ nga je indomasien an.

Ndeuteronomio̱ 31:28

»Kuíni ngotꞌe̱ maá tꞌítikójnú xota̱ ngito̱ko̱o̱ na̱xi̱ńdaá ko̱jo ngito̱ko̱o̱ xota̱ tji̱e̱e̱, tsi̱ꞌe̱ nga nda má kꞌuijñá tsijen tsijen an kui nii̱: Án boá xi je katsꞌenkꞌasꞌienjnúꞌun kjo̱a̱bokoyaá Néná. Kjo̱a̱a̱ kui nii̱, ndiꞌakꞌajmii̱ ko̱jo tꞌanangii̱ boá xi chistiko̱.

Ndeuteronomio̱ 32:1

«Ndiꞌakꞌajmi ko̱jo tꞌanangi, ¡tasiénijónjnúu̱ énna!

Ndeuteronomio̱ 4:1

Bi̱ katsó ngase Moisee̱: «Jún xota̱ Israee̱l tangíntji̱ngíjnú kui kjo̱a̱bokoyá xi je katsjajnúꞌun, tsi̱ꞌe̱ nga ki̱a̱ ku̱i̱ndyionjnú, kó ti̱ꞌankjiénjnú kui nangi xi tsja̱ajnú kui Ne xi tsi̱ꞌe̱ xota̱ xi xchájnú.

Ndeuteronomio̱ 4:25

»Ngije tindyiónjnú kui tꞌanangii̱, kó ngije kꞌuiéjnú ndí ko̱jo ndínde, ngata̱ niꞌándajínjnú ngo ni xi ne kꞌuínjnúu̱, ti̱nde ngata̱ niꞌándikónjínjnú. Tsi bo̱a̱ si̱ꞌánjnú, ngo jé xí ta̱nisién ndikón xí ndyi̱niꞌánjnú, kó kuí nii̱ xi sa̱ꞌín nga sa̱ꞌínxchán Néná.

Ndeuteronomio̱ 4:26

Nkꞌa jàn ko̱jo tꞌanangii̱ boá xi chistiko̱ nga tsi jún xi ko̱nda̱ꞌyáꞌénjínjnú, tsiejín ka̱majnú nga ku̱i̱ndyionjnú ki̱a̱ kui tꞌanangi xi tikón xtji̱e̱e̱n xi ingoboaá ndejèꞌ Jorndaa̱n, kó ta̱sá tsá ko̱yàjnú.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

1 Timoo̱ 5:21

Ngindyi̱ko̱n Néná ko̱jo ngindyi̱ko̱n Ndi̱a̱ná Jesukristoo̱ ko̱jo ndítsjie xi jaꞌájin, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán, nga ta̱ són si̱ꞌinje̱ ji xotaa̱, kó nga jmíjín xi chje̱ꞌéjin ji.