Ndeuteronomio̱ 24:7 - Xo̱jo̱n eén Néná

⁷ »Ta̱ꞌyaní xi ngo xota̱ sa̱ꞌínchejé tsi̱ꞌe̱ nga ko̱tíñá ko̱jo tsi tsi̱ꞌe̱ nga moso̱ sa̱ꞌín, chjiéngá ko̱yà. Ngata̱ boeꞌéndièjínjnú nga kui ni xi ndajiín ka̱ma ki̱a̱ na̱xi̱ńdájnú.

Ndeuteronomio̱ 24:7 ပူးပေါင်းရင်းမြစ်များ

Joo̱b 24:3

foaꞌáxiín bórroó xota̱ xi xꞌi̱a̱a̱n, kó kjíbé cho̱yojo xi̱ꞌin xi ꞌbijñángíni nga míyá ni ínchjín kꞌán xi je kꞌien xi̱ꞌii̱n.

Joo̱b 24:9

Foaꞌáxiín ndíndaa̱ ínchjín kꞌán xi je kꞌien xi̱ꞌii̱n, kó ndí xi̱xi̱i̱ xota̱ ni̱ma̱a̱ foaꞌáxiín nga tsꞌénkíyaà ni,

Éksondo̱ 21:16

»Kui xi sa̱ꞌínchejé nga kjo̱jo ngo xota̱, tsi ko̱tíñá ko̱jo tsi ta̱kó ngi̱ya tsja tikón kui xotaa̱ nga xcha̱, chjiéngá ko̱yà.

Ndeuteronomio̱ 13:6

»Tsi tjín xí ka̱tso̱yàjnú tsi̱ꞌe̱ nga kje̱ꞌe ne si̱ꞌantsjajnúu̱, tsi tiña ko̱jo tsi kjin chji̱a̱ni, ngata̱ niꞌánsénjínjnúu̱. Ta̱sá ti̱ꞌankꞌiènjnú kui xotaa̱, kó jún boá xi tjón ngatamajnú nga si̱ꞌankꞌiénjnú. Ngata̱ ni̱ma̱jín májnú, jmí ndasénjín tsi ntsꞌiejnú má, ko̱jo tsi ndí xíꞌínjnú, ko̱jo tsi ndí chjo̱ónjnú, ko̱jo ndatsi chjo̱ónjnú ma, ko̱jo tsi nda̱ xi ꞌniú nda yaꞌajnú. Ngata̱ niꞌánjetakónjínjnúu̱ kui ni xi ndajín xi katsꞌén, ta̱sá ndi̱jo̱ tjayàjnú nga si̱ꞌankꞌiénjnú. Kuí boá ni xi tsoboaá ta̱ꞌya xota̱ní xi sa̱ꞌínkjinjnú Néná xi chji̱a̱ni Israee̱l, ngatꞌa̱ kuí boá Néná xi tsꞌaxiénijnú nangi Ejipto̱, kó kuí boá xi katsꞌéndéjnú. Bo̱a̱ tsꞌén nga ko̱e̱ꞌéjnúu̱ ngo chi̱bo̱a̱ xi nda ngayeje xota̱ na̱xi̱ńdaá, kui xi chjiéngá stsa̱kjonní, kó nga ngiti̱ ka̱májiín sa̱ꞌín nginí kui jeé.

Ndeuteronomio̱ 17:7

Tsi tjiín jé kui xotaa̱, kui xi tjón kꞌo̱ya ndi̱jo̱o̱ kuí boá xi chistikoo̱, sꞌe̱ jaskan xota̱ na̱xi̱ńdá xí ngasee̱. Kó bo̱a̱ tsꞌén nga kꞌuiéjín ni xi ndajín ngi̱jinjnú.

Ndeuteronomio̱ 19:19

kjiꞌá boá nga tsja̱akjo̱a̱, kó nga bo̱a̱ tsꞌén ka̱majeé kui chistikoo̱ xikoó kui kjo̱a̱botíjé xi tsꞌénmíꞌá tsi̱ꞌe̱ kui nda̱ xi tsꞌénbongítaꞌii̱n. Bi̱ tsꞌén chje̱ꞌéchjíjnú: tsi ngo ndyi̱ko̱n tsꞌaxié, ti̱ chjiéngá ngo ko̱ꞌna̱xié tsi̱ꞌe̱ nga, tsi ngo ṉꞌni̱u̱ iskjítꞌó, ti̱ chjiéngá ngo chjátꞌó tsi̱ꞌe̱ nga, tsi ngo tsja iskjítꞌó, ti̱ ngo chjátꞌó tsi̱ꞌe̱ nga, tsi ngo se iskjítꞌó, ti̱ ngo chjátꞌó tsi̱ꞌe̱ nga, tsi ngo ini̱ma̱ katsꞌénkꞌién, ja̱ ti̱ si̱ꞌankꞌién xi bo̱a̱ katsꞌeén nga. Ngata̱ niꞌánjetakónjínjnúu̱ ngo xota̱ xi ngo ni xi ndajín sa̱ꞌín. Tsi si̱ꞌankjatjosónjnú kui kjo̱a̱botíxomaa̱, ngojín xota̱ xi ni xi ndajín sa̱ꞌín, ngatꞌa̱ ngayeje xotaa̱ stsa̱kjonní nga ta̱xkiya ku̱i̱ꞌíndiso nga ko̱óngítaꞌin ngo xota̱».

Ndeuteronomio̱ 24:6

»Tsi tjín xí ngo to̱n ku̱i̱yajnú, ngata̱ makjina̱ xi ꞌboo̱jín chjábéjnú nga kui ku̱i̱ꞌíjñangijnú kui to̱o̱n. Tsi bo̱a̱ si̱ꞌánjnú, kui xotaa̱ ngiti̱ kꞌuiéjiín ni xi kꞌoní ndso̱ko̱a̱n ṉño̱paa̱n, kó ka̱má kjindiá kjo̱a̱ꞌa.

1 Timoo̱ 1:10

ko̱jo xota̱ xi tondo̱, ko̱jo xota̱ xi xonda, ko̱jo xota̱ xi ndyi̱botiñá moso̱, ko̱jo xota̱ xi ndiso xi ngaskande ngiboanéná ndyi̱tsó nga ndyi̱chji̱a̱, ko̱jo ngayeje xota̱ xi kondra̱ síndonii̱ kjo̱a̱bokoyá xi ndaa̱.

Ni xi akakoo̱ 18:13

ko̱jo tji̱bo̱a̱kanera̱, ko̱jo tosije̱n, ko̱jo nisije̱n xi niꞌánkjién nga niꞌándikón Néná, ko̱jo ndásíje̱n chjí xi ꞌmí mirra̱, ko̱jo ndásíje̱n xi kje̱ꞌe, ko̱jo bino̱, ko̱jo isti̱, ko̱jo ndso̱ko̱a̱n ṉño̱ xi kixꞌi, ko̱jo to ndso̱ko̱a̱n ṉño̱pan, ko̱jo cho̱ xi ꞌbiñájanjo̱ chꞌià, ko̱jo cho̱tsa̱nga̱, ko̱jo ndi̱je̱, ko̱jo karro̱, ko̱jo ngaskande moso̱ xi stiñá, ko̱jo ini̱ma̱a̱ xota̱.