Ndeuteronomio̱ 29:9 - Xo̱jo̱n eén Néná

⁹ Kuíni nga míꞌájnúꞌun nga ti̱ꞌankjatjosónjnú ngayeje kui kjo̱a̱botíxomaa̱ kui kjo̱a̱ꞌbínda tja̱tsi̱e̱e̱, kó ngayeje ni xi si̱ꞌánjnú, nda ka̱ma.

Ndeuteronomio̱ 29:9 ပူးပေါင်းရင်းမြစ်များ

Xo̱jo̱n Salmoo̱ 25:10

Kjo̱a̱ni̱ma̱takón ko̱jo kjo̱a̱kixi̱ boá, ngayeje ndi̱ya̱à Néná, kó kuí boá ni xi sa̱ko̱ó xota̱ xi sa̱ꞌínkjatjosón kjo̱a̱ꞌbíndàa̱, ko̱jo xi ku̱i̱ntꞌiéꞌeén kjo̱a̱botíxomàa̱.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Ndeuteronomio̱ 29:1

Moisee̱ katsꞌénkjietꞌani nga katsjaá xota̱ Israee̱l ngayeje kjo̱a̱botíxoma xi Néná índajo̱ kui xotaa̱ ki̱a̱ na̱xi̱ Oree̱b. Kósꞌe̱ Néná atíxomaa̱ tsi̱ꞌe̱ nga ngo kjo̱a̱ꞌbínda tja̱tsi̱e̱ sa̱ꞌínjo̱ kui xotaa̱, ki̱a̱ na̱xi̱ńdaá xota̱ tji̱e̱e̱ Moaa̱b. Moisee̱ ítikó kuí xotaa̱ kósꞌe̱ katsjaá kjo̱a̱botíxomaa̱ kjo̱a̱ꞌbínda tja̱tsi̱e̱e̱. Bi̱ katsoó: «Jún boá xi chistiko̱ kamájnú kjo̱a̱a̱ ngayeje kjo̱a̱ndikón xí katsꞌén Néná nga atíjeé xota̱ Ejiptoo̱. Jún boá xi kamáyàjnú kó katsꞌénjo̱ nda̱ ree̱ nangi Ejiptoo̱, ko̱jo xota̱ xi ngito̱ko̱o̱, ko̱jo ngayeje xota̱ na̱xi̱ńdaá.

Ndeuteronomio̱ 29:10

»Ngayeje xota̱ Israee̱l kꞌi̱e̱ kjimatikó ngotꞌe̱, ngindyi̱ko̱n Néná. Kꞌi̱e̱ síndo xota̱ xi ngito̱ko̱o̱ xota̱ tji̱e̱e̱, xota̱ xi síndotjoón, xota̱xá, jáxíꞌín,

Ndeuteronomio̱ 31:12

Chjiéngá ko̱e̱je̱ kui sꞌueé ngayeje xotaa̱: xi chjo̱on, xí xi̱ꞌin, ko̱jo jákjíndí ínchjín, ko̱jo jákjíndí xíꞌín, ko̱jo xota̱ xi ta̱ síndo tsá ki̱a̱ kui na̱xi̱ńdaá. Ki̱a̱ boá nínga ku̱i̱ntꞌiè nga si̱ꞌanya kui kjo̱a̱bokoyaá, kó chjiéngá ka̱maa̱ nga sku̱i̱e̱ndikón Néná, ko̱jo nga ku̱i̱ntꞌiéꞌeén kui kjo̱a̱botíxomaa̱.

Ndeuteronomio̱ 5:3

Jmí tsi ta̱ xota̱ xi xcháná tsí xi índajo̱ kui nii̱, ko̱jo ñá boá, xi tindyiontikó kꞌi̱e̱e̱.