Ndeuteronomio̱ 26:2 - Xo̱jo̱n eén Néná

² chjiéngá Néná si̱ꞌankꞌasꞌienjnúu̱ ni xi tjón kamáxchájnú xi ikꞌítji̱e̱jnú. Ngo ni̱se̱nyá ku̱i̱ndyiajnú, kósꞌe̱ ki̱a̱ kongínjo̱jnú ndiꞌandikoón.

Ndeuteronomio̱ 26:2 ပူးပေါင်းရင်းမြစ်များ

Éksondo̱ 20:24

»Kjiꞌanga si̱ꞌandajnú ngo ṉchandikón tsi̱ꞌe̱ nga an si̱ꞌandikónjnúꞌun, ńdie ti̱ꞌandajo̱jnú, kó ki̱a̱ ti̱ꞌankꞌiènjnú cho̱tsa̱nga̱ ko̱jo cho̱yojo xi̱ꞌin xi si̱ꞌankꞌasꞌienjnúꞌun. Ki̱a̱ tꞌíjñájnú nga̱soón kui ṉchaa̱n kui kjo̱a̱tjó xi si̱ꞌankꞌasꞌienjnú kjo̱a̱a̱ jeé xota̱ na̱xi̱ńdaá, ko̱jo kui kjo̱a̱tjó xi bokó nga mejénjnú nga kꞌuiéná kjo̱a̱xió jún ko̱jo an, ko̱jo jún ko̱jo xota̱ xi ngasee̱. An kji̱ndi̱bá an ngo ngi̱ndie xi kjoaꞌajin an tsi̱ꞌe̱ nga kjo̱a̱ꞌátsjienjnú an, kó án boá xi sa̱ꞌin an nga nda ka̱ma ngayeje ni xi si̱ꞌánjnú.

Éksondo̱ 22:29

»Ngata̱ chíyájínjnú nga xotí si̱ꞌankꞌasꞌienjnúꞌun bino̱ ko̱jo to ndso̱ko̱a̱n ṉño̱pan xi tjón kamáxchájnú. »Ngata̱ chíyájínjnú nga an si̱ꞌankꞌasꞌienjnúꞌun ndí xíꞌín xi tjónjnú,

Éksondo̱ 23:16

»Kjiꞌanga chja̱ꞌáꞌyájnú cha̱a̱n ni xi ikꞌítji̱e̱jnú, jó sꞌué si̱ꞌánjnú. Sꞌué xí tjoón, kjiꞌa si̱ꞌánjnú nga chja̱ꞌátikójnú to xi tjón kamáxchaá, kó sꞌué xí ma joó kjiꞌa si̱ꞌánjnú ngije kamá nga kachjaꞌátikójnú ngayeje ni xi ikꞌítji̱e̱jnú, ngije kjife noó.

Éksondo̱ 23:19

»Ni xi ꞌniú nda ngase xi tjón kamáxchá jno̱jnú, kuí boá kjo̱a̱tjó xi ndibájo̱jnú na̱ngo̱xi̱na. »Ngata̱ ki̱a̱jín ngi̱jii̱n ntsjeén na̱aa̱n ndí tindso̱ chichií niꞌánchjánjinjnú».

Éksondo̱ 34:26

»Chjiéngá kui ni xi ꞌniú nda ngase xi kamáxchájnú xi kji̱ndi̱bájo̱jnú na̱ngo̱xi̱na. »Ngata̱ ki̱a̱jín ngi̱jii̱n ntsjeén na̱aa̱n ndí tindso̱ chichií niꞌánchjánjinjnú».

Lebitiko̱ 2:12

Ka̱má nijan si̱ꞌankꞌasꞌienjnúꞌun ntsjién ko̱jo nisan nga si̱ꞌankꞌasꞌienjnú ni xi tjón kamáxchájnú, ta̱nga jmí tsi tsi̱ꞌe̱ nga kꞌuitíjnú kui nii̱ nga nganda tsa̱ꞌa̱n.

Lebitiko̱ 2:14

»Tsi tjín xí sa̱ꞌínkꞌasꞌienna ngo kjo̱a̱tjó kjo̱a̱a̱ ni xi tjón kamáxchaá, chjiéngá ńtín xí kiniꞌántsjóni ngi̱jin ndiꞌií xi ngatsꞌénkꞌásꞌiénna, ko̱jo tsi ndso̱ko̱a̱a̱n kui ni xi kamáxchá jno̱o̱ xi sꞌe̱ kichꞌieje̱n má.

Xota̱ Roma̱ 11:16

Tsi tsjie kui pan xi tjón Néná je kiniꞌánkꞌasꞌiee̱n, ja̱ ngayeje pan xi ngasee̱ ti̱ tsjie nga, kó tsi ja̱ma̱a̱ yaá xi tsjie, ja̱ ti̱ ngayeje tjiaa̱ yaá xi tsjie nga.

