Ndeuteronomio̱ 26:5 - Xo̱jo̱n eén Néná

⁵ Kósꞌe̱ kui xi sa̱ꞌínkꞌasꞌien kui ni̱se̱nya̱á, bi̱ ka̱tso̱: “Xota̱ xi xchána ki̱a̱ tsíchji̱a̱ni ngo xtín xota̱ arameo̱ xi kisꞌiejiín ngo ngi̱ndie nínga kisꞌińdo síkijí. Ki̱a̱ kijíkꞌíndo nangi Ejipto̱, kó ki̱a̱ kamá ngo xtín na̱xi̱ńdá xi kjín kamá ko̱jo xi ꞌniú kamá.

Ndeuteronomio̱ 26:5 ပူးပေါင်းရင်းမြစ်များ

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 25:20

Yichán noó Isaa̱ nga kisꞌijñajo̱ na̱ Rebekaa̱, kui xi tsa̱kji̱ín Betuee̱l, ndichja Labaa̱n kui xi xota̱ Araa̱n xi kisꞌińdo Pandaa̱n-Araa̱n.

Jenesii̱s 27:41

Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Jenesii̱s 28:5

Ngije kamá kui nii̱, Isaa̱ katsꞌénkixotꞌa Jakoo̱b nga kijí nangi Pandaa̱n-Araa̱n kó ki̱a̱ kisꞌijña ndiꞌaa̱ xkjín na̱aa̱n.

Jenesii̱s 31:20

Kó kijíjo̱ ngayeje ni xi kisꞌiee̱, tsꞌenṉcha̱jo Labaa̱n ngatꞌa̱ jmí ni katsójiín nga je tsꞌénfí. Kó ngije jaꞌatio ndejèꞌ Éufratee̱, kijí xtji̱e̱e̱n na̱xi̱ Ngalaa̱nd.

Jenesii̱s 31:40

Kui xi kan nó jaꞌa an ndiꞌàa̱, achichí kjo̱a̱ni̱ma̱ jaꞌa an, nga ni̱xtjii̱n ndoboaá katsꞌénchjánna, kó nga ni̱xtji̱e̱e̱n nchꞌaàn, ¡ndajín katsꞌénkáféna! Tienijón nó katsꞌenxá kjo̱a̱nda an ta̱ngatꞌanii̱ nga jó ínchjíi̱n, kósꞌe̱ jun nó askóo̱n cho̱ xi tjiín, ¡kó ta̱ tiejínra̱ ndi̱yà akasíkje ji chjína!

Jenesii̱s 45:11

Ngi ún nó chaja nga ka̱ma ngase kui kjindiaá, ta̱nga án boá xi tsjàa̱ nichinie. Ngatꞌa̱ tsí jmí, kui ko̱jo ngayeje xota̱ xi nijan síndojo̱, xcha̱ja ngayeje ni xi tjiín, kó ni̱ma̱ tsꞌén kꞌuíndo.

Jenesii̱s 46:27

Ichítié ko̱jo kan kamá ngayeje xota̱ xi jachó nangi Ejipto̱ xi chji̱a̱ni xota̱ tji̱e̱e̱ Jakoo̱b, ta̱nga kjiyaxki̱ kꞌi̱e̱e̱ nga jó ndí xí kisꞌiee̱ Kosiee̱ ki̱a̱ nangi Ejipto̱.

Jenesii̱s 47:27

Kó bo̱a̱ tsꞌén nga xota̱ Israee̱l, ki̱a̱ kisꞌińdo Ejipto̱ ki̱a̱ nangi Ngosee̱n. Kó ki̱a̱ tsꞌatsie tꞌanangi, kó achichí kamá ndií.

Jenesii̱s 47:4

Kꞌi̱e̱ jéꞌe̱kindyion ngotjónjne̱ kui ngi̱ndiee̱, ngatꞌa̱ jè ngiti̱ jmí ni chiniejín nangi Kanaa̱n, kó ti̱ jè ngiti̱ jmí ndi̱xcho̱jiín cho̱ xi tjínjne̱ nga. ꞌNiú chjiáꞌájne̱ ji nga ko̱e̱ꞌéndièjne̱ nga ki̱a̱ ku̱i̱ndyionjne̱ nangi Ngosee̱n.

Éksondo̱ 1:12

Ta̱nga tji̱e̱nga xota̱ Ejiptoo̱ ꞌniú ndajín ngase katsꞌénjo̱ xota̱ Israee̱l, ta̱sá má ꞌniú kamákjín ngase kui xotaa̱. Xota̱ Ejiptoo̱ achichí katsakjónnií xota̱ Israee̱l nga,

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Ni xi kamá 7:15

Kó Jako̱b kijí nangi Ejipto̱ nínga kꞌien, kó ti̱ ki̱a̱ jesón xota̱ tji̱e̱ xcháná nga.

Ndeuteronomio̱ 10:22

Ngata̱ chíyájínjnú nga xota̱ xi xchájnú ta̱ ichítié ko̱jo kan tsí kamá nga jachó nangi Ejipto̱. Ngotꞌe̱ ꞌne̱ Néná boá xi katsꞌén nga ngo xtín xota̱ na̱xi̱ńdá xí achichí kjín je kamájnú, xi ngaskande nde jmíjín xi ka̱maxki̱i̱».

Ndeuteronomio̱ 26:4

»Chináꞌmii̱ skjíbé kui ni̱se̱nya̱á kó ki̱a̱ ku̱i̱ꞌíjñá nga̱soón ṉchandikoón Néná.

Ndeuteronomio̱ 7:7

Ta̱nga tsi Néná tjó ngasee̱ jún, jmí tsi kjo̱a̱a̱ nga jún boá ngo na̱xi̱ńdá xí ta̱nisién ndikón. Ta̱sá kjo̱a̱a̱ nga jún boá xi ngo xtín xota̱ na̱xi̱ńdá xi jmí ni chjíjiín ngi̱jii̱n ngayeje xi ngasee̱.