Ndeuteronomio̱ 26:13 - Xo̱jo̱n eén Néná

^13-14 Ngije kiniꞌánkꞌasꞌienjnú ngayeje kui nii̱, chjiéngá bi̱ kꞌuínjnú ki̱a̱ kje̱n ṉchandikoón: “Ji Ne, jè ijñátꞌaxín an ngo tjín ni xi kamáxchána, kó jè katsꞌenkꞌasꞌièe̱n chináꞌmii̱, ko̱jo xota̱ xi ta̱ ngotjón síndo ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Je katsꞌenkjatjosón an ngayeje kjo̱a̱botíxomàa̱, kó nde ngojín kui nii̱ xi katsꞌenjo̱ an. Jmí ni̱xtjin nga iskjíni̱e̱ an tji̱e̱nga tsjiejín kamá an, ko̱jo tsi kisꞌijña xa̱ꞌya̱ an, ti̱nde katsjajáa̱n a̱si̱énni̱xtjii̱n xota̱ xi je jesoón.

Ndeuteronomio̱ 26:13 ပူးပေါင်းရင်းမြစ်များ

Xo̱jo̱n Salmoo̱ 119:139

Kondra̱na ni̱ma̱kjo̱a̱ tsꞌénkꞌijñána, ta̱nga an tsꞌenchíyàjín an kjo̱a̱botíxomàa̱. Achichí ꞌniú tsꞌenxchán án, ngatꞌa̱ kui xotaa̱ tsꞌénkjátjosónjín. Ta̱nga an, tjóna kjo̱a̱botíxomàa̱, ngatꞌa̱ kuí boá xi xikoó to̱nsinié xi kui soboá soboaá.

Xo̱jo̱n Salmoo̱ 119:153

¡Tsitsíjìi̱n kjo̱a̱ni̱ma̱ xi tsꞌénfoaꞌatio an, kó ꞌna̱xiéꞌéní! ¡Tsꞌenchíyàjín an kjo̱a̱bokoyáa̱!

Xo̱jo̱n Salmoo̱ 119:176

Tsoꞌbá án xikoó ngo cho̱tsa̱nga̱ xi kichajá, ja̱bíndyi̱sení, ngatꞌa̱ jí boá xi ndi̱a̱na ji, kó jè tjíjinko̱n an kjo̱a̱botíxomàa̱.

Xo̱jo̱n Salmoo̱ 119:93

Jmí ni̱xtjin xchi̱yana ée̱n, ngatꞌa̱ kuí boá xi tikónni an.

Xo̱jo̱n Salmoo̱ 26:6

Koniejón an ndsa̱ án, tsi̱ꞌe̱ nga ngiti̱ jmí jé kꞌuiéjínna, kó bo̱a̱ tsꞌén nga ka̱ma kjótsoꞌbá an ki̱a̱ tꞌa ṉchandikóo̱n, ji Ne,

Énkjínkón 3:1

Ji ndí ngata̱ niꞌínchíyéjín ji kjo̱a̱kitina, kó tjajintakín ji kjo̱a̱botíxomana,

Ni xi kamá 24:16

Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 11:31

Néná kui xi Na̱ꞌmii̱ Ndi̱a̱ná Jesukristoo̱ be nga ja̱koxi̱ boá ni xi tsꞌénchji̱a̱ an, kó kuí boá xi nganiꞌántsjaá ta̱ kjiꞌání.

Ndeuteronomio̱ 26:12

»Xki̱ ján nó kꞌuijñátꞌaxínjnú tie nga úchaán ngayeje ni xi kamáxchájnú, kó kui nii̱ chináꞌmii̱ te̱ꞌéjnúu̱, ko̱jo xota̱ xi ta̱ ngotjón síndo ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n xi ki̱a̱ síndojinjnú. Kó bo̱a̱ tsꞌén nga ki̱a̱ nangijnú ngojín xi kjindiá kjo̱a̱ꞌa.

1 Xota̱ Tesalónika̱ 2:10

Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná.