Ndeuteronomio̱ 26:8 - Xo̱jo̱n eén Néná

⁸ Kó bo̱a̱ tsꞌén nga Néná katsꞌénkjién ngaꞌniú jèe̱, kó achichí kjo̱a̱ndikón katsꞌén nga indyiándikoón xota̱ Ejiptoo̱, kó tsꞌaxiéjne̱ kui ngi̱ndiee̱.

Ndeuteronomio̱ 26:8 ပူးပေါင်းရင်းမြစ်များ

Éksondo̱ 12:37

Xota̱ Israee̱l jatjoni nangi Ramsee̱, kó kijíyise ngaskande nangi Sukoo̱t. Mara̱ jun úchán mi̱ ma nga ta̱soboá jáxíꞌín, kó kje̱ꞌení ínchjiín ko̱jo jákjíndií.

Éksondo̱ 12:51

kó kuí má ni̱xtjii̱n nga Néná tsꞌaxié xota̱ Israee̱l ki̱a̱ nangi Ejiptoo̱.

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Ndeuteronomio̱ 34:11

Jmí ni̱xtjin kisꞌie ingo xi kamaá bo̱a̱ má katsꞌén xikoó kui kjo̱a̱ndikón xí katsꞌén Néná ki̱a̱ nangi Ejipto̱, ko̱jo ni xi katsꞌénjo̱ nda̱ ree̱.

Ndeuteronomio̱ 34:12

Jmí ni̱xtjin kisꞌie ingo xi bo̱a̱ tsꞌén kisꞌiee̱ ngaꞌniú xikoó Moisee̱, ti̱nde jmíjín xi kamaá katsꞌén ni yiꞌi xi katsꞌén ngi̱jii̱n xota̱ Israee̱l.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.