Ndeuteronomio̱ 26:16 - Xo̱jo̱n eén Néná

¹⁶ Moisee̱ bi̱ katsó ngasee̱ xota̱ na̱xi̱ńdaá: «Néná boá xi tsꞌénbotixómájnú ngotꞌe̱ nga ko̱nda̱ꞌyáꞌénjnúu̱ ngayeje kjo̱a̱botíxomaa̱. Te̱ꞌéjnú ndso̱ꞌbájnú nga ko̱nda̱ꞌyáꞌénjnúu̱ ngayeje ini̱ma̱jnú ko̱jo ngayeje kjo̱a̱mindyionjnú.

Ndeuteronomio̱ 26:16 ပူးပေါင်းရင်းမြစ်များ

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Ndeuteronomio̱ 10:12

»Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

Ndeuteronomio̱ 11:1

Kó Moisee̱ bi̱ katsó ngasee̱ xota̱ na̱xi̱ńdaá: «Takójnú nga tjójnú Nejnú kó ti̱ꞌankjatjosónjnú kjo̱a̱botíxomaa̱.

Ndeuteronomio̱ 11:8

»Ndaꞌyáꞌénjnú ngayeje kjo̱a̱botíxoma xi ngotꞌe̱ tsꞌéntsjájnúꞌun. Kó bo̱a̱ tsꞌén nga kꞌuiéjnú ngaꞌniú nga si̱ꞌánjnúu̱ tꞌanangii̱ nga ku̱i̱xkánjo̱jnú xota̱ xi síndo ngi̱ndie nínga ku̱i̱tjásꞌi̱e̱njnú.

Ndeuteronomio̱ 12:1

Sꞌe̱ jaskan Moisee̱ bi̱ katsoó xota̱ na̱xi̱ńdaá: «Ngije ki̱a̱ tindyiónjnú kui tꞌanangi xi Néná katsóyàtjónjnú nga tsja̱ajnú, chjiéngá ngatsjéni̱xtjin si̱ꞌankjatjosónjnú kui kjo̱a̱botíxoma xi̱ꞌbi̱:

Ndeuteronomio̱ 12:32

Kuíni nga ti̱ꞌankjatjosónjnú kui kjo̱a̱botíxomaa̱, kó nga chjeꞌéxínjínjnúu̱ ngo ni, ti̱nde nga fosónjínjnúu̱ ngo ni.

Ndeuteronomio̱ 26:17

Jún boá xi je Ne ndyi̱ꞌmìjnúu̱ Nee̱ xota̱ Israee̱l, kó jé katseꞌéjnú ndso̱ꞌbájnú nga ngatsjéni̱xtjin si̱ꞌankjatjosónjnúu̱ ngayeje nii̱.

Ndeuteronomio̱ 4:29

Ta̱nga tsi ja̱koxi̱ nga kixi̱jnú, kó tsi ngayeje ini̱ma̱jnú nga chji̱a̱ꞌajnúu̱ nga sa̱ꞌínjetakónjnú Néná, ndatsi kui na̱xi̱ńdaá tindyiónjnú, Néná sa̱ꞌínjetakónjnú.

Ndeuteronomio̱ 6:1

Kuí bí kui kjo̱a̱kitii̱ xi Néná atíxomana nga kokoyájnúꞌun, tsi̱ꞌe̱ nga si̱ꞌankjatjosónjnú ki̱a̱ tꞌanangi nínga ku̱i̱ndyionjnú.

Ndeuteronomio̱ 6:17

»Ngatsjéni̱xtjin ti̱ꞌankjatjosónjnú kui kjo̱a̱botíxoma xi je katsjájnú Néná.

Ndeuteronomio̱ 6:5

Ti̱ꞌintjé ji Nèe̱ ngayeje ini̱ma̱a̱, ngayeje kjo̱a̱mindyiòo̱n, ko̱jo ngayeje ngaꞌniúu̱.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.