Xota̱ Roma̱ 16:5

Tinde bo̱a̱ tꞌínjnú ngayeje xota̱ na̱ngo̱xi̱ xi matikó ndiꞌaa̱ na̱ Priskaa̱ ko̱jo Akilaa̱. Tinde bo̱a̱ tꞌínjnú nda̱ xi tjóna xi ꞌmí Epenetoo̱, kuí boá xi tjón kisꞌijii̱n Kristoo̱ nangi Asia̱.

Xota̱ Roma̱ 8:23

Kó jmí tsi ta̱kuítsí ni xi katsꞌénda Néná xí bo̱a̱ kjimaa̱, ko̱jo ñá xi je tikónná A̱si̱énni̱xtjii̱n Néná xikoó ngo ni xi tsjatjónná kjo̱a̱a̱ ni xi jaskan tsja̱aná. Tji̱e̱nga ndyi̱chiyá nga Néná tsja̱aná ngayeje kjo̱a̱nda xikoó ngo ndií ngije kisꞌijñandé yojoná.

1 Xota̱ Korinto̱ 15:20

Ta̱nga ngotꞌe̱ ꞌne̱ Kristoo̱ jè jaꞌáꞌyaá ngi̱jii̱n xota̱ xi je jesoón, kó kuí boá xi xikoó ngo cha̱n xi tjón xi niꞌánkꞌasꞌiee̱n Néná, ngatꞌa̱ kuí boá xi tjón jaꞌáꞌyaá ngi̱jii̱n xota̱ xi je jesoón.

1 Xota̱ Korinto̱ 15:23

Ta̱nga ńgó tji̱e̱n ńgó tji̱e̱n kjo̱a̱ꞌáꞌyaá xikótsꞌèn tsoboaá nga ngo nga ngo: Tjón má Kristoo̱ je jaꞌáꞌyaá, sꞌe̱ jaskan kjiꞌanga kjo̱e̱ꞌe nginí Kristoo̱, kjo̱a̱ꞌáꞌyaá xota̱ xi tsi̱ꞌe̱.

1 Xota̱ Korinto̱ 16:2

Xki̱ tamingo̱ nga ngo nga ngojnú chjiéngá kꞌuijñátꞌaxínjnú chií to̱n xikó kjiꞌi kiniꞌánjnú, kó chja̱ꞌátjójnú tsi̱ꞌe̱ nga, nga kjóchó an jmí tsi kjiꞌa chja̱ꞌásónjnú chji̱e̱e̱.

Ndeuteronomio̱ 18:4

Kó ti̱ ka̱ma skjíbé to ndso̱ko̱a̱n ṉño̱pan xi tjón kamáxchaá, ko̱jo binoo̱, ko̱jo istii̱, kó ka̱ma sa̱ꞌínkjién tsa̱nga̱a̱ cho̱tsa̱nga̱ xi tjón ikichaá nga.

Ndeuteronomio̱ 26:1

Moisee̱ bi̱ katsó ngasee̱ xota̱ na̱xi̱ńdaá: «Ngije tindyiónjnú ki̱a̱ tꞌanangi xi Néná tsja̱ajnú,

Ndeuteronomio̱ 26:3

Kó ki̱a̱ konginkíndyiánjnú ngindyi̱ko̱n chináꞌmii̱, sꞌe̱ bi̱ kꞌuínjnúu̱: “Ngotꞌe̱ ꞌne̱, ngindyi̱ko̱n Néna mejénna nga ngayeje xi sku̱i̱e̱ nga jè tikòn an ki̱a̱ tꞌanangi xi Néná katsóyàtjoón nga tsja̱á xota̱ xi xchájne̱”.

Xo̱jo̱o̱n Sandiyaá 1:18

Én xí ja̱koxi̱i̱ boá xi katsꞌénkjién nga katsꞌéntsenná, ngatꞌa̱ bo̱a̱ tsꞌén kamámejeén kui, tsi̱ꞌe̱ nga ñá xí ka̱ma cha̱n xi tjón foaꞌáꞌyá ngi̱jii̱n ngayeje ni xi katsꞌénda.

Ni xi akakoo̱ 14:4

Kuí bí xota̱ xi katsꞌéndándíjín yojoo̱ tsi ínchjín kisꞌiee̱, ngatꞌa̱ síndo xo̱ngò boá. Kuí bí xi kijítji̱ngii̱ cho̱tsa̱nga̱a̱ ta̱ nínga kijí. Kuí bí xi ikꞌíchjítjé nga kaꞌnaxiéꞌá ngi̱jii̱n jáxíꞌín xi xikoó tsi ngo ni xi tjón xi kiniꞌánkꞌasꞌiee̱n Néná ko̱jo cho̱tsa̱nga̱a̱,