Ndeuteronomio̱ 29:20 - Xo̱jo̱n eén Néná

^20-21 ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!

Ndeuteronomio̱ 29:20 ပူးပေါင်းရင်းမြစ်များ

Jenesii̱s 6:7

Kuíni nga bi̱ katsó: «¡Sa̱ꞌinkjié an ngayeje xota̱ nga̱sondie xi katsꞌenda an! ¡Sa̱ꞌinkjié an ngayeje xotaa̱, ko̱jo ngayeje cho̱o̱! ¡Achichí ndasen mana nga katsꞌenda an!»

Xo̱jo̱n Salmoo̱ 18:8

Tsꞌaxié má ṉdi̱ ṉtjo̱n, tsꞌaxié má ndiꞌí tsꞌoa, kó katsꞌénkixó má xꞌué.

Xo̱jo̱n Salmoo̱ 69:28

¡Ti̱ꞌinkjie ji jaꞌeén ki̱a̱ xo̱jo̱o̱n kjo̱a̱mindyioo̱n! ¡Kó ngata̱ ki̱a̱jín nijan ꞌbítꞌe ji jaꞌeén ko̱jo xota̱ xi kixi̱i̱!

Xo̱jo̱n Salmoo̱ 74:1

Ji Ne, míkjo̱a̱a̱ nga ngatsjéni̱xtjin niꞌínchꞌíjne̱. Míkjo̱a̱a̱ tiniꞌínxchínje̱ ji cho̱tsa̱nga̱ xi síndo ngi̱jii̱n ndi̱xcho̱o̱.

Xo̱jo̱n Salmoo̱ 78:50

ko̱jo kjiꞌanga katsꞌén ni xi mejeén nga katsꞌénxchán, kó tsꞌaxiéꞌájín ini̱ma̱a̱ ngi̱ya tsja kjo̱a̱bo̱yaa̱, ¡ta̱sá ki̱a̱ katsꞌénkꞌasꞌien yojoo̱ tsi̱ꞌe̱ nga kju̱i̱e̱són!

Xo̱jo̱n Salmoo̱ 78:58

Katsꞌénxtií Néná kjo̱a̱a̱ ngi̱ndie xi ꞌniú nkꞌa xi katsꞌénda, kó katsꞌénchi̱ni̱ Néná kjo̱a̱a̱ kui a̱si̱én xí yá kamándani xi ne katsoó,

Xo̱jo̱n Salmoo̱ 79:5

Ngaskande kjiꞌání ji Ne. A ngatsjéni̱xtjin nga si̱ꞌinxchín jí. A xikónií ndiꞌí xí tjítíngá ka̱ma kjo̱a̱chi̱ni̱i̱.

Xo̱jo̱n Salmoo̱ 80:4

Ji Ne xi tsi̱ꞌe̱ jájuún, ngaskande kjiꞌání nga to̱kó si̱ꞌinxchín jí, kondraa̱ nga ndyi̱chji̱a̱a̱ xota̱ na̱xi̱ńdáa̱.

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Éksondo̱ 34:14

»Ngata̱ niꞌándikónjínjnú kje̱ꞌe ne, ngatꞌa̱ an boá ngo Ne xi achichí chi̱ni̱.

Énkjínkón 2:22

Ta̱nga, kui xota̱ xi ꞌniú ndajiín, si̱ꞌankjieni kui tꞌanangii̱, kó xota̱jeé ku̱i̱yòtjíngií.

Énkjínkón 6:34

Ngatꞌa̱ nga ka̱machi̱ni̱ xi̱ꞌii̱n kui xota̱chjo̱on, achichí sa̱ꞌínxchán, kó sa̱ꞌínjetakónjín nga ka̱mamejeén sa̱ꞌíngojo.

Én xí nda xi ꞌniú tsjatsó ngasee̱ 8:6

¡Tꞌíjñijìnní ngi̱jin ini̱ma̱a̱ xikoó tsi ngo chi̱bo̱a̱, xikoó ngo chi̱bo̱a̱ xi kjitꞌa tjiàa̱! ¡Ngatꞌa̱ xikótsꞌèn ꞌniú kjo̱a̱tjoó, ti̱ bo̱a̱ ti̱ tsꞌén ꞌniú kjo̱a̱bo̱yaa̱ nga! Kó kjo̱a̱chi̱ni̱i̱ ti̱ bo̱a̱ ti̱ tsꞌén ꞌbondíyaá xikoó nga̱tsjo̱ó, kó ndiꞌií kjo̱a̱tjoó, kuí boá ngo ndiꞌí xí íjñá Néná.

Xota̱ Roma̱ 11:21

Ngatꞌa̱ tsi Néná katsꞌénjetakónjiín tjia ndaa̱ kui yáꞌoliboo̱, akja̱ꞌmíra̱ ji sa̱ꞌínjetakoón nga ta̱ kisitꞌa jí kui yaá.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

1 Xota̱ Korinto̱ 10:22

Axa̱ mejénná nga si̱ꞌanchi̱ni̱ Ndi̱a̱ná. A tjín ngasená ngaꞌniú ta̱bo̱a̱jiín kui.

Ndeuteronomio̱ 25:19

Kuíni nga ngatjaꞌátsjienjnú kui nii̱: Ngije tindyiónjnú na̱xi̱ńdájnú, kó ngije kiniꞌánkjiéjnú kondra̱jnú xi síndo nga ngo foaꞌatjiyajoo̱n, chjiéngá si̱ꞌankjiejnú ngayeje xota̱ tji̱e̱e̱ Amalee̱k».

Ndeuteronomio̱ 29:19

»Ki̱a̱jiín ni xi tsꞌénkjó ngo xota̱ xi ntꞌié kjo̱a̱botíxomaa̱ kui kjo̱a̱ꞌbíndaa̱, kó sꞌijii̱n nga jmí ni ka̱májiín tsi ku̱i̱ntꞌiéꞌénjín. Kui xotaa̱, kuí boá xi tjiín jé nga Néná ko̱tíjeé ngayeje xota̱ Israee̱l,

Ndeuteronomio̱ 9:14

¡Te̱ꞌéndièní nga sa̱ꞌinkjié an, tsi̱ꞌe̱ nga ngiti̱ jmíjín xi kjo̱a̱ꞌátsjien ngasee̱! Kó ji, ngito̱ko̱o̱ ngo na̱xi̱ńdá xí ꞌniú jè ko̱jo xi tjiín ngaꞌniú sa̱ꞌiin ji”.

Xota̱ Ebreo̱ 12:29

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.

Ni xi akakoo̱ 3:5

Kui xi sa̱ꞌiín, ńjño tiboa ko̱a̱ja̱, kó sa̱ꞌinkjiéjín an jaꞌeén nga kjitꞌa ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n, ta̱sá xiyà an nga be án kuí, ngindyi̱ko̱n Na̱ꞌmina ko̱jo ngindyi̱ko̱n ndítsjiee̱.