Ndeuteronomio̱ 26:19 - Xo̱jo̱n eén Néná

¹⁹ Néná boá xi sa̱ꞌín nga jún boá xi ka̱majnú xota̱ na̱xi̱ńdá xi ꞌniú ngase ko̱jo xi xcha̱ndikón ngase xi kꞌuijñá kui tꞌanangii̱, tsi ngatsjéni̱xtjin si̱ꞌankjatjosónjnúu̱ kjo̱a̱botíxomaa̱ ko̱jo nga ta̱kuítsí xi si̱ꞌandikónjnú».

Ndeuteronomio̱ 26:19 ပူးပေါင်းရင်းမြစ်များ

Xo̱jo̱n Salmoo̱ 148:14

¡Néná boá xi katsjaá ngaꞌniú xota̱ na̱xi̱ńdaá! ¡Kuíni nga ngayeje xota̱ tsjiee̱ xi ngatsꞌèntsjaà, kui xi xota̱ Israee̱l, kui xota̱ na̱xi̱ńdá xí ꞌniú tjoó kui! ¡Bo̱a̱ kjiꞌi!

Éksondo̱ 19:5

»Tsi jún xi ko̱nda̱ꞌyáꞌénjnú kjo̱a̱ꞌbíndana ko̱jo tsi si̱ꞌankjatjasónjnú ni xi tsoboájnú jún nga si̱ꞌánjnú, jún boá xi ka̱majnú na̱xi̱ńdá xi tjó ngase sa̱ꞌin an, ngi̱jii̱n ngayeje na̱xi̱ńdá xí ngase xi tjín nga̱sondiee̱. Án boá xi tsa̱ꞌa̱n ngayeje tꞌanangii̱.

Éksondo̱ 19:6

Jún boá xi ka̱majnú chináꞌmina ngindyi̱ko̱n ngayeje xota̱ nga̱sondiee̱, kó ku̱i̱ndyiontꞌaxínjnúu̱ ngayeje nii̱ tsi̱ꞌe̱ nga ta̱ xá tsa̱ꞌa̱n tsí xi si̱ꞌánjnú».

Ndeuteronomio̱ 27:1

Kó Moisee̱ ko̱jo já ngito̱ko̱o̱ xota̱ Israee̱l, bi̱ katsoó xota̱ na̱xi̱ńdaá nga katsjaá kui kjo̱a̱botíxomaa̱: «Ti̱ꞌankjatjosónjnú ngayeje kjo̱a̱botíxoma xi je katsjajnúꞌun ngotꞌe̱.

Ndeuteronomio̱ 28:1

Moisee̱ bi̱ katsó ngasee̱ xota̱ na̱xi̱ńdaá: «Tsi si̱ꞌankjatjosónjnú ngayeje kjo̱a̱botíxomaa̱ xi Néná jè katsjájnú ngotꞌe̱, jún boá xi ka̱majnú xota̱ na̱xi̱ńdá xi tjó ngasee̱ ngayeje kui tꞌanangii̱,

Ndeuteronomio̱ 28:13

»Tsi ngatsjéni̱xtjin ko̱nda̱ꞌyáꞌénjnúu̱ kjo̱a̱botíxomaa̱ Néná, kó tsi jmíni̱xtjin si̱ꞌantsjajnúu̱ ni xi Nénájín, ngatsjéni̱xtjin nga jún boá xi ka̱majnú na̱xi̱ńdá xí ꞌniú ndikón ngase ngayeje nga̱sondiee̱.

Ndeuteronomio̱ 28:9

»Tsi si̱ꞌankjatjosónjnúu̱ Néná kjo̱a̱a̱ ngayeje nii̱, sa̱ꞌínkjatjosón ni xi katsóyàtjón nga tsja̱ajnú, kó jún boá xi ka̱majnú xota̱ na̱xi̱ńdá ndikoón.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.