Ndeuteronomio̱ 26:1 - Xo̱jo̱n eén Néná

¹ Moisee̱ bi̱ katsó ngasee̱ xota̱ na̱xi̱ńdaá: «Ngije tindyiónjnú ki̱a̱ tꞌanangi xi Néná tsja̱ajnú,

Ndeuteronomio̱ 26:1 ပူးပေါင်းရင်းမြစ်များ

Xki̱ 15:18

«Bo̱a̱ tꞌíi̱n xota̱ Israee̱l nga kjiꞌanga kjo̱chó kui na̱xi̱ńdá xí an tsjàa̱,

Xki̱ 15:2

«Bi̱ tꞌíi̱n xota̱ Israee̱l: Ngije síndo ki̱a̱ na̱xi̱ńdá xi an tsjàa̱, tsi̱ꞌe̱ nga ki̱a̱ je kꞌuíndo, chjiéngá bi̱ tsꞌén sa̱ꞌínkꞌasꞌien kjo̱a̱tjoó:

Ndeuteronomio̱ 13:1

»Tsi ngo xota̱ chji̱ni̱e̱ꞌe̱én Néná kji̱ndi̱bá, kó tsi bo̱a̱ ka̱tso̱jnú nga ngo ni akakoo̱, ko̱jo tsi ngo kjo̱a̱ndikón xí sꞌe̱ ka̱ma ka̱tso̱yàjnú,

Ndeuteronomio̱ 17:14

Moisee̱ bi̱ katsó ngasee̱ xota̱ na̱xi̱ńdaá: «Kjiꞌanga je kiniꞌánjnú nga ikixkántjéjnú kui na̱xi̱ńdá xí Néná tsja̱ajnú, kó nga je ki̱a̱ tindyiónjnú kui nangii̱, ka̱mara̱ ka̱mamejénjnú nga kꞌuiéjnú ngo nda̱ re xi ko̱tíxomájnú, xikoó xi tjiín kje̱ꞌe nangi.

Ndeuteronomio̱ 18:9

Moisee̱ bi̱ katsó ngasee̱ xota̱ na̱xi̱ńdaá: «Kjiꞌanga ku̱i̱tjásꞌi̱e̱njnú kui tꞌanangi xi Néná tsja̱ajnú, ki̱a̱ sa̱kójnú kje̱ꞌe xota̱ xi síndo ki̱a̱a̱, xi achichí nga chꞌokon kjo̱a̱xchá xí tjiín, kó kui nii̱ tsjajín maá Néná. Kui nii̱ xi tsꞌén kuí xotaa̱: tsꞌenkꞌásꞌién ndií tsi̱ꞌe̱ nga kꞌuití ngandaa̱ ne xi tsꞌéndíkón, tsꞌén kjo̱a̱tjiꞌe, tsꞌén kjo̱a̱ton, kó tsꞌénkjó nga be ni xi ka̱ma. Kó kotꞌasón nga tsꞌénkjién a̱si̱énni̱xtjii̱n xota̱ xi je jesón nga míꞌaá ngo kjo̱a̱botíxoma. Ta̱nga jún chjiéngá ko̱nda̱ꞌyáꞌénjnúu̱ ngayeje ni xi ka̱tso̱jnú Néná, kó chjiéngá xchónjnúu̱ yojojnú nga ki̱a̱jín kongintjingíjnú kui ni xi ndajín xi ndyi̱tsꞌèn kuí xotaa̱, ngatꞌa̱ Néná chꞌórií kui xotaa̱, kuíni nga mejeén kꞌo̱xiéni kui tꞌanangii̱.

Ndeuteronomio̱ 19:3

kó ti̱ꞌandayajnú ndi̱yà xí fóchóni kui ngi̱ndiee̱. »Sꞌe̱ jaskan ján tjín takjangàjnú kui na̱xi̱ńdaá, ngo xki̱ na̱xi̱ńdáꞌniú. Kó bo̱a̱ tsꞌén nga tsi ngo xota̱ xi jmí tsi xá katsꞌénni nga katsꞌénkꞌién kje̱ꞌe xota̱, ka̱ma ki̱a̱ ko̱e̱je̱kꞌíjñá ta̱jñàní nga ján kui na̱xi̱ńdaá. Ja̱koxi̱ra̱ nga xkjín kuí xi kiniꞌánkꞌieén ko̱ngase kui xi bo̱a̱ katsꞌeén tsi̱ꞌe̱ nga sa̱ꞌíngojo, ta̱nga kui xi bo̱a̱ katsꞌeén chjiéngá ko̱kó nga jmí tsi kondra̱ kamánii̱ kui xi katsꞌénkꞌieén, kó nga ta̱ xá kamájín kui nii̱.

Ndeuteronomio̱ 25:19

Kuíni nga ngatjaꞌátsjienjnú kui nii̱: Ngije tindyiónjnú na̱xi̱ńdájnú, kó ngije kiniꞌánkjiéjnú kondra̱jnú xi síndo nga ngo foaꞌatjiyajoo̱n, chjiéngá si̱ꞌankjiejnú ngayeje xota̱ tji̱e̱e̱ Amalee̱k».

Ndeuteronomio̱ 26:2

chjiéngá Néná si̱ꞌankꞌasꞌienjnúu̱ ni xi tjón kamáxchájnú xi ikꞌítji̱e̱jnú. Ngo ni̱se̱nyá ku̱i̱ndyiajnú, kósꞌe̱ ki̱a̱ kongínjo̱jnú ndiꞌandikoón.

Ndeuteronomio̱ 4:21

Ta̱nga ta̱ngatꞌanii̱ jún nga Néná an katsꞌénxchánjo̱na, kó katsóyàtjónna nga tsja̱ndièjínna nga kjo̱a̱ꞌatio an ndejèꞌ Jorndaa̱n. Kuíni nga an kꞌosꞌi̱e̱njín an kui tꞌanangi nda xi Néná tsja̱ajnú jún.

Ndeuteronomio̱ 5:31

ta̱nga ji ndibé nginí, kó kꞌi̱e̱ nijan ti̱ndyi̱nje̱ní. Án boá xi sa̱ꞌinkꞌasꞌiee̱n kjo̱a̱botíxoma xi chjiéngá ko̱ko̱yée̱, tsi̱ꞌe̱ nga ngayejee̱ nga sa̱ꞌínkjatjosón nga kꞌuíndo ngi̱ndie nínga tsjàa̱”.

Ndeuteronomio̱ 7:1

Kó bi̱ katsó ngasee̱ Moisee̱ kui xota̱ na̱xi̱ńdaá: «Néná tsja̱ndièjnú nga ku̱i̱tjásꞌi̱e̱njnú ki̱a̱ kui tꞌanangi xi tsja̱ajnú. Kó kꞌo̱xié ki̱a̱ kui ngi̱ndiee̱ yito to̱ko̱ya xota̱ na̱xi̱ńdá xi kjín ngase ma, ko̱jo xi tjín ngasee̱ ngaꞌniú, ta̱bo̱a̱jiín jún, kó kuí boá xi xota̱ Ee̱t, ko̱jo xota̱ Jerjee̱, ko̱jo xota̱ Amoo̱r, ko̱jo xota̱ Kanaa̱n, ko̱jo xota̱ Feree̱, ko̱jo xota̱ Ee̱b, ko̱jo xota̱ Jebuu̱.